1 Samuẹl 18:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Etiyin Sọl da ta kẹ Devid, ọmọtẹ mẹ rẹ ọkpako Merab na; Me vwọ kẹ wẹ vwọ rọvwọ; ku wo yivwaro rere wọ họnre ofovwi rẹ Ọrovwohwo na kẹ vwẹ. Kidie Sọl rori nẹ, E jẹn obọ mẹ dia-a, ẹkẹvuọvo e jẹn obọ rẹ ihwo ri Filistia na te.

1 Samuẹl 18:17 ပူးပေါင်းရင်းမြစ်များ

2 Samuẹl 11:15

O de si phihọ ọbe na nẹ, Phi Uraya phihọ obaro vwẹ asan rẹ ofovwi na da gan, rere wo tephe kẹ, rere a ghwiẹ she, re o ghwu.

2 Samuẹl 12:9

Die wọ vwọ jẹ ota rẹ Ọrovwohwo fia, ri wo ru emu ọbrabra nana vwẹ obaro rọye? Wọ vwẹ oda hwe Uraya rẹ ohwo ri Hẹt, wọ da reyọ aye rọye vwọ rọvwọ, wọ da vwẹ ọlọkọ rẹ ihwo ri Ammọn vwo hwe.

2 Samuẹl 6:16

Eriyin ekpeti rẹ Ọrovwohwo de rhi te otorho ri Devid, Mikal rẹ ọmọtẹ ri Sọl da wan ovakpo ni ovie Devid ro vwo gbe eha vwẹ obaro rẹ Ọrovwohwo vẹ ọjẹfia vwẹ udu rọye.

Une rẹ Ejiro 12:2

Kohwo kohwo vwọrọn efian kẹ ọrivẹ rọye; avwavwe ebro kugbe ẹrenvwe ivivẹ udu rayen vwọ ta ota.

Une rẹ Ejiro 55:21

Ota rẹ unu rọye ghwọriẹ kerẹ evwri, dede na yẹ ofovwi hẹ udu rọye; ota rọye lọhọ nọ ọfigbo, dede na yọ tọn ọlọkọ rọye mu.

Isẹ 26:24

Ohwo rọ jẹ eghrẹn, ọ vwẹ unu phiẹn ohwo o mi rhurhu ophiẹvwe rọye ba udu.

Isẹ 26:25

Ọke rọ da vwẹ unu biẹnbiẹn wo se gbuyota-a, kidie uruemu ẹgua ighwrẹ hẹ udu rọye.

Isẹ 26:26

Owenẹ ọ vwẹ ọphiẹvwẹ rhurhu eghrẹn rọye dede, umwemwu rọye cha phia vwẹ evun rẹ ọghwẹgbe vwẹ obọ.

Ukeri 21:14

Fiki rẹ ọtiọye na a vwọ ta vwẹ ọbe rẹ Ofovwi rẹ Ọrovwohwo, Waheb vwi Suphah vẹ iyara rẹ Arnon,

Ukeri 32:20

Etiyin Mosis da ta kẹ ayen, ọ da dianẹ wo ru ọnana, wa da ghwẹ ekuakua rẹ ofovwi rẹ ovwan rẹ ovwan da ka obaro kẹ Ọrovwohwo vwo kpo ofovwi na,

Ukeri 32:27

ẹkẹvuọvo idibo wẹn ke wanvrẹn, dohwo doma rọye chare kẹ ofovwi na, vwẹ obaro rẹ Ọrovwohwo kpo ofovwi na, kirobo rẹ ọrovwovwe ji urhi na.

Ukeri 32:29

Mosis da ta kẹ ayen, ọ da dianẹ emọ ri Gad kugbe emọ ri Rubẹn, dohwo doma rọye da cha kẹ ofovwi na vwẹ obaro rẹ Ọrovwohwo na, ri de nene ovwan wan Jọdan na vrẹn rẹ ovwan de phi otọ na kua, etiyin ke wa vwẹ otọ ri Giliad vwọ ghare ayen ughwẹ;

Urhi Rivẹ 17:7

Iseri na kọ ka vwẹ obọ te ohwo re che hwe na tavwe, kẹsiẹye ihwo ri chekọ ejobi ke vwẹ obọ te hwe. Kẹ ọtiọye ovwan vwọ hworhẹ umwemwu na nẹ ohri rẹ ovwan.

1 Samuẹl 14:49

Emọ ri Sọl ke ena, Jonatan, Ishivi, kugbe Malkishua; odẹ rẹ emetẹ rọye ivẹ kẹ ena; odẹ rẹ ọ rọ ọkpako ki Merab, ọ rẹ otete ki Mikai.

1 Samuẹl 17:25

Ihwo rẹ Izrẹl da ta, Wọ mrẹ ohwo nana ro bru avwanre rhe na? Uyota ọ rhere rhi gbobọ se Izrẹl; ohwo ro hwere, ovie kọ ghwẹ ẹfe buebu kẹ, kọ vwẹ ọmọtẹ rọye vwọ kẹ rọvwọ, kọ ru uwevwi rẹ ọsẹ rọye dia ọmuvwiẹ vwẹ Izrẹl na.

1 Samuẹl 17:36

Odibo wẹn hwe ikpohrokpo kugbe ikorhi; upheruphe nana ohwo ri Filistia kọ họhọ ọvo vwẹ usun rẹ ayen, kidie o gbobo se unuofovwi rẹ Ọghẹnẹ ri bẹdẹ na.

1 Samuẹl 17:47

Ọghwẹgbe nana kọ riẹn nẹ Ọrovwohwo vwẹ ọlọkọ vẹ oshue vwọ sivwẹ-ẹ; kidie ofovwi na ọ rẹ Ọrovwohwo ko phi we phihọ obọ mẹ.

1 Samuẹl 18:21

Sọl de roro, E ju vwe vwọ kẹ, rere me vwọ kpahe ufi kẹ, rere abọ rẹ ihwo ri Filistia na vwo te. Ọtiọye na Sọl da ta kẹ Devid obọ rivẹ, ku wọ cha dia ọgọ mẹ.

1 Samuẹl 18:25

Etiyin Sọl da ta, E nẹ wọ ta kẹ Devid ovie guọnọ igho-o jokpa rẹ ophiẹn rẹ upheruphe re ihwo ri Filistia ujori, rere ọ vwẹ ivwighrẹ rẹ ovie vwọ reihri. Asakiephana Sọl roro nẹ obọ rẹ ihwo ri Filistia wan ọnana te Devid.

1 Samuẹl 18:27

Devid vrẹnri ọ da yanran, ọ vẹ ihwo rọye, o de hwe ihwo ri Filistia uri; Devid da jẹ ophiẹn rẹ upheruphe rayen, ọ da vwẹ ayen kẹ ovie re tototo, rere ọ vwọ mrasa dia ọgọ rẹ ovie. Sọl da vwẹ ọmọtẹ rọye Mikal vwọ kẹ.

1 Samuẹl 25:28

Biko vwo ghovwo oruchọ rẹ ọmọtẹ wẹn; vwọ ọ rẹ uyota Ọrovwohwo cha kẹ wẹ uwevwi re bẹdẹ, fikiridie ofovwi ri wo phiẹ na Ọrovwohwo wo phio kẹ; a rha sa mrẹ umwemwu vwẹ evun wẹn uchọke wọ dia akpọ na krite-e.

1 Samuẹl 30:26

Ri Devid rhi vwo te Ziklag, ọ da vwẹ abọvo rẹ emu ro gborhori na vwo rhe igbeyan rọye, ekpako ri Juda, tanẹ, ọna ọko re me phare rhe ovwan vwẹ usun rẹ emu na rẹ ivwighrẹ rẹ Ọrovwohwo gborhori,