1 Samuẹl 20:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Etiyin Devid da djẹ nẹ Naiot vwi Remah, ọ da rhe rhe ta kẹ Jonatan, Die mi ruru? Didi abe me rere? Didi umwemwu mi ru ọsẹ wẹn, rọ vwọ guọnọ ovwẹ hwe?

1 Samuẹl 20:1 ပူးပေါင်းရင်းမြစ်များ

Une rẹ Ejiro 54:3

Kidie ihwo ri yivwaro vrẹn vwọ so vwẹ, ihwo ri vwo arodọvwẹ-ẹ guọnọ arhọ mẹ; ayen phi Ọghẹnẹ phihọ obaro rẹ aye-en.

2 Kọrẹnt 1:12

Kidie eyan rẹ avwanre kẹ ọna, iseri rẹ udu rẹ avwanre nẹ evun rẹ avwanre pha fuanfon vwẹ akpọ na, ọtiọye avwanie je fon evun kpahe ovwan, vẹ ẹfuọn kugbe uruemu esiri, ọ dianẹ kẹ aghwanre rẹ akpọ na-a ẹkẹvuọvo vwẹ ẹserọphẹ rẹ Ọghẹnẹ.

2 Pita 2:9

kẹ ọtiọye Ọrovwohwo je riẹn obo ro sivwi ihwo efuanfon rọye nẹ ọdavwini, ọ me rha sẹrọ rẹ ohwo umwemwu hẹrhe ehwe bẹsiẹ rẹ ẹdẹ rẹ ẹdjọeguo na vwo te.

1 Jọn 3:21

Imoni re ghare, udu rẹ avwanre rhe bruhwe avwanre-e, avwanre ki se yivwi si kẹre Ọghẹnẹ;

1 Samuẹl 12:3

Mẹvwẹ na; we gbe se oseri mu vwe vwẹ obaro rẹ Ọrovwohwo kugbe obaro rẹ ohwo ra vwẹ evwri te. Ono ri vwo erhuẹn ọshare ri mi muru? Eyẹ konọ vwo ekẹtẹkẹrẹ ri mi muru? Eyẹ kono me ghwarẹ? Ono mi shenyẹ? Eyẹ kono me re udi mie ro rhu vwẹ ẹro? We se oseri hwe vwe re me rhan ayen rhivwi kẹ ovwan.

1 Samuẹl 19:1

Sọl da ta kẹ Jonatan rẹ ọmọ rọye kugbe idibo rọye ejobi, nẹ ayen hwe Devid. Ẹkẹvuọvo Jonatan, ọmọ ri Sọl na, da guọnọ Devid gangan.

1 Samuẹl 19:18

Asakiephana ri Devid vwọ djẹ vabọ nu, o de bru Samuẹl rhe vwi Ramah, o de gbe ikun rẹ obo ri Sọl ruru kẹ. Te ọye te Samuẹl da yanran ra dia Naiot.

1 Samuẹl 20:2

Ọ da ta kẹ, kpare iroro vrẹn. Wo che ghwuu. Nighe, ọsẹ mẹ ruẹ emu ọvuọvo otete eyẹ ọrode ro de ju vwe ẹvuẹ-ẹ; kidie nẹrhẹ ọsẹ mẹ si emu nana nu kẹ vwẹ? ọ dia ọtiọye-e.

1 Samuẹl 20:32

Etiyin Jonatan da kpahe kẹ Sọl ọsẹ rọye, Die sorọ re vwo hwe? Die oruru?

1 Samuẹl 24:11

Wọ mrẹrẹ ọsẹ mẹ, ni orhọn rẹ adagba wẹn vwẹ obọ mẹ; ri mi se vwo bru orhọn rẹ adagba wẹn, yi mi hwe we na-a, ku wọ riẹn nẹ iroro umwemwu eyẹ ozighi hẹ evun mẹ-ẹ. Mi ji ru umwemwu kpahe owẹ-ẹ, dede yu wọ bẹrẹ ibefi rere wo hwe vwe.

1 Samuẹl 24:12

E jẹn Ọrovwohwo guẹdjọ mẹ vẹ owẹ, e jẹn Ọrovwohwo vwẹ owẹ reihri kẹ vwẹ; yẹ obọ mẹ che hwe we-e.

1 Samuẹl 24:17

ọ da ta kẹ Devid, Wẹ re ma dia ọvwata nọ vwẹ; kidie wọ vwẹ uyoyovwi hwa osa kẹ vwẹ, yẹ me vwẹ umwemwu hwa osa kẹ wẹ.

1 Samuẹl 24:9

Devid da ta kẹ Sọl, Die wọ vwọ kerhọ rẹ ihwo re tanẹ, Nighe, Devid guọnọ owẹ hwe?

1 Samuẹl 26:18

Ọ da ta, Die sorọ rẹ ọrọvwovwe vwọ tua odibo rọye? Kidie me tobọ ru? Didi abe me rere?