1 Samuẹl 18:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Jonatan da ghwiẹ adagba rọ oma rọye no, ọ da vwọ kẹ Devid, kugbe ekuakua rẹ ofovwi rọye, kugbe ekpuyovwi rẹ ọlọkọ rọye vẹ umurhabọ rọye kugbe umuamwa rọye.

1 Samuẹl 18:4 ပူးပေါင်းရင်းမြစ်များ

Jẹnẹsis 41:42

Etiyin Fero da ghwiẹ isa nẹ obo rọye o de kuo phihọ obo ri Josẹf, o de ku adagba ọfuanfon phihọ oma, o de ku ọjọnrọn re oro phihọ ohọre;

2 Samuẹl 1:22

Nẹ ọbara rẹ ihwo re hweri, nẹ ivwri rẹ ọgba, umurhabọ ri Jonatan gbaprẹ-ẹ, ọlọkọ ri Sọl fiabọ-ọ.

Aizaya 61:10

Ke Me ghọghọ gangan vwẹ evun rẹ Ọrovwohwo, ẹnwẹn Mẹ kọ ghọghọ vwe evun rẹ Ọghẹnẹ Mẹ, kidie ọ reyọ iwun rẹ esivwo vwo rhuo vwe, o ku adagba re ọvwata rhurhu uvwe, kirobo re ọpha ghwẹ emwu gide oma rọye, kirobo rẹ ọpha ghwẹ evwarha eghaghare phihọ oma,

Izikiẹl 23:15

ayen nabọ vwẹ umuamwa mu ehun rayen, vẹ erhu ri siẹjọjọ ri vwo tughẹ uyovwi rayen, a da mrẹ ayen ejobi kere ihwo rẹ ofovwi, uhoho rẹ ihwo ri Babilọn re dia otọ ri Kaldia.

Iyẹnrẹ Esiri ri Luk 15:22

Ẹkẹvuọvo ọsẹ na da ta kẹ idibo rọye, Jọphẹre ra reyọ adagba rhe, re kuo phihọ, ru we ku isa phihọ obọ, ku isabato phihọ awọ;

2 Kọrẹnt 5:21

Fiki rẹ avwanre ọye e vwo ruo vwọ dia oruimwemwu ohwo ro vwo umwemwu vwẹ oma-a, rere avwanre sa rhe wan oma rọye rhe dia ovwata rẹ Ọghẹnẹ.

1 Samuẹl 17:38

Etiyin Sọl de ku ewun rẹ ofovwi rọye phihọ Devid oma; ọda vwẹ erhu rẹ utehru vwo tughẹ uyovwi; o de ku ewun rẹ utehru phihọ oma.

1 Samuẹl 18:5

Etiyin Devid da yanran kpo kasan kasan ri Sọl jiro ra ejobi o de phi kparobọ; Sọl de vwo mu phihọ enu rẹ ihwo rẹ ofovwi na. Ọnana dẹ ji ihwo ejobi kugbe idibo ri Sọl rhe.