1 Samuẹl 20:30 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁰ Etiyin ivun de miovwo Sọl kpahe Jonatan, ọ da ta kẹ, Wẹ ọmọ rẹ aye ọfafarhiẹ zighizighi na me rha riẹn nẹ wọ jẹ ọmọ ri Jesse reyọ kẹ omaẹphọphọ wẹ-ẹn, je vwọ kẹ omaẹvuọ rẹ ẹban rẹ oni wẹn?

1 Samuẹl 20:30 ပူးပေါင်းရင်းမြစ်များ

ỌBE RẸ JOB 5:2

Ghinẹ uyota ophuemuo hwe ẹkpa, omẹriọ hwe ovwibeghe.

Isẹ 14:29

Ohwo rọ fobọ mu ophu-u ọye ohwo ro vwo ẹruọ okokodo, ẹkẹvuọvo ohwo ro vwo ẹnwẹn ogigidi dje ughenghẹn phia.

Isẹ 15:2

Ẹrẹnvwe rẹ ọvwaghwanre djẹ erianriẹn phia, ẹkẹvuọvo unu rẹ ẹkpa vwẹ ughenghẹn phia.

Isẹ 19:12

Ophuemuo rẹ ovie họhọ eguango rẹ okpohrokpo, ẹkẹvuọvo ẹroesiri rọye họhọ irho rọ hẹ enu rẹ ẹbẹ.

Isẹ 19:19

Ohwo ro mu ophu ọgangan cha hwa osa rọye, kidie wo de sivwo obọvo nu, wọ je cha vwariẹ.

Isẹ 21:24

Ọjihwofia ọye ọde rẹ ohwo ro herẹ, ro vwo ọnko ro yivwaro vẹ omaephuo.

Isẹ 25:28

Ohwo ro se suẹn oma rọye-e, ọ họhọ orere ra roro ra da guọghọ ọgba ra gba riariẹ te otọ.

Isẹ 27:3

Oragha epha họhọhọ, ekpẹn je vwo ọnyẹn, ẹkẹvuọvo ophu ẹkparọ rẹ ẹkpa họhọ nọ ayen ivẹ na.

Matiu 5:22

Ẹkẹvuọvo me ta kẹ ovwan nẹ, ohwo kohwo rẹ evun rẹ omoni rọye miovwiri ekueku, ke vwo gu ẹdjọ; ohwo kohwo ro harhe omoni rọye nẹ, Eghwobi, ke vwo guẹdjọ kẹ ukoko rẹ ihwo, ohwo rọ harhere nẹ, Wẹ ẹkpa na, kọ vwẹ ẹro siẹn oja rẹ erhanre ri bẹdẹ.

Ẹfesọs 4:31

We siobọ nẹ ivuemiovwo kugbe ẹghwọ kugbe ophu kugbe oseghe kugbe ọphọphọvwe vwẹ ohri rẹ ovwan, vẹ ọnko.

Ẹfesọs 6:4

Esẹ na, wa kpare emọ rẹ ovwan ophu-u, ẹkẹvuọvo wa ghẹrẹ ayen vwẹ ẹghwọ kuo kugbe uyono rẹ Ọrovwohwo.

1 Samuẹl 20:29

ọ tare, Ju vwe kpo; kidie orua mẹ re ze izobo vwẹ obo orere, oniọvo mẹ da vuẹ rhe vwe nẹ me rhe. Asakiephana, ivun mẹ da vwerhe owẹ, gbe ju vwe yanran, re me ra mrẹ iniọvo mẹ. Fiki rẹ ọnana na ọ gbe sa rhe imẹjẹ rẹ ovie-e.

1 Samuẹl 20:31

Kidie uche ọke rẹ ọmọ ri Jesse na dia akpọ na krite, te owẹ te uvie wẹn cha sa ghwotọ-ọ. Gbe ji ohwo re muo rhe vwe, kidie o ghwu nure.