1 Samuẹl 2:30 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁰ Vwẹ ọtiọye na Ọrovwohwo Ọghẹnẹ rẹ Izrẹl na tare: Mi veri jovwo nẹ uwevwi wẹn kugbe uwevwi rẹ ọsẹ wẹn ke ro uwevwi ro otafe vwẹ obaro mẹ bẹdẹ; ẹkẹvuọvo asakiephana Ọrovwohwo tare: ọ gbe dia omẹvwẹ; ọfa-a; kidie ihwo ri mu ọghọ kẹ vwẹ eye mi mu ọghọ kẹ, ihwo re jẹ vwẹ fia ke ni ayen phorhi.

1 Samuẹl 2:30 ပူးပေါင်းရင်းမြစ်များ

1 Ivie 11:11

Fiki rẹ ọtiọye na Ọrovwohwo da ta kẹ Solomọn, Rẹ Ọnana vwọ dia iroro wẹn ru wọ gbe yọnrọn ọphọ mẹ kugbe iji mẹ ri mi ji kẹ wẹ-ẹ na, vwẹ uyota ki mi si uvie na nẹ oma wẹn ke me vwọ kẹ odibo wẹn.

1 Ivie 2:27

Ọtiọye Solomọn da djẹ Abiata nẹ orherẹn rẹ Ọrovwohwo, kọye ota rẹ Ọrovwohwo vwọ gba rọ tare kpahe uwevwi rẹ Eli vwi Shilo.

1 Ikun rẹ Ivie 17:18

Die ọfa Devid sa ta kẹ wẹ ru wọ vwọ vwẹ ọghọ kẹ odibo wẹn? Kidie wọ riẹn odibo wẹn.

2 Ikun rẹ Ivie 15:2

Ọ da yanran ra vwa Asa, ọ da ta kẹ, kerhọn mẹ, Asa, kugbe Juda vi Bẹnjamin ejobi; Ọrovwohwo na vẹ owẹ herọ, vwẹ ọke ro wọ vẹ ọye da herọ. Wọ da guọnọ, ku wọ mrẹ, ẹkẹvuọvo wọ da siọn, kọ sen wẹ.

2 Ikun rẹ Ivie 26:18

ayen de re gbe ota phihọ Uzaya unu, ayen da ta kẹ, Ọ dia iruo wẹ-ẹn, Uzaya, re wọ vwọ torhẹ insẹns kẹ Ọrovwohwo-o, ẹkẹvuọvo irherẹn na kugbe ọmọ rẹ Erọn, re vwo mu nẹ e torhẹ insẹns. Wan nẹ evun rẹ ẹshẹ na; kidie wo ru chọ, o vwo ọghọ ro che nẹ obọ rọ Ọrovwohwo Ọghẹnẹ bru we-e.

Une rẹ Ejiro 18:20

Ọrovwohwo hwa osa kẹ vwẹ kirobo re ọvwata mẹ epha, kirobo re abọ mẹ fon te eriyin ọ hwa osa keẹ vwẹ

Une rẹ Ejiro 18:26

ohwo rọ fonro wọ me vwẹ ọfuanfon wẹn vwọ nẹ, ohwo ro gunuru wọ me vwẹ ogugunu wẹn vwọ phia kẹ

Une rẹ Ejiro 50:23

Ohwo rọ vwe ẹkpẹvwẹ re izobo rhe yo mu ọghọ kẹ vwẹ, ohwo rọ kpọ idjerhe rọye vi kọye me cha vwẹ esivwo rẹ Ọghẹnẹ vwọ nẹ.

Une rẹ Ejiro 73:20

Ayen họhọ evwerhẹ vwẹ ọke re ohwo da rhọvwọ rhe, ọ da varhe kọ jẹ ayen fia nẹ emu gheghe.

Une rẹ Ejiro 91:14

Fikiridie o churu mu vwe vwẹ ẹguọnọ, ki mi sivwo, Ke me chochọ rọye, kidie ọ riẹn odẹ mẹ

Une rẹ Ejiro 91:15

Ọke ro de se vwe, ke me kpahe kẹ, Mi nene dia vwẹ ọke rẹ ukpokpogho, ki mi yoro no ri mi de mu ọghọ kẹ.

Ẹyano 28:43

ke dia oma rẹ Erọn, vẹ emọ rọye, vwẹ ọke ro de kpo utughẹ ra da vwa oma na, eyẹ ọke rẹ ayen de che sikẹrẹ agbada na rhi gbe odibo vwẹ ẹdia ọfuanfon na; ọ rha dia ọtiọye-e ayen da rha ghwẹ abe phihọ oma rayen ayen de rhe ghwu. Ọnana kọ dia iji rhiri bẹdẹ vwọ kẹ vẹ ikrun rọye re cha vwẹ obuko rọye.

Ẹyano 29:9

wọ me vwẹ umuehu na mu ayen wo mi churu erhu na si ayen; orherẹn na kọ dia iji rayen bẹvwẹdẹ. Enẹ kọye wọ vwẹ Erọn vẹ emọ rọye vwo mu.

Isẹ 12:8

Ọtiobo rẹ iroro rẹ ohwo yovwi te eriyin ejiro te, ẹkẹvuọvo ọjẹfia ọye ẹkẹn ro te ohwo rẹ iroro rọye chọre.

Isẹ 4:8

Nabọ dẹ ghaghare, kọ cha kpare owẹ kpenu; kọ vwẹ ọghọ kẹ wẹ ru wọ da nabọ gbanọ boma.

Isẹ 8:17

Me guọnọ ihwo re guọnọ ovwẹ, ihwo re vwẹ oma kpotọ guọnọ ovwẹ ke mrẹ vwẹ.

Aizaya 29:13

Ọrovwohwo na da ta: Fikiridie ihwo nana vwẹ ugbunu rayen si kẹre ovwẹ ayen da vwẹ ẹbẹrunu rayen mu ọghọ kẹ vwẹ, yẹ udu rayen sheri kẹ vwẹ, oshọ mẹ rayen djẹ da dia urhi rẹ ihwo rẹ akpọ re erianriẹ rẹ ayen yono phihọ uyovwi;

Jerimaya 29:32

otiọye na enẹ Ọrovwohwo tare. Nighe, Mi che ru Shemaya ri Nehelam vẹ uvwiẹ rọye gangan, o gbi che vwo ohwo rọ dia uherevie rẹ ihwo nana rọ mrẹ emu esiri ri mi che ru kẹ ihwo mẹ na-a, eriyin Ọrovwohwo na tare, kidie ọ ta ota omiomiovwi kpahe Ọrovwohwo na.

Jerimaya 49:15

Kidie gbe no, mi che ru we hanvwe vwẹ ohri rẹ ẹgborho na, ra jẹfia vwẹ uherevie rẹ ihwo;

Izikiẹl 34:10

E nẹ Ọrovwohwo Ọghẹnẹ tare, Nighe, mi mukpahe isuigegede na, ke me nọ ekpẹn rẹ igegede mẹ vwẹ obọ rayen, ayen gbe cha ghẹrẹ igegede mẹ na ọfa-a, ekpuyovwi rẹ isuigegede na gbe cha ghẹrẹ oma rayen ọfa-a. Ki mi sivwi igegede mẹ nẹ ugbunu rayen, e gbe dia emuọre kẹ ayen ọfa-a.

Daniẹl 4:34

Re oba rẹ ẹdẹ na rhi vwo tẹ, Mẹvwẹ, Nebukadneza da kpare epharo nẹ obo odjuvwu, etiyin iroro mẹ de rhivwi bru vwẹ rhe, etiyin mi de jiri ọ ro Me Kpenu ejobi, mi de jiro me da vwẹ ọghọ kẹ ohwo rọ herọ bẹdẹ; kidie isuesun rọye isuesun ri bẹdẹ, uvie rọye herọ nẹ uvwiẹ re te uvwiẹ.

Malakae 1:6

Ọmọ mu ọghọ kẹ ọse rọye, odibo mi rhe mu ọghọ kẹ onini rọye. Me da dia ọsẹ, kẹ ọghọ mẹ rhọ? Me da rha dia onini, kẹ oshọẹdjẹ mẹ rhọ? eriyin Ọrovwohwo rẹ ọgba rẹ ofovwi na ta kẹ wẹ, E irherẹn, re jẹ odẹ mẹ fia na? Wọ rọ ta nẹ, idjerhe vọ ma vwọ jẹ odẹ wẹn fia?

Malakae 2:3

Nighe, me cha ghwọ ku uvwiẹ wẹn, me cha vwẹ isọn ghworo uwe opharo; isọn rẹ ẹkpẹvwẹ wẹn na, ke me djẹ wẹ nu obaro mẹ.

Ukeri 11:20

ẹkẹvuọvo ọsoso rẹ emeranvwe, bẹsiẹ rẹ ọ cha vwọ wan inwe wẹn phia, ke kpare owẹ ohọre, fikiridie wọ sien Ọrovwohwo rọ ohri rẹ ovwan, wa da viẹ vwẹ obaro rọye, tanẹ, Die avwanre vwọ tobọ nẹ otọ rẹ Ijipt rhe vwọ?

Ukeri 35:34

Wo gbe otọ na ru wọ dia na ẹgua-a, vwẹ uherevie rẹ otọ rẹ ekpuyovwi me dia na; kidie mẹvwẹ Ọrovwohwo dia uherevie rẹ ihwo rẹ Izrẹl.

Iyẹnrẹ Esiri ri Jọn 12:26

Ohwo da ga vwẹ, ko nene uvwe; asan re me epha, kẹ etiyin idibo mẹ je dia rhe; ohwo da ga vwẹ, Ọsẹ na kọ vwẹ ọghọ kẹ.

Iyẹnrẹ Esiri ri Jọn 5:23

rere ayen ejobi vwo mu ọghọ kẹ Ọmọ na, kirobo rẹ ayen ji mu ọghọ kẹ Ọsẹ na. Ohwo ro rhe mu ọghọ kẹ Ọmọ na-a yo ji mu ọghọ kẹ Ọsẹ na ro jiro rhe-e.

Iyẹnrẹ Esiri ri Jọn 5:44

Mavọ ovwan vwo vwo segbuyota kpahe otu re guọnọ urinrin rẹ ohwohwo yọ gbe rha guọnọ urinrin ro nẹ obọ rẹ Ọghẹnẹ ọvuọvo rhe-e?

Iyẹnrẹ Esiri ri Jọn 8:49

Jesu da kpahe, Mi vwo idẹbono-o; ẹkẹvuọvo mi mu ọghọ kẹ Ọsẹ mẹ, yẹ ovwan mu ọghọ kẹ vwẹ-ẹ.

1 Kọrẹnt 4:5

Eriyin na wo rhe brorhiẹ tavwe rẹ ọke na ki te-e, tavwe rẹ Ọrovwohwo ke rhe, ohwo rọ cha vwẹ obo re sinu asakiephana vwẹ ebri vwọ phia kugbe obo rẹ udu roro ejobi vwọ phia. Etiyin ohwo ọvuọvo ki che vwo ejiro rọye vwẹ obo rẹ Ọghẹnẹ.

1 Pita 1:7

rere obo rẹ esegbuyota rẹ ovwan dia uyota te, rọ ghare nọ oro, dede nẹ ọghwọrọ siẹ ra da vwẹ erhanre davwọ, ọ me rho phihọ vwọ kẹ ejiro kugbe urinrin kugbe ọghọ vwẹ ẹdẹ ra da cha vwi Jesu Kristi phia na.

Iguẹdjọ 9:10

Irhe na da ta kẹ urhe ri fig na nẹ, Mọ rhe re ovie vwẹ enu rẹ avwanre,