1 Samuẹl 2:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² O vwo ohwo ọvuọvo rọ fonro kerẹ Ọrovwohwo-o, ọfa herọ ba wẹ-ẹ; o vwo oragha ọfa kerẹ Ọghẹnẹ rẹ avwanre na-a.

1 Samuẹl 2:2 ပူးပေါင်းရင်းမြစ်များ

2 Samuẹl 22:3

Ọghẹnẹ mẹ, oragha mẹ, evun wẹ mi de sioma nu, ekpọfia mẹ, vẹ owanre rẹ arhọ mẹ, asan ọgangan mẹ kugbe asan mi de sioma nẹ, osivwi mẹ; wo si vwe nẹ ogidi.

2 Samuẹl 22:32

Kono Ọghẹnẹ, ẹkẹvuọvo ọ dia Ọrovwohwo? ono oragha, jokpa rẹ Ọghẹnẹ rẹ avwanre?

2 Samuẹl 7:22

Fiki rẹ ọtiọye na Wọ rhọrọ E Ọrovwohwo Ọghẹnẹ; ohwo rọ họhọ owẹ herọ-ọ, Ọghẹnẹ ọfa herọ wan wẹ-ẹn, kirobo ma vwẹ erhọn nyo.

1 Ivie 8:23

ọ da ta, E Ọrovwohwo, Ọghẹnẹ rẹ Izrẹl, o vwo Ọghẹnẹ ọfa rọ họhọ owẹ-ẹ, vwẹ odjuvwu vwẹ obenu yẹrẹ vwẹ obotọ rẹ akpọ obonẹ-ẹ, rọ yọnrọn ọphọ, o me rha vwẹ ẹguọnọ ro je rhẹriẹ rọye vwo ni idibo rọye re yan nene uwe vẹ udu rayen ejobi;

Une rẹ Ejiro 111:9

O ji ẹtanhirhe rhe ihwo rọye; o ji urhi rẹ ọphọ rọye na bẹdẹ. Ọfuanfon vẹ oshọ ọye odẹ rọye!

Une rẹ Ejiro 18:2

Ọrovwohwo na oragha mẹ, kugbe egbe mẹ, kugbe osivwi mẹ, Ọghẹnẹ mẹ, oragha mẹ, evun wẹn me da djahe, ekpọfia mẹ, kugbe ighoro re esivwo mẹ, asan ọgangan mẹ.

Une rẹ Ejiro 18:31

Kidie ono Ọghẹnẹ, ọ dia Ọrovwohwo-o? ono oragha, jokpa rẹ Ọghẹnẹ rẹ avwanre?

Une rẹ Ejiro 71:19

Ogangan wẹn kugbe ọvwata wẹn, E Ọghẹnẹ, o te obo irharheghe rẹ odjuvwu. Wọwẹ ro ruẹ imu ride na, E Ọghẹnẹ, kono re họhọ owẹ?

Une rẹ Ejiro 71:3

Gba dia oragha rẹ odjahọ kẹ vwẹ, ogba ogangan, ro sivwi uvwe, kidie wẹ oragha mẹ kugbe ogba ọgangan mẹ

Une rẹ Ejiro 73:25

Ono mi vwori vwẹ odjuvwu jokpa wẹ ọvo? O vwo emu ọvuọvo me guọnọ vwẹ akpọ na nọ wẹ-ẹ.

Une rẹ Ejiro 86:8

O vwo ọvuọvo rọ họhọ owẹ vwẹ usun rẹ ẹdjọ na-a, E Ọrovwohwo, eyẹ o ji vwo iruo efa re họhọ ewẹ-ẹn.

Une rẹ Ejiro 89:6

Kidie kono obenu na re vwo dje we Ọrovwohwo? Ono vwe ohri re ihwo re obo odjuvwu na re họhọ Ọrovwohwo,

Une rẹ Ejiro 89:8

E Ọrovwohwo Ọghẹnẹ re otuofovwi, Ono re goma kere owẹ, E Ọrovwohwo, vẹ esegbuyota wẹn rọ riariẹ owẹ wan?

Une rẹ Ejiro 99:3

Jẹn ayen jiri odẹ wẹn rode ro muoshọ na! Ọfuanfon ọye ọ epha!

Une rẹ Ejiro 99:5

Jiri Ọrovwohwo na Ọghẹnẹ rẹ avwanre, ga vwẹ asan rọ ghwẹ awọ phihọ! Ọfuanfon ọye ọ epha!

Une rẹ Ejiro 99:9

Jiri Ọrovwohwo na Ọghẹnẹ rẹ avwanre, ga vwẹ ugbenu ọfuanfon rọye, kidie Ọrovwohwo Ọghẹnẹ rẹ avwanre na ọfuanfon!

Ẹyano 15:11

Ono re họhọ owẹ, E Ọrovwohwo, vwẹ ohri rẹ eghẹnẹ na ejobi? Ono re họhọ owẹ, vwẹ ọrho vẹ ẹfuọn, ro muoshọ vwẹ iruo rẹ urinrin, ro ruẹ emu rẹ igbunu?

Aizaya 40:18

Kono ghwrara wo vwo dje Ọghẹnẹ, eyẹ ki didi emu re họherọ?

Aizaya 44:6

Enẹ Ọrovwohwo tare nẹ, Ovie rẹ Izrẹl vẹ Ọtan rọye Ọrovwohwo rẹ otuofovwi na: Mẹvwẹ ọ rẹ ẹsosuọ Mẹvwẹ ọ rọ ka oba Ọghẹnẹ ọfa gbe herọ vrẹn vwẹ-ẹ.

Aizaya 44:8

Wọ djẹ oshọ-ọ, eyẹ wo bru udu-u, Me rha vuẹ wẹ jovwo nẹ awanre rhe-e? Ovwan ọye iseri mẹ! Ọghẹnẹ ọfa je herọ nọ vwẹ? O vwo Oragha ọfa-a, Me je riẹn ọfa-a.

Aizaya 57:15

Kidie enẹ Ọro grori ro kpenu Ọvuọvo na tare rọ dia uphephẹ re rara, rẹ odẹ rọye Ọfuanfon. Me dia asan ro kpenu rọ fonro, ihwo re fonro rẹ udu rayen kpotọ Me vayen gbe dia, rere Me vwọ rhọvwọ udu ro kpotọ, rere Me vwọ sasa udu rọ fonro,

Aizaya 6:3

Ọvo de se ọrivẹ ọ da tanẹ: Ẹfuọn, ẹfuọn, ẹfuọn ọye Ọrovwohwo rẹ otuofovwi na; akpọ na ejobi vọnre vẹ urinrin rọye.

Jerimaya 10:6

Ọ rọ họhọ owẹ herọ-ọ, E Ọrovwohwo, wẹ re rhoro, odẹ wẹn je rho vẹ ẹgba.

Livitikọs 11:44

Kidie Mẹvwẹ Ọrovwohwo rẹ Ọghẹnẹ wẹn, vwẹ ọtiọye na ovwan gbe phorho oma rẹ ovwan re wọ fon, kidie Me pha fuanfon. Ovwan gbe ẹgua vwi fiki rẹ emu ri biẹyi re shọrọ vwẹ otọ na-a.

Livitikọs 11:45

Kidie Mẹvwẹ Ọrovwohwo rọ reyọ ovwan nẹ otọ rẹ Ijipt rhe, rọ dia Ọghẹnẹ rẹ ovwan; vwẹ ọtiọye na ovwan ke dia fuanfon kidie Me pha fuanfon.

Livitikọs 19:2

Ta kẹ ukoko rẹ ihwo rẹ Izrẹl ejobi, Ovwan dia fuanfon kidie Mẹvwẹ Ọrovwohwo rẹ Ọghẹnẹ rẹ ovwan na pha fuanfon.

Ọbe ri Pọl si rhe Ihwo ri Rom 15:4

Kidie kemu kemu re si phihọ otọ rhabae rhe, e si ayen phihọ otọ kẹ eyono rẹ avwanre, rere vwẹ erhiori kugbe uchebro ro nẹ ẹbe ọfuanfon na rhe avwanre se vwo iphiẹrohọ.

Ọbe ri Pọl si rhe Ihwo ri Rom 4:8

ebruba kẹ ohwo rẹ Ọrovwohwo kere umwemwu ba obọ-ọ.

Urhi Rivẹ 3:24

E Ọrovwohwo Ọghẹnẹ, wo mu ọrho wẹn vẹ obọ ọgangan wẹn phihọ e djẹ kẹ odibo wẹn; didi ẹdjọ vwẹ odjuvwu eyẹ akpọ na ro se ru oghẹre rẹ iruo wẹn ride nana?

Urhi Rivẹ 32:20

Ọ da tanẹ, Mi si opharo mẹ nu kẹ ayen, Me cha mrẹ obo rẹ oba rayen cha dia, kidie edje ogugunu ayen ruẹ, emọ rẹ uyota hẹ evun raye-en.

Urhi Rivẹ 32:39

Gba mrẹ nẹ Mẹvwẹ, mẹvwẹ vẹ ekpuyovwi mẹ ọye, ọye ọghẹnẹ ọfa gbe herọ chọ vwẹ ra-a. Mi se hwe mi ji sivwi rhọ; Me sa woma mi mi ji se hworo kpo; ọ ro se sivwẹ nẹ obọ mẹ herọ-ọ.

Urhi Rivẹ 32:4

Oragha na, iruo rọye gbare; kidie idjerhe rọye ejobi ọsoso. Ọghẹnẹ rẹ uyota ro vwo umwemwu-u, ọvwata vẹ ohwo ọsoso o ruẹ.

Urhi Rivẹ 4:35

Wẹwẹ a vwẹ rọ nẹ rere wọ vwọ mrasa riẹn nẹ Ọrovwohwo na ghinẹ Ọghẹnẹ; ọfa herọ vwọ ba-a.

Urhi Rivẹ 4:39

Vwẹ ọtiọye na gba riẹn nonẹ na, wo mi phio phihọ udu wẹn, nẹ Ọrovwohwo na Ọghẹnẹ rọ evun rẹ odjuvwu vẹ enu rẹ akpọ rọ herọ vwẹ obotọ na; ọfa herọ-ọ.

1 Pita 1:16

Kidie e siro nẹ, Ovwan ke fon, kidie me fonro.