1 Samuẹl 19:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Etiyin erhi umwemwu ro nẹ obọ rẹ Ọrovwohwo rhe da ro Sọl oma, ro vwo tidia vwẹ uwevwi rọye vẹ ubiri vwẹ obọ; yi Devid re hworo isorogun na.

1 Samuẹl 19:9 ပူးပေါင်းရင်းမြစ်များ

1 Ivie 22:22

Ọrovwohwo da ta kẹ, Didi idjerhe? Ọ da ta, Me ra, rere me ra dia erhi rẹ efian vwẹ unu rẹ emraro rọye ejobi. ọ da ta, Wọ ra ra phiẹn, ku wọ kparobọ; yanran wo re ru ọtiọye.

1 Samuẹl 16:14

Kọye rẹ Erhi rẹ Ọrovwohwo da kua nẹ oma ri Sọl, erhi umwemwu de nẹ obọ rẹ Ọrovwohwo rhe rhi kpokpo.

1 Samuẹl 16:15

Idibo ri Sọl da ta kẹ, Nighere Asakiephana, erhi umwemwu ro nẹ obọ rẹ Ọghẹnẹ rhe kpokpo uwe re.

1 Samuẹl 16:16

Gbe jẹn ọrovwanwanre ji urhi kẹ idibo rọye, re hẹ obaro wẹ na, re ra guọnọ ohwo ro se hworo isorogun; rẹ ọke rẹ erhi umwemwu ro nẹ obọ rẹ Ọghẹnẹ rhe na de bru we rhe, ko hworo, oma ko vworo uwe.

1 Samuẹl 19:8

Ofovwi da rhoma rhi she; Devid da rhoma yanran ra họnre ihwo ri Filistia na, o de hwe ayen buebu, ọtiọye na ayen da mrẹ djẹ.

1 Samuẹl 22:6

Asakiephana Sọl de rhe nyo nẹ a mrẹ Devid, kugbe ihwo re vẹ ọye gba herọ. Yi Sọl tidia vwi Gibeah, vwẹ otọ rẹ oghriki vwẹ enu rẹ ugbenu, vẹ ubiri rọye vwẹ obọ, idibo rọye ejobi de mudia riariẹ phihọ.