1 Samuẹl 19:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Sọl da guọnọ ro vwẹ ubiri duvwu Devid mu igbẹhẹ; ẹkẹvuọvo o de reghe Sọl, Etiyin ọ da vwẹ ubiri na duvwu igbẹhẹ. Devid da djẹ vabọ.

1 Samuẹl 19:10 ပူးပေါင်းရင်းမြစ်များ

Une rẹ Ejiro 124:7

Avwanre rhan vabọ kerẹ ọphran rọ vabọ nẹ ugodo rẹ ọkpaufi, ufi na vwrẹri, avwanre da vabọ!

Une rẹ Ejiro 18:17

O da sivwi uvwe nẹ obọ rẹ ivwighrẹ re pha gangan, kugbe ayen otu ri tuoma me; kidie ayen gan nọ ke vwe

Une rẹ Ejiro 34:19

Ukpokpogho re ọvwata ọpha buebu, ẹkẹvuọvo Ọrovwohwo na sivwo nẹ ayen ejobi.

Une rẹ Ejiro 37:32

Oruimwemwu ra rhẹrẹ ọvwata, ọ rọ guọnọ teya hwe.

Isẹ 1:16

kidie awọ rayen djẹ onẹ rẹ umwemwu, ayen bru okpakpa re sun ọbara

Isẹ 21:30

O vwo aghwanre-e, o vwo ẹruọ-ọ, o vwo iroro-o o se ru emuọvo kpahe Ọrovwohwo-o.

Aizaya 54:17

orọvwọ re duvwu vwọ so owẹ se yovwi-i, ku wo gbe ota phihọ unu kunu ro vrẹn vwọ so owẹ vwẹ ẹdjọ. Ọnana kọ dia ughwẹ re idibo rẹ Ọrovwohwo kugbe ase rẹ ayen cha re vwẹ obọ mẹ, eriyin Ọrovwohwo tare.

Hosia 6:4

Die me vwo wẹ ru, E Ifrem? Die me vwo wẹ ru, E Juda? Ẹguọnọ wẹn ọ họhọ evwru rẹ irhiọke, kerẹ ọphogho rọ fobọ ya.

Matiu 10:23

Ẹkẹvuọvo e de kpokpo uwe vwẹ orere ọvo, djẹ kpo ọrivẹ. Kidie uyota me ta kẹ ovwan, ovwan sa djẹ vrẹn irere rẹ Izrẹl na ejobi re tavwe rẹ Ọmọ rẹ ohwo ke rhe-e.

Iyẹnrẹ Esiri ri Luk 4:30

Ẹkẹvuọvo ọ da wan uherevie rẹ ayen ro otafe.

Iyẹnrẹ Esiri ri Jọn 10:39

Ayen da rhoma guọnọ mu, ọ da reyọ oma nẹ ohri rọye ayen abọ.

Hibru 11:34

ri furhie ogidi-erhanre, re vabọ rẹ ọlọkọ, ri nẹ ọvwiẹre ra ro ọgba, re dia egba vwẹ ofovwi, re vẹn unuofovwi rẹ erhorha.

1 Samuẹl 18:10

Rẹ ọke vwo rhie erhi umwemwu ro nẹ obọ rẹ Ọghẹnẹ rhe na da họrhọ ro Sọl oma, ko bunu vwẹ evun rẹ uwevwi rọye, yi Devid re hworo isorogun na kẹ, kirobo ro ruẹ kẹdẹ kẹdẹ. Yi Sọl yọnrọn ubiri vwẹ obọ rọye;

1 Samuẹl 18:11

Sọl de phi ubiri na, kidie o rori nẹ, Mi ghwe duvwu Devid mu igbẹhẹ. Ẹkẹvuọvo Devid de fovwi oma kẹ asiava.

1 Samuẹl 19:6

Sọl de nyo ota ri Jonatan na; Sọl de duvwu iyori nẹ, Kirobo rẹ Ọrovwohwo herọ na, e che hwe-e.

1 Samuẹl 20:33

Ẹkẹvuọvo Sọl da vwẹ ubiri vwo phio, etiyin o de mu Jonatan ẹro nẹ ọsẹ rọye ghinẹ guọnọ Devid hwe.