1 Samuẹl 2:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ọrovwohwo ruẹ ohwo phihọ ogbere ọye ji ruẹ phihọ ọdafe; ọ vwẹ ohwo kpotọ ọ je kparọ kpenu.

1 Samuẹl 2:7 ပူးပေါင်းရင်းမြစ်များ

Ivie rẹ Ivẹ 9:6

Ọtiọye o de vrẹn, ọ da yanran ro evun rẹ uwevwi; emeghele rẹ ọshare na de ku evwri na ku uyovwi rọye, ọ da ta kẹ nẹ, Enẹ Ọrovwohwo Ọghẹnẹ rẹ Izrẹl tare, Me vwo wẹ mu ovie kẹ ihwo rẹ Ọrovwohwo na vwẹ Izrẹl.

1 Ikun rẹ Ivie 29:12

Te efe te ọghọ obọ wẹn inẹcha, wọwẹ ri suẹn ayen ejobi; obọ wẹn ẹgba vẹ ogangan epha; obọ wẹn ri ruẹ ohwo rhua ọye je vwẹ ogangan kẹ ihwo ejobi.

2 Ikun rẹ Ivie 32:27

Hẹzikaya feri gangan ọ ke je mrẹ ọghọ; o de koko efe rẹ idọnọ, oro, kugbe eragha eghaghare, egẹn, ekpọfia, kugbe ekuakua efa re ghaghare;

2 Ikun rẹ Ivie 32:29

Ọ da je bọn irere kẹ oma rọye, kugbe igegede vẹ uchuru buebu; kidie Ọghẹnẹ kẹrẹ eyenre buebu.

ỌBE RẸ JOB 1:21

Ọ da ta, Ẹbẹba mi vwo nẹ uwevwievwiẹ rẹ oni mẹ rhe, ẹbẹba me che vwo hirhe, Ọrovwohwo re kerẹ, Ọrovwohwo re je reyọ, ebruphihọ kẹ odẹ rẹ Ọrovwohwo na.

ỌBE RẸ JOB 40:12

Ni ohwo kohwo ro herẹ, ri wo vwo gbe otọ, re wo chiyi ohwo umwemwu muotọ vwẹ asan ro mudia phihọ.

ỌBE RẸ JOB 5:11

Ọ vwẹ otu rẹ obotọ kpenu, otu ri muomahọ ọ kpare ayen kpo ofuvwegbe.

Une rẹ Ejiro 102:10

Fiki re ophu vẹ ivuemiovwo wẹn; kidie wo mu vwe kpenu wo de phi vwe kufia.

Une rẹ Ejiro 75:7

ẹkẹvuọvo Ọghẹnẹ ọye ri brọrhiẹ, ọye re vwẹ ọvo kpoto ọ me rha kpare ọfa kpenu.

Une rẹ Ejiro 75:8

Kidie vwẹ obọ rẹ Ọrovwohwo uko herọ, ẹe udi ro gbe iphughẹ, ra nabo gua, ko che ku udi na no, ihwo imwemwu rẹ akpọ na ejobi ke cha da re duvwu ikiẹn

Isẹ 22:2

Tẹ ọdafe tẹ ogbere cha yan mu ohwohwo; Ọrovwohwo na ọvo re ma ayen ejobi.

Aizaya 2:12

Kidie Ọrovwohwo rẹ ofovwi na vwẹ ẹdẹ kẹ ihwo ri herẹ kugbe iri phuoma, kẹ ihwo ri mu oma kpenu,

Jerimaya 49:15

Kidie gbe no, mi che ru we hanvwe vwẹ ohri rẹ ẹgborho na, ra jẹfia vwẹ uherevie rẹ ihwo;

Izikiẹl 17:24

Irhe rẹ aghwa na ejobi ke cha riẹn nẹ mẹvwẹ Ọrovwohwo na sa vẹn urhe ro kpenu kpotọ, urhe ro kpotọ mi mi rhe muo kpenu, o mi ru urhe ọkpokpọ phihọ oghweghwu, ọ mi rhe ru urhe oghweghwu phihọ ọkpokpọ. Mẹvwẹ Ọrovwohwo me ta nure, ki mi ji se ruo gba.

Jems 4:10

Vwẹ oma wẹn kpotọ kẹ Ọghẹnẹ, kọ kpare owẹ kpenu.