1 Samuẹl 19:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Mikal da reyọ oma o de muo sherhe ehwa ọ da vwẹ ochuyovwi rẹ ẹton rẹ ẹvwe vwọ cha uyovwi, ọ da vwẹ emwa phopho.

1 Samuẹl 19:13 ပူးပေါင်းရင်းမြစ်များ

Jẹnẹsis 31:19

Laban yanran kpo ẹghwa ra bọrọ ẹto rẹ igegede, Rachel de cho oma rọ umukpe rẹ ọsẹ rọye.

Hosia 3:4

Kidie emọ rẹ Izrẹl ke dia vwẹ ẹdẹ buebu ayen gbi vwo ovie-e yẹrẹ osu-un, ọ rhe vwo izobo e ze-e yẹrẹ uchivwo-o, ibuluku yẹrẹ utẹ-ẹ.

Iguẹdjọ 17:5

Ọshare na re se Mika na de vwo ẹshẹ, o de ko ibuluku kugbe terafim, ọ da sanọ ọvo vwẹ usun rẹ emọ rọye rẹ eshare na vwo mu, vwo ru orherẹn rode rọye

Iguẹdjọ 18:14

Etiyin eshare iyori re ke ji re dorhẹn rẹ otọ rẹ orere ri Laish, da ta kẹ imoni rayen nẹ, ovwan riẹnre nẹ ibuluku ọvo kugbe terafim, kugbe oma, kugbe oma re duvwuru herọ vwẹ uwevwi rọ oboyi na? Asakiephana gba jẹ iroro rẹ obe rẹ ovwan che ru

Iguẹdjọ 18:17

Etiyin eshare iyori re ke ji ra dorhẹn rẹ otọ rẹ orere na, da ro evun rẹ uwevwi na, ayen de mu oma na, kugbe ibuluku na, kugbe terafim na, kugbe oma re duvwuru na; yẹ orherẹn na mudia phihọ akakọ rẹ unu rẹ anurhoro na kugbe eshare uriorha na re ghwa ekuakua rẹ ofovwi na.

1 Samuẹl 19:16

Ọke rẹ ikọn na vwọ rhire, nighe, oma na hẹ ehwa, vẹ ọchuyovwi rẹ ẹton rẹ ẹvwe rọ vwọ cha uyovwi.