1 Samuẹl 19:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Sọl da ta kẹ Jonatan rẹ ọmọ rọye kugbe idibo rọye ejobi, nẹ ayen hwe Devid. Ẹkẹvuọvo Jonatan, ọmọ ri Sọl na, da guọnọ Devid gangan.

1 Samuẹl 19:1 ပူးပေါင်းရင်းမြစ်များ

Jẹnẹsis 37:18

Ayen da kparo mrẹ vwẹ ogboko, ro ji te ayen omaa na, ayen da ghwa jẹn iroro kpahọ obo rẹ ayen ru hwe.

2 Samuẹl 4:8

ayen da reyọ uyovwi rẹ Ishboshet vwo rhe Devid vwi Hebrọn. Ayen da ta kẹ ovie, Uyovwi rẹ Ishboshet na, ọmọ ri Sọl, ọvweghrẹ wẹn, rọ guọnọ owẹ hwe; Ọrovwohwo reihri kẹ ọrovwovwe ovie nonẹ na vwẹ oma ri Sọl vẹ emọ rọye.

1 Samuẹl 18:1

Ọke rọ vwọ ta ota kẹ Sọl nu, erhi ri Jonatan de rhi churu mu erhi ri Devid, Jonatan da guọnọ kerẹ omaobọ rọye.

1 Samuẹl 18:25

Etiyin Sọl da ta, E nẹ wọ ta kẹ Devid ovie guọnọ igho-o jokpa rẹ ophiẹn rẹ upheruphe re ihwo ri Filistia ujori, rere ọ vwẹ ivwighrẹ rẹ ovie vwọ reihri. Asakiephana Sọl roro nẹ obọ rẹ ihwo ri Filistia wan ọnana te Devid.

1 Samuẹl 18:3

Etiyin Jonatan vi Devid da re ọphọ, fikiridie ọ guọnerọ kerẹ omaobọ rọye.

1 Samuẹl 18:8

Ivun de miovwi Sọl gangan, ota nana jere-e; ọda ta? Ayen tare nẹ Devid hwe uriori ihwe, uriori ọvo kọye ayen so kẹ vwẹ; ki didi emu ọfa o rhe mie vwe nọ uvie mẹ na?

1 Samuẹl 18:9

Sọl de phi ọhoho ri Devid vwọ hẹ evun nẹ ẹdẹ yena yanran.

1 Samuẹl 19:2

Jonatan da ta kẹ Devid, Sọl rẹ ọsẹ mẹ guọnọ owẹ hwe; fiki rẹ ọtiọye na gba kẹnoma wẹn vwẹ irhiọke, kpo asan rọ djahere wo sioma wẹn nu;

1 Samuẹl 20:1

Etiyin Devid da djẹ nẹ Naiot vwi Remah, ọ da rhe rhe ta kẹ Jonatan, Die mi ruru? Didi abe me rere? Didi umwemwu mi ru ọsẹ wẹn, rọ vwọ guọnọ ovwẹ hwe?

1 Samuẹl 20:19

Vwẹ ẹdẹ rerha a cha nọ ekpẹn wẹ gangan; gba yan kpo asan wo de sioma nu jovwo na rẹ ota na vwọ hẹ otọ na, re wọ vwẹ oma da ẹko rẹ ibieragha rọ hẹ abọ oboyi na.