1 Samuẹl 2:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Wọ gbe ta ota rẹ eheri ọtiọye ganga-an, Wọ rha jẹ ọjẹfia nẹ unu wẹ cha-a; kidie Ọrovwohwo ọye Ọghẹnẹ rẹ erianriẹn, ọye re vwanvwan uruemu.

1 Samuẹl 2:3 ပူးပေါင်းရင်းမြစ်များ

1 Ivie 8:39

gbe nyo vwẹ obo odjuvwu asan ru wọ dia, re wo vwo ghovwo, re wo ru, re wọ hwa osa kẹ ohwo ọvuọvo ru wọ riẹn udu rọye, kirobo rẹ idjerhe rọye ejobi epha (kidie wẹ, wẹ ọvo, re riẹn udu rẹ emọ rẹ ihwo);

ỌBE RẸ JOB 31:6

(Ja vwẹ ovwanvwọn rẹ uyota vwavwe ovwẹ, e jẹ Ọghẹnẹ riẹn ọvwata mẹ!)

Une rẹ Ejiro 147:5

Ọrovwohwo rẹ avwanre na vwa rhuarho, ọ vọnre vẹ ogangan buebu, ẹruọ rọye vwo oba-a.

Une rẹ Ejiro 17:10

Ayen rhurhu udu rayen kẹ ehrọre ayen vwẹ unu rayen ta ọpata.

Une rẹ Ejiro 31:18

Jẹn unu rọ vwọrọ efian di, rọ ta ota rẹ arueyivwo kpahe ọvwata vwe eheri kugbe ehwẹjẹ.

Une rẹ Ejiro 44:21

kẹ Ọghẹnẹ rha mrẹ otọ rẹ ọnana-a? Kidie ọye re riẹn odjahọ rẹ udu.

Une rẹ Ejiro 75:5

Wọ gbe kpare ighoro wẹn kpenu-u, wọ rha ta ota re arueyivwọ phi ohọre-e.

Une rẹ Ejiro 94:4

Ayen re kuojoro rẹ eta rẹ ọjẹfia rayen, ayen yan eyan, ihwo ri ruẹ imwemwu ejobi.

Isẹ 16:2

Idjerhe rẹ ohwo rẹ akpọ ejobi oyoyovwo vwẹ aro rọye, ẹkẹvuọvo Ọrovwohwo vwanvwan erhi.

Isẹ 24:12

Wọ da ta, Nighe, avwanre riẹn ọnana-a. Ọ rọ vwanvwan udu rẹ ihwo ejobi na rha riẹ-ẹn? Ọ rọ rhẹrẹ erhi wẹn na rha riẹ-ẹn, wọ rha riẹn nẹ ọ cha hwa osa kẹ ihwo kirobo rẹ iruo rayen epha-a?

Isẹ 8:13

Omaetuo rẹ umwemwu ọye oshọ ẹdjẹ kẹ Ọrovwohwo na. Eheri vẹ eyan kugbe idjerhe rẹ umiovwo vẹ eta gẹgẹrẹ tu vwe oma.

Aizaya 26:7

Idjerhe rẹ ọvwata nabọ ghọriẹ, wẹ yi ru idjerhe rẹ ọvwata riẹriẹriẹ.

Aizaya 37:23

Kono wọ vwọ jehwẹ, ono wọ ghwọ ku? Kono wọ kpare urhuru wẹn vwọ so, re wọ vwẹ ẹro ọbrabra wẹn ni? Ọfuanfon Ọvuọvo rẹ Izrẹl na.

Jerimaya 17:10

Mẹvwẹ Ọrovwohwo na re hiẹ iroro, me je davwẹ udu nẹ, rọ kẹ ohwo kohwo kirobo rẹ uruemu rọye epha, kirobo rẹ emamọ rọye epha.

Izikiẹl 35:13

Wọ de mu oma wẹn kpenu kpahe ovwẹ vwẹ ugbunu wẹn, wọ da ta eta miomiovwi kpahe ovwẹ, mi nyo ayen.

Daniẹl 4:37

Asakiephana Mẹvwẹ, Nebukadneza de jiri ji mu ọghọ kẹ Ovie rẹ odjuvwu kidie iruo rọye ejobi shephihọ, idjerhe rọye uyota, ihwo re yan mu oma kpenu ejobi kọ sa vwẹ ayen kpotọ.

Daniẹl 5:27

TẸKẸL, E mu we phihọ uwan nure a da mrẹ nẹ wo mu uwa-an.

Malakae 3:13

Wọ ta eta rẹ arueywwo kpahe ovwẹ gangan, eriyin Ọrovwohwo tare. Dede na yu wọ tanẹ, Mavọ me ta eta rẹ arueyivwo kpahe owẹ?

Hibru 4:12

Kidie ota rẹ Ọghẹnẹ na ọkpokpọ gbrọgbrọ sasasa, dandan kerẹ ọlọkọ rẹ ako ivẹ, rọ nyavwe udu vẹ erhi rhie phihọ, rọ hẹriẹ ẹrho vẹ otu, o krẹ ro ki vughe iroro vẹ omeru rọ hẹ evun rẹ udu-u.

Joshua 22:22

Ọgba ọvuọvo na, Ọghẹnẹ, Ọrovwohwo na! Ọgba Ọvuọvo na, Ọghẹnẹ, Ọrovwohwo na! Ọ riẹnre, ọ je nẹrhẹ okpuyovwi rẹ Izrẹl riẹn! Ọ da dianẹ fiki rẹ omukpahe eyẹ fiki rẹ urhi rẹ Ọrovwohwo egbe, wo gbi jẹ avwanre rho nonẹ-ẹ

Ẹvwọphia 2:23

Emọ rẹ ayen vwẹ ọfanrhiẹ vwiẹ na ki ghwu re. Ishọshi na ejobi ke riẹn nẹ mẹvwẹ re hiẹ iroro kugbe udu, ke me hwa osa kẹ ovwan ọvuọvo kirobo rẹ iruo rẹ ovwan teri.

Iguẹdjọ 9:38

Etiyin Zebul da ta kẹ nẹ, Tivọ ugbunu wẹn epha, wẹ rọ tanẹ, Ono Abimẹlẹk, rẹ avwanre cha ga? Enana die eshare re wọ jẹfia na? Gba vwo oma phia rere wo re nene ayen họnre

1 Samuẹl 16:7

Ẹkẹvuọvo Ọrovwohwo da ta kẹ Samuel, wo nẹ ekroma rọye-e eyẹ obo rọ rhuoma te eyẹ ugrogro-o, fikiridie Me senrọ nure; kidie Ọrovwohwo nẹ kirobo rẹ ohwo rẹ akpọ nẹ-ẹ; ohwo rẹ akpọ nẹ ekroma, ẹkẹvuọvo Ọrovwohwo nẹ evun rẹ udu.