1 Samuẹl 18:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ivun de miovwi Sọl gangan, ota nana jere-e; ọda ta? Ayen tare nẹ Devid hwe uriori ihwe, uriori ọvo kọye ayen so kẹ vwẹ; ki didi emu ọfa o rhe mie vwe nọ uvie mẹ na?

1 Samuẹl 18:8 ပူးပေါင်းရင်းမြစ်များ

Jẹnẹsis 37:11

Imoni rọye ke rioma kpahọ, ẹkẹvuọvo ọsẹ rọye de phi eta na vwọ evun.

Jẹnẹsis 37:8

Imoni rọye da ta kẹ nẹ, Vwẹ ọ rẹ uyota na ko wẹ ri che sun avwanre? Eyẹ ko wẹ re cha re ovie vwẹ enu rẹ avwanre? Oma rọye de tun ayen phihọ fiki rẹ evwerhẹ rọye kugbe fiki rẹ eta rọye.

1 Ivie 2:22

Ovie Solomọn da kpahe kẹ oni rọye, Die wọ vwọ nọ ekpẹn rẹ Abishag ohwo ri Shunẹm na vwọ kẹ Adonija? Gba je nọ ekpẹn rẹ uvie na vwọ kẹ; kidie ọye ọmọsẹ mẹ rẹ okpako Abiata rẹ orherẹn na vẹ ọye hẹ obọ kugbe Joab rẹ ọmọ ri Zẹruya.

Ẹsta 3:5

Oke ri Haman vwọ mrẹ nẹ Modekai diguẹ-ẹ eyẹ ọ ji vwẹ uyovwi kpotọ kẹ-ẹ, ivun de rhi miovwo Haman.

Isẹ 13:10

Eheri ọye ohwo ro jẹ ẹme enyo vwọ sua ofovwi, ẹkẹvuọvo aghwanre vẹ ihwo re reyọ uchebro gba dia.

Isẹ 27:4

Ivuemiovwo ọbrabra, ophu-emuo pha yẹngbẹ; ẹkẹvuọvo kono se mudia hẹrhẹ omaẹriọ?

Aghwoghwo 4:4

Etiyin me da mrẹ nẹ owian vẹ ona vwẹ iruo, omẹriọ ra ria kpahe ọrivẹ rẹ ohwo o nẹcha. Ọnana rhe je hẹ odiodi kugbe odju re nene họnra.

Ukeri 11:1

Etiyin ihwo na de brenu kẹ Ọrovwohwo nyo fiki rẹ uyovwi emiovwo rayen; ọke rẹ Ọrovwohwo vwo nyo, ophu rọye da rhe tua gangan kpahe ayen erhanre rẹ Ọrovwohwo na da rhe torhẹ vwẹ uherevie rayen, ọ da torhẹ ẹbẹre ọvo rẹ obo uphẹphẹ rẹ erhọn na.

Ukeri 22:34

Etiyin Balaam da ta kẹ amakashe rẹ Ọrovwohwo na, Mi ru umwemwu, kidie me riẹnre nẹ wo mudia idjerhe hẹrhẹ ovwẹ-ẹ. Asakiephana ọ da dia obo re brare vwẹ obaro wẹn, ki mi rhivwi kpo.

Jems 4:5

Ovwan rori nẹ obo rẹ ọbe ọfuanfon na tare na kẹ ofian? Kọ vwẹ erhi na kẹ avwanre fiki rẹ omẹriọ?

1 Samuẹl 13:14

Ẹkẹvuọvo Asakiephana uvie wẹn gbe cha tọ-ọn; Ọrovwohwo mrẹ ohwo ọfa ro jere nure; Ọrovwohwo ji vwo mu nẹ ọ dia ovie vwẹ enu rẹ ihwo rọye nure, kidie wọ yọnrọn urhi rẹ Ọrovwohwo ji kẹ wẹ-ẹ.

1 Samuẹl 15:28

Samuẹl da ta kẹ, Ọrovwohwo bẹre uvie rẹ Izrẹl mie we nonẹ na, ọ da vwọ kẹ ọrivẹ wẹn, ro yovwi nọ wẹ.

1 Samuẹl 16:13

Etiyin Samuẹl da reyọ ukoko rẹ evwri na, ọ da vwẹ evwri ghworo vwẹ uherevie rẹ iniọvo rọye; Erhi rẹ Ọrovwohwo de ghwe mu Devid gele nẹ ẹdẹ yena yanran. Samuẹl vrẹnri, o de kpo Ramah.

1 Samuẹl 18:9

Sọl de phi ọhoho ri Devid vwọ hẹ evun nẹ ẹdẹ yena yanran.

1 Samuẹl 19:1

Sọl da ta kẹ Jonatan rẹ ọmọ rọye kugbe idibo rọye ejobi, nẹ ayen hwe Devid. Ẹkẹvuọvo Jonatan, ọmọ ri Sọl na, da guọnọ Devid gangan.

1 Samuẹl 20:31

Kidie uche ọke rẹ ọmọ ri Jesse na dia akpọ na krite, te owẹ te uvie wẹn cha sa ghwotọ-ọ. Gbe ji ohwo re muo rhe vwe, kidie o ghwu nure.