1 Samuẹl 2:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Asakiephana ọmọ re se Samuẹl na ro rhua vwẹ ugboma vẹ aroesiri vwẹ obọ rẹ Ọrovwohwo vẹ ihwo rẹ akpọ.

1 Samuẹl 2:26 ပူးပေါင်းရင်းမြစ်များ

Jẹnẹsis 39:4

Kọye ọ da vwẹ aruesiri vwo ni Josẹf ọ da vwẹ ẹro te, o de vwo mu osun rẹ uwevwi rọye kugbe emu ro vwori ejobi.

Isẹ 3:3

Wo jẹ omaevwokpotọ vẹ urhi ẹyọnrọn kanre owẹ-ẹ; gba ayen mu ohọre wẹn, si ayen phihọ udu wẹn.

Isẹ 3:4

Kọye wọ vwọ mrẹ ẹroesiri vẹ odẹ esiri reyọ vwe obọ rẹ Ọghẹnẹ vẹ obọ rẹ ohwo rẹ akpọ.

Iyẹnrẹ Esiri ri Luk 1:80

Ọmọ na da rhe rho ọ da rhe vọn vẹ erhi, ọ da dia evun rẹ aghwa bẹsiẹ rọ ke vwẹ oma phia kẹ Izrẹl.

Iyẹnrẹ Esiri ri Luk 2:40

Ọmọ na da rho vẹ omaẹga, vẹ aghwanre; ẹroesiri rẹ Ọghẹnẹ vẹ ọye da herọ.

Iyẹnrẹ Esiri ri Luk 2:52

Jesu da rhe vọn vẹ aghwanre, ọ da rho ugboma, o de vwo ẹroesiri vwẹ obọ rẹ Ọghẹnẹ vẹ obọ rẹ ihwo.

Iruo rẹ Iyinkọn na 2:47

Kẹ ayen jiri Ọghẹnẹ ayen ohwohwo ke vwẹ ẹro esiri ni ohwo. Kẹdẹ kẹdẹ kọye Ọrovwohwo vwọ vwẹ ihwo re sivwi rhọ vwọ ba ayen.

Ọbe ri Pọl si rhe Ihwo ri Rom 14:18

Kidie ohwo rọ nabọ vwẹ oma kpotọ ga Kristi uruemu rọye ko jẹ Ọghẹnẹ ihwo rẹ akpọ ki ji jiro.

Iguẹdjọ 13:24

Aye na de vwiẹ ọmọshare, o de se odẹ rọye Samsin; ọmọ na da rhe rho, Ọrovwohwo de bruba kẹ.

1 Samuẹl 2:21

Ọrovwohwo de bru Hanah rhe, ọ da mrevun o de vwiẹ emeshare erha kugbe emetẹ ivẹ. Ọmọ re se Samuẹl da rhe rho vwẹ obaro rẹ Ọrovwohwo.

1 Samuẹl 3:19

Samuẹl da rho, Ọrovwohwo vẹ ọye da herọ o gbi jẹ ota rọye ọvuọvo she kufia-a.