1 Samuẹl 2:28 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁸ Me da jẹ reyọ nẹ evun rẹ orua rẹ Izrẹl ejobi nọ gba rhe dia orherẹn mẹ, rere o kpo enu rẹ agbada mẹ na, rọ ra torhẹ ugboduma kẹ vwẹ, ro rhuo ibuluku vwẹ obaro mẹ; Me da vwẹ izobo mẹ rẹ ihwo rẹ Izrẹl ejobi vwo rhe vwe ra vwẹ erhanre torhẹ vwọ kẹ uwevwi rẹ ọsẹ wẹn.

1 Samuẹl 2:28 ပူးပေါင်းရင်းမြစ်များ

2 Samuẹl 12:7

Natan da ta kẹ Devid, Wẹ ohwo na. Enẹ Ọrovwohwo tare, Ọghẹnẹ rẹ Izrẹl. Me vwẹ owẹ mu ovie vwẹ enu rẹ Izrẹl, Mi de si we nẹ obọ ri Sọl;

2 Samuẹl 6:14

Devid de gbe eha vwẹ obaro rẹ Ọrovwohwo vẹ egba rọye ejobi; Devid de ku ibuluku rẹ esada phihọ.

Ẹyano 28:1

Wọ me reyọ Erọn rẹ oniọvo wẹn, vẹ emọ rọye, nẹ ohri rẹ ihwo rẹ Izrẹl na, vwo te oma, rere ayen ga vwẹ kerẹ irherẹn. Erọn vẹ emọ rọye, Nadab vẹ Abihu, Eleaza vẹ Itama.

Ẹyano 28:4

Enana keye iwun rẹ ayen che ko, adja, ibuluku, adagba, ikoto ro kerẹ ipe, erhu, kugbe umuehu; ke ko iwun efuanfon vwọ kẹ Erọn rẹ oniọvo wẹn vẹ emọ rọye rere ayen ga vwẹ kerẹ irherẹn.

Ẹyano 30:7

Erọn kọ torhẹ ugboduma ri gbo ọnrhe ororo vwẹ enu rọye, kirhiọke kirhiọke ọke rọ da rhuẹrẹ irhukpẹ na kọye ọ vwọ torhẹ.

Ẹyano 30:8

Erọn da vwẹ irhukpẹ na mu vwẹ ovwonvwọn, ọ me torhẹ, kọ dia ughoduma ri bẹdẹ kẹ Ọrovwohwo vwẹ uvwiẹ wẹn ejobi.

Livitikọs 2:10

Obo ri chekọ vwẹ izobo rẹ ọka na ejobi kẹ ọ rẹ Erọn vẹ emọ rọye, Ọnana izobo rẹ erhanre rọ ma fon rọ gbare kẹ Ọrovwohwo.

Livitikọs 2:3

Obo ri chekọ otọ vwẹ oma rẹ izobo rẹ ọka na kọ dia ọ rẹ Erọn vẹ emọ rọye; Ọnana hẹ izobo rẹ erhanre rọ ma fon rọ gbare kẹ Ọrovwohwo.

Livitikọs 6:16

Obo ri chekọ vwọ ejobi Erọn vẹ emọ rọye keye re ayen, kẹ ayen re ayen vwẹ ijephuo vwẹ asan ọfuanfon; vwẹ ọguan rẹ utughẹ ra da vwa oma na Etiyin ayen da riọ.

Livitikọs 7:32

Ekpoghoawo rẹ obọrhe rọ eranvwe na wọ Me vwọ kẹ orherẹn na rọ dia ẹkpẹvwẹ ro nẹ izobo rẹ ufuoma rẹ ovwan rhe;

Livitikọs 7:36

Ọrovwohwo ri jiji nẹ ihwo rẹ Izrẹl vwẹ Ọnana kẹ ayen, vwẹ ẹdẹ ra vwọ vwẹ evwri ghworo ayen, Ọnana ẹkẹn osa ro te ayen bẹdẹ nẹ edje ra ro edje.

Ukeri 16:5

etiyin ọ da ta kẹ Korah vẹ ukoko rọye ejobi, Vwẹ irhiọke Ọrovwohwo na che dje ohwo rọ dia ọrọye kugbe ohwo rọ fonro, ko che si ohwo yena kẹrẹ oma; ohwo rọ jẹreyọ, kọye o si kẹrẹ oma.

Ukeri 18:19

Izobo ọfuanfon ejobi rẹ ihwo rẹ Izrẹl ze kẹ Ọrovwohwo na, me vwẹ ayen kẹ wẹ, kugbe emọ rẹ emeshare kugbe e rẹ emetẹ rẹ vẹ owẹ gba herọ, kọ dia ẹkẹn wẹn bẹdẹ; ọnana ọphọ rẹ ughweraka bẹdẹ vwẹ obaro rẹ Ọrovwohwo vwọ kẹ wẹ vẹ uvwiẹ rọ vẹ owẹ gba herọ.

1 Samuẹl 14:3

Ahijah rẹ ọmọ rẹ Ahitub, oniọvo rẹ Ikabod, rẹ ọmọ ri Finihas, rẹ ọmọ rẹ Eli, orherẹn rẹ Ọrovwohwo vwi Shiloh, o de ku ibuluku phihọ. Ihwo na rha riẹn nẹ Jonatan yanra-an.

1 Samuẹl 2:18

Samuẹl re gbe odibo vwẹ obaro rẹ Ọrovwohwo, omotete ro ku ibuluku re esada phihọ.