1 Samuẹl 2:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ọromarho tavwe ra ke rhe torhẹ ivwri rọye, odibo rẹ orherẹn na kọ cha ọ me rhe ta kẹ ohwo ro ze izobo na, Vwẹ eranvwe kẹ orherẹn na rọ vwọ tọn; kidie ọ cha reyọ eranvwe re chere mie we-e, ẹkẹvuọvo ọkpokpọ.

1 Samuẹl 2:15 ပူးပေါင်းရင်းမြစ်များ

Ẹyano 12:9

Wọ riọ ọkpokpọ eyẹ a vwẹ ame chere-e, ẹkẹvuọvo a vwọ tọn, te uyovwi rọye vẹ awọ rọye vẹ ivun rọye.

Livitikọs 3:16

Orherẹn na kọ torhẹ ayen vwẹ enu rẹ agbada na kọye emu re vwo ze izobo rẹ erhanre ro gbo ọnrhen ororo. Ivwri re eranvwe ejobi e rẹ Ọrovwohwo.

Ọbe ri Pọl si rhe Ihwo ri Rom 16:18

Kidie oghẹre rẹ ihwo ọtiọye na dia Ọrovwohwo Kristi ayen ga-a, ẹkẹvuọvo urhuru sivwe rẹ oma rayen, ihwo re vwẹ eta avwerhe kugbe unuẹrarọ vwọ phiẹn igbori kugbe ihwo ughẹnghẹn.

Filipae 3:19

Oba rayen kẹ ẹghwọrọ, ẹdjọ rẹ ayen gọ kẹ evun, omaẹvuọ rayen kọye ayen vwọ yan eyan, vẹ iroro rẹ ayen vwọ kpahe emu rẹ akpọ na.

Ọbe ri Jud 1:12

Enana da rhe dia ekan vwẹ orẹ rẹ ẹguọnọ rẹ ovwan, vwẹ ọke rẹ ayen da vwẹ aroeyivwo gbe iknn rẹ ozighi kuẹgbe, rẹ ayen de nẹ oma rayen ọvo, enu ro biri yẹ osio rhọ re-e, rẹ odju muẹ yanran, irhe ri jẹ ẹmọ vwẹ ọke ororo, ri ghwuru asiava, re ghwie nẹ otọ;

1 Samuẹl 2:14

ko duvwo phihọ oze, eyẹ, ẹvwẹrẹ, eyẹ itaso, eyẹ ubrochẹ, uche rẹ isosogho na duvwuru ejobi kọye orherẹn na reyọ kẹ oma rọye. Ọtiọye ayen ruẹ vwi Shiloh kẹ ihwo rẹ Izrẹl ejobi re rhe etiyin.

1 Samuẹl 2:16

Ọ da dianẹ ohwo na ta kẹ, Jẹn a torhẹ ivwri na tavwe, rere wọ ke reyọ uche obo re wọ guọnọre, kọ ta, Ẹjo, vwọ kẹ vwẹ ọke nana; ọ rha dia ọtiọye-e ke me gba wẹ reyọ.