1 Samuẹl 2:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ Ohwo rẹ Ọghẹnẹ de bru Eli rhe, ọ da ta kẹ, Ẹnẹ Ọrovwohwo na tare, Me vwẹ oma mẹ phia kẹ uwevwi rẹ ọsẹ wẹn vwẹ ọke rẹ ayen vwọ hẹ Ijipt vwẹ otọ rẹ uwevwi ri Fero.

1 Samuẹl 2:27 ပူးပေါင်းရင်းမြစ်များ

1 Ivie 13:1

Nighere, ohwo rọ Ọghẹnẹ de nẹ Juda rhe ọ vẹ ota rẹ Ọrovwohwo rọ cha ta kẹ Bẹtẹl. Yi Jeroboam mudia vwẹ asan agbada ra da torhẹ insẹns.

1 Ivie 2:27

Ọtiọye Solomọn da djẹ Abiata nẹ orherẹn rẹ Ọrovwohwo, kọye ota rẹ Ọrovwohwo vwọ gba rọ tare kpahe uwevwi rẹ Eli vwi Shilo.

Ẹyano 12:1

Ọrovwohwo da ta kẹ Mosis vẹ Erọn vwẹ otọ rẹ Ijipt.

Ẹyano 12:43

Ọrovwohwo da ta kẹ Mosis vẹ Erọn, ọnana kọye ẹgha rẹ ẹwanvrẹn na: we jẹn ọrhorha riọ-ọ:

Ẹyano 4:27

Ọrovwohwo da ta kẹ Erọn, “Kpo obo aton ra vwa Mosis.” Ọtiọye, ọ da yanran, ọ da ra vwa vwẹ ugbenu rẹ Ọghẹnẹ ọ da fiọnfiọn unu.

Urhi Rivẹ 33:1

Ọnana ẹrhovwo ri Mosis rẹ ohwo rẹ Ọghẹnẹ nẹ kẹ emọ rẹ Izrẹl tavwe ro ki ghwu.

1 Timoti 6:11

Ẹkẹvuọvo wẹ, E ohwo rẹ Ọghẹnẹ, sioma nẹ emu nana ejobi; nene ọvwata, uruemu esiri, esegbuyota, ẹguọnọ, erhiori, dẹndẹn.

2 Pita 1:21

fikiridie o vwo aroẹmrẹ ọvuọvo ro di nẹ udu rẹ obọ rẹ ohwo cha-a, ẹkẹvuọvo ihwo rẹ Erhi Ọfuanfon na muru re ta ota ro nẹ obọ rẹ Ọghẹnẹ rhe.

Iguẹdjọ 13:6

Etiyin aye na da rhe ta kẹ ọshare rọye nẹ, Ohwo rẹ Ọghẹnẹ ọvo bru vwe rhe, oma rọye da họhọ oma rẹ amakashe rẹ Ọghẹnẹ, o mu oshọ gangan; me nọrọn asan rọ nurhe-e, o ji se odẹ rọye kẹ vwẹ-ẹ;

Iguẹdjọ 6:8

Etiyin Ọrovwohwo na de ji ọmraro ọvo rhe ihwo rẹ Izrẹl, kọye re ta kẹ ayen nẹ, Enẹ Ọrovwohwo Ọghẹnẹ rẹ Izrẹl na tare! Mẹvwẹ re reyọ ovwan nẹ evun rẹ Ijipt rhe nẹ uwevwi rẹ ọviẹn rhe;

1 Samuẹl 3:12

Vwẹ ẹdẹ yena obo re me ta kpahe Eli vẹ uwevwi rọye ke ruo gba, nẹ ẹtuọhọ re te oba.

1 Samuẹl 9:4

Ayen da rhe wan vrẹn orho rẹ ubgenu na Ifrem rhe wan vrẹn otọ ri Shalisha, ẹkẹvuọvo ayen mrẹ aye-en. Ayen da wan vrẹn otọ ri Shaalim, ẹkẹvuọvo ayen hẹ etiyi-in. Etiyin ayen da wan vrẹn otọ ri Bẹnjamin, ẹkẹvuọvo ayen je mrẹ aye-en.

1 Samuẹl 9:6

Ẹkẹvuọvo ọ da ta kẹ, Nighe, ohwo rẹ Ọghẹnẹ ọvo hẹ evun rẹ orere na, ọ da dia ohwo re mu ọghọ kẹ; obo rọ tare ejobi sẹ. Jẹn e kpo etiyin; ọkeọvo ọ sa ta kẹ avwanre obo ma vwi fiki rọye yan.