1 Samuẹl 20:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ẹkẹvuọvo ọ da dianẹ ọsẹ mẹ guọnọ owẹ ruẹ emu ọgangan, Ọrovwohwo ru ọtiọye kẹ Jonatan, ọ rọ rhonọ ọtiọye rhe, ọ da dianẹ me vwẹ rọ phia kẹ wẹ-ẹ, ri mi de sun we kpo, rere wọ vwọ yanran egbẹrhẹnẹdẹ, Gbe jẹ Ọrovwohwo nene uwe dia, kirobo rọ vẹ ọsẹ mẹ gba herọ.

1 Samuẹl 20:13 ပူးပေါင်းရင်းမြစ်များ

2 Samuẹl 19:13

Gbe je ta kẹ Amasa, Wọ dia ubeku mẹ, kugbe uvwo mẹ-ẹ? Jẹn Ọghẹnẹ ru etiọye vwẹ ọ ro je nọ ọtiọye re me gbe vwẹ owẹ ma ono vwẹ ẹdia ri Joab nẹ ọke na yanra-an.

2 Samuẹl 3:35

Eriyin ihwo na ejobi da rhe nẹrhẹ Devid nẹ ọ re emu rẹ ọke ki rhi kpo; ẹkẹvuọvo Devid de duvwu iyori ọ da ta, E jẹn Ọghẹnẹ ru ọtiọye kẹ vwẹ, ọ rọ fiki nọ ọtiọye, ọ da dianẹ me re emu yẹrẹ mi ru emu ọfa, bẹsiẹ rẹ ọnre vwọ ruotọ.

2 Samuẹl 7:15

Ẹkẹvuọvo mi se sio nẹ otọ rẹ ẹguọnọ ro jẹrhẹriẹ mẹ-ẹ, kirobo ri mi ru Sọl ri mi si nẹ obaro mẹ.

1 Ivie 1:37

Kirobo rẹ Ọrovwohwo vẹ ọrovwovwe ovie herọ na, ọtiọye ọ vẹ Solomọn je dia rhe, ko ru ekete rọye rho nọ ekete rẹ ọrovwovwe Ovie Devid.

1 Ivie 19:2

etiyin Jezibẹl de ji ikọn bru Ilaija tanẹ, ọtiọye ẹdjọ na ru kẹ vwẹ, e je nọ ọtiọye rhe, ri mi gbe rhe hwe we vwẹ ọke ọtiọna odẹ rọ cha na-a kirobo ru wo hwe ọvo vwẹ usun rẹ ayen na.

1 Ivie 20:10

Bẹnhadad de jo bro ra ọ da ta, Ẹdjọ na ru ọtiọye kẹ vwẹ, ọ tobọ no ọtiọye rhe, ọ da dianẹ iwurhie ri Sameria sa vọn ẹkuobọ rẹ ihwo ri che nene uvwe rhe.

1 Ikun rẹ Ivie 22:11

Asakiephana ọmọ mẹ, Ọrovwohwo vẹ owẹ dia, rere wo se phi kparobọ vwẹ uwevwi ẹbọn rẹ Ọrovwohwo rẹ Ọghẹnẹ wẹn kirobo rẹ ọ tare kpahe owẹ.

1 Ikun rẹ Ivie 22:16

rẹ oro, idọnọ, ẹrovwo, vẹ utehru. We vrẹn we ru iruo, Ọrovwohwo vẹ ovwan dia.

Matiu 28:20

Wẹ yono ayen vwọ riẹn otọ rẹ imu na ejobi re dje kẹ ovwan na. Nighe, me vẹ ovwan herọ vwẹ ọke ejobi, rhiri rhi te oba rẹ akpọ na.

Filipae 4:9

Obo rẹ ovwan yonori rẹ ovwan reyọre rẹ ovwan nyori rẹ ovwan mrẹre vwẹ obọ mẹ, ruo; Ọghẹnẹ rẹ ufuoma kọ vẹ ovwan dia.

Joshua 1:5

O vwo ohwo ọvuọvo ro che yivwi hirhe opharo ku we vwẹ ẹdẹ rẹ akpọ wẹn ejobi-i; kirobo mi vi Mosis diarọ, ọtiọye me vẹ owẹ je cha dia; me cha phiẹn wẹ-ẹn eyẹ me cha sẹn wẹ-ẹn.

Rutu 1:17

asan wo de ghwu mi de ghwu, etiyin e shi vwe phihọ: E jẹn Ọrovwohwo ru ọtiọye kẹ vwẹ ọ rọ vrẹn ọtiọye, ọ da tobọ dianẹ ughwu hẹriẹ ovwẹ nẹ uwe.

1 Samuẹl 10:7

Ọke rẹ eka nana da vwa wẹ, gbe ru obo ra tani wo ru, kidie Ọghẹnẹ vẹ owẹ herọ.

1 Samuẹl 14:47

Ọke ri Sọl rhe vwọ re uvie vwẹ Izrẹl nu, ọ da họnre ivwighrẹ rọye vwẹ abọ kabọ ihwo ri Moab, ihwo rẹ Ammọn, ihwo rẹ Edọm, ivie ri Zobah, kugbe ihwo ri Filistia; kasan kasan rọ họnre te o mi phi ayen kua.

1 Samuẹl 17:37

Devid da ta, Ọrovwohwo ro sivwi vwe nẹ ẹkuobọ rẹ okpohrokpo kugbe ẹkuobọ rẹ okorhi na, ko ji sivwi vwe nẹ obọ ri Filistia nana. Sọl da ta kẹ Devid, Yanran, Ọrovwohwo nene uwe dia.

1 Samuẹl 18:12

Oshọ ri Devid ko mui Sọl, fikiridie Ọrovwohwo vẹ ọye herọ ẹkẹvuọvo yọ kua nẹ oma ri Sọl.

1 Samuẹl 19:3

ke me yanran kpo otafe re mudia kẹrẹ ọsẹ mẹ vwẹ evun rẹ aghwa re wọ epha na, ke me ta ota wẹn kẹ ọsẹ mẹ; obo ri mi nyori ke me vuẹ wẹ.

1 Samuẹl 20:12

Jonatan da ta kẹ Devid, Ọrovwohwo na, Ọghẹnẹ rẹ Izrẹl na, jọ dia oseri. Ọke me da mrẹ ọ rẹ unu rẹ ọsẹ mẹ, vwẹ ọtiọke ọtiọna vwẹ odẹ rọ cha na, eyẹ ẹdẹ rerha, nighe, ọ da dianẹ ivun ri Dẹvid vwerherọ, Mi gbi rhe ji ohwo rhe vuẹ wẹ-ẹ?

1 Samuẹl 20:14

Ọ da dianẹ me je hẹ akpọ, gbe dje omamọ rẹ ẹguọnọ rẹ Ọrovwohwo kẹ vwẹ, rere mi vwo je ghwo;

1 Samuẹl 25:22

Ọghẹnẹ ru ọtiọye kẹ Devid ọ rọ tobọ nọ ọtiọye re bẹsiẹ rẹ ọke vwo rhie ohwo rọye ọvo de ji chekọ.

1 Samuẹl 3:17

Eli da ta, Didi emu ọ ta kẹ wẹ? Wo sionẹ kẹ vwẹ-ẹ. Jẹn Ọghẹnẹ ru ẹtiọye kẹ wẹ ọ rọ rhonọ ọtiọye rhe, ọ da dianẹ wo siobo ro ta kẹ wẹ nu kẹ vwẹ.