1 Samuẹl 2:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Hanah da je nẹ ẹrhovwo, ọ da ta, Udu mẹ ghọghọre vwẹ evun rẹ Ọrovwohwo; ogangan mẹ kpare kpenu vwẹ evun rẹ Ọrovwohwo. Unu mẹ kọ vwẹ ivwighrẹn mẹ jehwẹ, kidie me ghọghọre vwẹ evun rẹ esivwo wẹn.

1 Samuẹl 2:1 ပူးပေါင်းရင်းမြစ်များ

2 Ikun rẹ Ivie 20:27

Etiyin ayen de rhivwi, kohwo kohwo ri Juda vi Jerusalẹm, Jehoshafat da ka obaro kẹ ayen, ri vwo rhivwi kpo Jerusalẹm vẹ aghọghọ, kidie Ọrovwohwo nẹrhẹ ayen ghọghọ vwẹ enu rẹ ivwighrẹ rayen.

Nehemaya 11:17

kugbe Matanya omo ri Mika, ọmọ ri Zabdi, ọmọ re Asaf, ọye osun ro mu ẹkpẹvwẹ phihọ vwẹ ẹrhovwo, kugbe Bakbukia, ọrivẹ vwẹ usun re imoni rọye; kugbe Abda ọmọ ri Shamua, ọmọ ri Galal, ọmọ ri Jẹdutọn.

ỌBE RẸ JOB 16:15

Mi ko esisio vwo rhuo oma mẹ, e bru ogangan mẹ phihọ iwurhie.

Une rẹ Ejiro 118:14

Ọrovwohwo na ọye ogangan mẹ kugbe une mẹ, ọ rha rhe dia esivwo mẹ re.

Une rẹ Ejiro 13:5

Ẹkẹvuọvo me vwẹ ẹro so ẹguọnọ wẹn ro je rhẹriẹ na, udu mẹ kọ ghọghọ vwẹ esivwo wẹn.

Une rẹ Ejiro 148:14

Ọ kpare ighoro ọvo kpenu kẹ ihwo rọye, ejiri kẹ ihwo efuanfon rọye ejobi, vwọ kẹ ihwo rẹ Izrẹl re kẹre oma. Jiri Ọrovwohwo na.

Une rẹ Ejiro 18:2

Ọrovwohwo na oragha mẹ, kugbe egbe mẹ, kugbe osivwi mẹ, Ọghẹnẹ mẹ, oragha mẹ, evun wẹn me da djahe, ekpọfia mẹ, kugbe ighoro re esivwo mẹ, asan ọgangan mẹ.

Une rẹ Ejiro 20:5

E jẹn avwanre kperi veẹ aghọghọ fiki rẹ ephiokparobọ wẹn, vwẹ odẹ rẹ Ọghẹnẹ rẹ avwanre ke ma kpare ephiana rẹ avwanre kpenu! E jọ Ọrovwohwo ru oyare wẹn ejobi kẹ wẹ.

Une rẹ Ejiro 21:2

Wẹ re vwẹ obo rẹ udu rọye guọnọre kẹ, obo rẹ ẹbẹrunu rọye yare wọ vwe rọ djahe obuko kẹ-ẹ.

Une rẹ Ejiro 35:9

Etiyin erhi mẹ kọ ghọghọ vwẹ evun rẹ Ọrovwohwo, kọ ghoriẹ vwẹ evun rẹ esivwo rọye.

Une rẹ Ejiro 51:15

E Ọrovwohwo, rhie ẹbẹrunu mẹ, rere unu mẹ vwọ vwẹ ejiro wẹn phia

Une rẹ Ejiro 71:8

Unu mẹ vọnre vẹ ejiro wẹn, ọ vẹ urinrin wẹn vwẹ ẹdẹ na ejobi.

Une rẹ Ejiro 75:10

Ighoro rẹ ohwo umwemwu ejobi ka nyavwe ayen kufia, ẹkẹvuọvo ighoro re ọvwata ka kparo kpenu.

Une rẹ Ejiro 89:17

Kidie wọwẹ urinrin re ogangan rayen, vwẹ oma re ẹroesiri wẹn a vwọ kpare ighoro re avwanre kpenu.

Une rẹ Ejiro 89:18

Kidie ekpọfia re avwanre rhe Ọrovwohwo na, ovie re avwanre Ọfuanfon Ọvuọvo rẹ Izrẹl.

Une rẹ Ejiro 89:24

Esegbuyota mẹ vẹ ẹguọnọ ro jẹ rhẹriẹ na ko nene dia, vwẹ odẹ mẹ kọye a vwọ kpare ighoro rọye kpenu.

Une rẹ Ejiro 9:14

rere me vwẹ obọ te otọ gbe ikun rẹ ejiro wẹn, rere vwẹ anurhoro rẹ ọmọtẹ ri Zayọn. Me sa vwọ ghọghọ vwẹ esivwo wẹn.

Une rẹ Ejiro 92:10

Ẹkẹvuọvo wọwẹ re kpare ighoro mẹ kpenu kere ọharhare; wọwẹ re rhoma ku evwri ọkpokpọ ku vwe.

Ẹyano 15:1

Etiyin Mosis vẹ ihwo rẹ Izrẹl da so une nana kẹ Ọrovwohwo, ayen da ta, Me so une kẹ Ọrovwohwo, kidie o phi kparobọ vẹ urinrin, tẹ iyesi vẹ ohwo rọ gua ọ kpare ayen phihọ abadi na.

Ẹyano 15:21

Miriam da so une ke ayen: So une kẹ Ọrovwohwo, fikiridie o phi kparobọ vẹ urinrin; tẹ iyesi tẹ ohwo ro gua ọ kpare ayen phihọ abadi na.

Habakọk 3:1

Ẹrhovwo ri Habakọk rẹ ọmraro na, kirobo ri Shigiọnot siro.

Habakọk 3:18

ye me je ghọghọ vwẹ oma rẹ Ọrovwohwo ghene, mi vwo aghọghọ vwẹ oma rẹ Ọghẹnẹ rẹ esivwo mẹ.

Iyẹnrẹ Esiri ri Luk 1:69

ọ kpare ighoro rẹ esivwo kẹ avwanre vwẹ uwevwi ri Devid odibo rọye,

Ọbe ri Pọl si rhe Ihwo ri Rom 5:11

Ọ dia ọtiọye ọvo-o, ẹkẹvuọvo avwanre je ghọghọ rhe vwẹ oma rẹ Ọghẹnẹ fiki rẹ Ọrovwavwanre Jesu Kristi, rẹ avwanre wan oma rọye vwo arhuẹrẹ phihọ.

Urhi Rivẹ 33:17

Erhuẹn re otuvwiẹ rọye vwo ẹgba, ighoro rọye kerẹ ighoro rẹ erhuẹn rọ djoma; kọ cha vwẹ ayen djẹ ihwo na, djẹ ayen ejobi, kpo oba rẹ akpọ na, ọtiọye uriori ihwe rẹ Ifrem epha, ọtiọye je uriori ri Manasse.

Filipae 3:3

Avwanre hẹ ihwo re yanvwe omamọ rẹ oyanvwe na, re gọ Ọghẹnẹ vwẹ erhi, ri vwi Kristi Jesu vwọ yan eyan, re vwẹ ẹro so ugboma-a.

Filipae 4:4

Ghọghọ vwẹ evun rẹ Ọrovwohwo kẹdẹ kẹdẹ; me rhoma ta, Ghọghọ.

Filipae 4:6

Wa ro ẹnwan rẹ emuọvo-o, ẹkẹvuọvo vwi kemu kemu orẹ kugbe oyare kugbe ẹkpẹvwẹ ta ọdavwẹ wẹn kẹ Ọghẹnẹ.

1 Pita 1:8

Ovwan je mrẹ dẹvo-o yẹ ovwan guọnerọ; dede nẹ ovwan je mrẹ dẹvo-o na yẹ ovwan sere gbuyota, ovwan da ghọghọ vẹ omavwerhe rẹ unu se gbe-e.

Ẹvwọphia 18:20

Ghọghọ vwẹ enu rọye, E odjuvwu, E ihwo efuanfon kugbe iyinkọn kugbe emraro, kidie Ọghẹnẹ brorhiẹ hwe kẹ wẹ!

1 Samuẹl 1:6

Yẹ ophrophro rọye kparọ ophu gangan, kọ nẹrhẹ phihọ ota, fikiridie Ọrovwohwo kanre asun uvwiẹ rọye.

1 Samuẹl 1:7

Ọtiọye kọye o ruẹ kukpe kukpe; kọke kokẹ ro kpo uwevwi rẹ Ọrovwohwo na kẹ ọtiọye ọ kparọ ophu. Ọtiọye na Hanah kọ viẹ ọ gbe rhọvwa rie emu-u.