1 Samuẹl 18:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Rẹ ayen vwo rhivwi kpore, ri Devid vwo nẹ ihwehwe rẹ ihwo ri Filistia na cha, eya na da djẹ nẹ irere rẹ Izrẹl ejobi rhe, e sua ine gbe eha, ra vwa ọvie Sọl, vẹ ekpagha, vẹ ine rẹ aghọghọ, vẹ ekuakua rẹ ihwehworo.

1 Samuẹl 18:6 ပူးပေါင်းရင်းမြစ်များ

2 Samuẹl 1:20

Wọ ta vwi Gat rẹ, we ghwoghwo vwẹ irhuvwu rẹ Ashkẹlọn rẹ; emetẹ ri Filistia da ghọghọ, emetẹ rẹ ihwo rẹ upheruphe na de mu oma kpenu.

2 Samuẹl 6:5

Devid vẹ uwevwi rẹ Izrẹl ejobi, ki gbe eha vwẹ obaro rẹ Ọrovwohwo vẹ egba rayen ejobi, vẹ ine isorogun vẹ ekpata vẹ ewanre vẹ igogo vẹ ekuakua.

Une rẹ Ejiro 149:3

Jẹn ayen vwẹ eha jiri odẹ rọye, so ine vwevwerhe kẹ vẹ ukiri kugbe isorogun!

Une rẹ Ejiro 68:11

Ọrovwohwo ri ji urhi na, otu re ghwẹ iyẹnrẹ esiri na kẹ ibuebu,

Une rẹ Ejiro 68:25

ibuine na hẹ obaro, emetẹ re ghwie abọ e hẹ obuko, vwẹ uvwre rayen kẹ etiyin emetẹ na de hworo ukiri;

Ẹyano 15:20

Etiyin Miriam, orherẹn rẹ aye na, oniọvo rẹ Erọn, da rọye ekpagha; eya na ejobi da rọye ekpagba ayen de nene gbe eha ro ada.

Ẹyano 15:21

Miriam da so une ke ayen: So une kẹ Ọrovwohwo, fikiridie o phi kparobọ vẹ urinrin; tẹ iyesi tẹ ohwo ro gua ọ kpare ayen phihọ abadi na.

Aizaya 30:32

Kohọ kọhọ rẹ Ọrovwohwo da vwẹ ọkpọ rọye na ghwie ayen, kọ cha dia kere edo rẹ igogo kugbe isorogun, obọ rọye rọ nyavwaro kpenu kpene kọye o vwo nene ayen phi ofovwi

Iguẹdjọ 11:34

Ọke ri Jẹfta vwo rhivwi rhe uwevwi rọye vwẹ obi Mizpa; nighe, ọmọtẹ rọye da rhe vwa vẹ eha vẹ ihwehworo; ọmọtẹ na ọvo ọye ọmọ ro vwiẹri; o vwo ọmọshare ọfa-a eyẹ ọmọtẹ ọfa-a

1 Samuẹl 18:5

Etiyin Devid da yanran kpo kasan kasan ri Sọl jiro ra ejobi o de phi kparobọ; Sọl de vwo mu phihọ enu rẹ ihwo rẹ ofovwi na. Ọnana dẹ ji ihwo ejobi kugbe idibo ri Sọl rhe.