1 Samuẹl 19:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Ọ de nẹ Etiyin kpo Naiot ri Ramah; Erhi rẹ Ọghẹnẹ da je ruo oma rhe, rọ vwọ yanran jọ mraro, bẹsiẹ ro rhi vwo te Naiot vwi Ramah.

1 Samuẹl 19:23 ပူးပေါင်းရင်းမြစ်များ

Isẹ 16:9

Iroro rẹ ohwo ọye ọ vwọ gbẹn idjerhe rọye, ekẹvuọvọ Ọrovwohwo kọye rhe suẹn ichiyi rọye kẹ.

Isẹ 21:1

Udu rẹ ovie epha kerẹ uto rẹ ame vwẹ obọ rẹ Ọrovwohwo na; o se kuo rhẹriẹ kirobo ri jere.

Ukeri 23:5

Ọrovwohwo de phi ota phihọ unu ri Balaam, ọ da ta, Rhivwi bru Balak ra, enẹ kọye wọ ta.

Ukeri 24:2

Etiyin Balaam da kpare opharo rọye, ọ da mrẹ Izrẹl ro mu erhọn oruorua. Erhi rẹ Ọghẹnẹ da ruo oma,

Matiu 7:22

Ihwo buebu ye cha ta kẹ vwẹ vwẹ ẹdẹ yena nẹ, Ọrovwohwo, Ọrovwohwo, mi yono ihwo vwẹ odẹ wẹ, me vwẹ odẹ wẹn djẹ idẹbono phia, me vwẹ odẹ wẹ ru iruo rẹ igbunu?.

Iyẹnrẹ Esiri ri Jọn 11:51

Ọ vwẹ ọhorọho rọye ọvo ta ọnana-a, ẹkẹvuọvo rọ vwọ dia orherẹn rode vwẹ ukpe yena kọye ọ vwọ mraro nẹ Jesu che ghwu kẹ ẹgborho na,

1 Kọrẹnt 13:2

Mi de vwo ogangan rẹ aroẹmrẹ, mi de vwo ẹruọ rẹ igbunu ejobi kugbe erianriẹn ejobi, ọ da dianẹ mi vwo esegbuyota, ro se ghwie ugbenu, ẹkẹvuọvo yi mi vwo ẹguọnọ-ọ, yo mẹvwẹ ohwo diodi.

1 Samuẹl 10:10

Ọke rẹ ayen rhi vwo te Gibeah, nighe, otu rẹ emraro da ra vwa; erhi rẹ Ọghẹnẹ de rhe muo gele, ọ da mraro vwẹ ohri rẹ ayen.

1 Samuẹl 10:12

Ohwo rọ asan na da kpahe, Kono ọsẹ rayen? Ọtiọye na o de rhi hirhe phihọ oha, Sọl ji usun rẹ emraro na rhe?

1 Samuẹl 10:6

Etiyin erhi rẹ Ọrovwohwo na ko che mu we gele, ku wọ vẹ ayen cha mraro kugbe ku wo che hirhe phihọ oka rẹ ohwo ọfa.

1 Samuẹl 18:10

Rẹ ọke vwo rhie erhi umwemwu ro nẹ obọ rẹ Ọghẹnẹ rhe na da họrhọ ro Sọl oma, ko bunu vwẹ evun rẹ uwevwi rọye, yi Devid re hworo isorogun na kẹ, kirobo ro ruẹ kẹdẹ kẹdẹ. Yi Sọl yọnrọn ubiri vwẹ obọ rọye;

1 Samuẹl 19:18

Asakiephana ri Devid vwọ djẹ vabọ nu, o de bru Samuẹl rhe vwi Ramah, o de gbe ikun rẹ obo ri Sọl ruru kẹ. Te ọye te Samuẹl da yanran ra dia Naiot.

1 Samuẹl 19:20

Etiyin Sọl de ji ikọn re mu Devid; ọke rẹ ayen vwọ mrẹ usun rẹ emraro na re mraro, yi Samuẹl rẹ olori rayen mudia vwẹ obaro rẹ usun na, erhi rẹ Ọghẹnẹ da rhe ro ikọn ri Sọl na oma, ayen da je mraro rhe.

1 Samuẹl 19:22

Etiyin okpuyovwi rọye de kpo Ramah, o de rhi te orhare rode rọ hẹ Seku; ọ da nọ, Tivọ Samuẹl vẹ Devid epha? ọvo da ta, Nighe, ayen hẹ Naiot ri Ramah.