1 Samuẹl 18:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Etiyin Devid da yanran kpo kasan kasan ri Sọl jiro ra ejobi o de phi kparobọ; Sọl de vwo mu phihọ enu rẹ ihwo rẹ ofovwi na. Ọnana dẹ ji ihwo ejobi kugbe idibo ri Sọl rhe.

1 Samuẹl 18:5 ပူးပေါင်းရင်းမြစ်များ

Jẹnẹsis 39:23

Olori rẹ uwodi na rha davwerhọ rẹ obo ra vwọ kẹ Josẹf yọnre na-a, kidie Ọrovwohwo vọye herọ; kemu kemu ro ruru ejobi, Ọrovwohwo da nẹrhẹ oyovwi.

2 Samuẹl 5:10

Etiyin Devid da rhe rho phihọ, Ọrovwohwo rẹ Ọghẹnẹ rẹ otuofovwi na, vọye da herọ.

2 Samuẹl 5:2

Dẹvure, rẹ Sọl vwọ hẹ ovie vwẹ enu rẹ avwanre, we ri je sun Izrẹl ruafe, we ji sun ayen ro uwevwi. Ọrovwohwo da ta kẹ wẹ, Wẹ re cha dia osuigodẹ rẹ ihwo mẹ Izrẹl; wẹ re je cha dia ovie vwẹ enu rẹ Izrẹl.

2 Ikun rẹ Ivie 17:3

Ọrovwohwo vi Jehoshafat da herọ, fikiridie ọ ka yan phihọ idjerhe rẹ ọsẹ rọye rẹ ẹsosuọ; o re duotọ rẹ emu ọvuọvo vwẹ obọ ri Baal na-a.

Une rẹ Ejiro 1:3

Kọ dia kerie urhe ra kọnre kere asan ame, rọ mọ emamọ rọye vwe ọke ororọ rọye, ẹbe rọye se vwiọro-ọ. Kemu kemu rọ ruru ejobi, ko yovwi kẹ.

Une rẹ Ejiro 101:2

Me vwẹ oma kpotọ kẹ idjerhe ro jẹ abe evwo. E ọkevọ wo vwo bru vwe rhe? Me yan vẹ evun ọfuanfon vwẹ udu. vwẹ evun rẹ uwevwi mẹ;

Matiu 10:16

Nighere mi ji ovwan kerẹ igegede re hẹ uherevie rẹ ikpohrokpo; wa gba ghwanre kerẹ ọrọdekọ, re we ru dẹndẹn kerẹ ilekuku.

Iruo rẹ Iyinkọn na 7:10

O de sio nẹ odjarhe rọye ejobi, ọ da vwẹ aroesiri kugbe aghwanre kẹ vwẹ obaro ri Fero, ovie rẹ Ijipt, ohwo ro vwiro mu osun vwẹ Ijipt kugbe evwruwevwi rọye ejobi.

Ẹfesọs 5:17

Vwẹ eriyin na we gbi ghẹ-ẹ, ẹkẹvuọvo we gbe vwo ẹruọ rẹ obo rẹ ọhọre rẹ Ọrovwohwo epha.

Kolose 4:5

Vwẹ aghwanre nene ihwo rẹ obada yeri we kuẹ ọke fia-a.

Iguẹdjọ 1:19

Ọrovwohwo vi Juda da herọ, ọ da reyọ orere rẹ ugbenu na, ẹkẹvuọvo ọ sa djẹ ihwo re dia otọ rẹ ophẹphẹ na no-o, fikiridie ayen vwo idjighere rẹ utehru rẹ ofovwi buebu.

1 Samuẹl 13:2

Sọl da sanọ ihwo rẹ Izrẹl uriori erha, uriori ivẹ vi Sọl herọ vwẹ obi Mikmash kugbe obo orho rẹ ugbenu ri Bẹtẹl, uriori ọvo vi Jonatan da hẹ Gibeah ri Bẹnjamin; o de siobọ nẹ ihwo ri chekọ kpo, dohwo duwevwi rọye da ra.

1 Samuẹl 14:52

Ofovwi ọgangan ọye Sọl vẹ ihwo ri Filistia phiri vwẹ ẹdẹ rẹ akpọ rọye ejobi; ọke ejobi ri Sọl da mrẹ ọgba, eyẹ ohwo ro yivwaro, o mi ghwe sio te oma.

1 Samuẹl 18:16

Ẹkẹvuọvo Izrẹl vi Juda ejobi da guọnọ Devid; kidie o ruẹ dẹndẹn vwẹ obaro rẹ ayen.

1 Samuẹl 18:30

Etiyin isun ri Filistia da rhe rhi phi ofovwi, kọke kọke rẹ ayen vwọ rhe ejobi Devid kọye ma kparobọ nẹ idibo ri Sọl ejobi, ọtiọye na a da kpare odẹ rọye kpenu gangan.

1 Samuẹl 18:4

Jonatan da ghwiẹ adagba rọ oma rọye no, ọ da vwọ kẹ Devid, kugbe ekuakua rẹ ofovwi rọye, kugbe ekpuyovwi rẹ ọlọkọ rọye vẹ umurhabọ rọye kugbe umuamwa rọye.

1 Samuẹl 18:6

Rẹ ayen vwo rhivwi kpore, ri Devid vwo nẹ ihwehwe rẹ ihwo ri Filistia na cha, eya na da djẹ nẹ irere rẹ Izrẹl ejobi rhe, e sua ine gbe eha, ra vwa ọvie Sọl, vẹ ekpagha, vẹ ine rẹ aghọghọ, vẹ ekuakua rẹ ihwehworo.

1 Samuẹl 3:19

Samuẹl da rho, Ọrovwohwo vẹ ọye da herọ o gbi jẹ ota rọye ọvuọvo she kufia-a.