1 Samuẹl 18:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Devid de phi kparobọ vwẹ ofovwi rọ rare ejobi; kidie Ọrovwohwo vẹ ọye herọ.

1 Samuẹl 18:14 ပူးပေါင်းရင်းမြစ်များ

Jẹnẹsis 39:23

Olori rẹ uwodi na rha davwerhọ rẹ obo ra vwọ kẹ Josẹf yọnre na-a, kidie Ọrovwohwo vọye herọ; kemu kemu ro ruru ejobi, Ọrovwohwo da nẹrhẹ oyovwi.

2 Samuẹl 5:10

Etiyin Devid da rhe rho phihọ, Ọrovwohwo rẹ Ọghẹnẹ rẹ otuofovwi na, vọye da herọ.

Ivie rẹ Ivẹ 18:7

Ọrovwohwo vẹ ọye da herọ; asan kasan rẹ rare ejobi ko yovwi kẹ. Ọ de mukpahe ovie rẹ Asiria, o gbe rhọvwe ga-a.

1 Ikun rẹ Ivie 18:13

O de phi unuofovwi phihọ Idọm; ihwo rẹ Idọm de hirhe phihọ idibo ri Devid. Ọrovwohwo da vwẹ obọẹkparọ kẹ Devid vwẹ asan rọ rare ejobi.

1 Ikun rẹ Ivie 18:6

Devid de phi unuofovwi phihọ Siria ri Damaskọs; ihwo ri Siria de hirhe phihọ idibo ri Devid, ayen da ghwẹ ẹga vwo rhe, Ọrovwohwo da vwẹ obọẹkparọ vwọ kẹ Devid vwi kasan kasan rọ rare.

2 Ikun rẹ Ivie 17:3

Ọrovwohwo vi Jehoshafat da herọ, fikiridie ọ ka yan phihọ idjerhe rẹ ọsẹ rọye rẹ ẹsosuọ; o re duotọ rẹ emu ọvuọvo vwẹ obọ ri Baal na-a.

Une rẹ Ejiro 101:2

Me vwẹ oma kpotọ kẹ idjerhe ro jẹ abe evwo. E ọkevọ wo vwo bru vwe rhe? Me yan vẹ evun ọfuanfon vwẹ udu. vwẹ evun rẹ uwevwi mẹ;

Matiu 1:23

Nighe, ọmọtobẹ cha mrevun, ko vwiẹ ọmọshare, ke se odẹ rọye Immanuẹl, otọ rọye Ọghẹnẹ vẹ avwanre herọ.

Matiu 28:20

Wẹ yono ayen vwọ riẹn otọ rẹ imu na ejobi re dje kẹ ovwan na. Nighe, me vẹ ovwan herọ vwẹ ọke ejobi, rhiri rhi te oba rẹ akpọ na.

Iruo rẹ Iyinkọn na 18:10

kidie me vẹ owẹ herọ, ohwo che se mu we rọ da wan wẹ oma-a; kidie mi vwo ihwo buebu vwẹ orere nana.

Joshua 6:27

Ọtiọye kọye Ọrovwohwo vi Joshua gba herọ; usi rọye de titi ro otọ na ejobi.

Iguẹdjọ 1:19

Ọrovwohwo vi Juda da herọ, ọ da reyọ orere rẹ ugbenu na, ẹkẹvuọvo ọ sa djẹ ihwo re dia otọ rẹ ophẹphẹ na no-o, fikiridie ayen vwo idjighere rẹ utehru rẹ ofovwi buebu.

1 Samuẹl 10:7

Ọke rẹ eka nana da vwa wẹ, gbe ru obo ra tani wo ru, kidie Ọghẹnẹ vẹ owẹ herọ.

1 Samuẹl 16:18

Emeghele na ọvo da kpahe, Nighere, me mrẹ ọmọ ri Jesse ohwo ri Bẹtlẹhẹm, rọ riẹn hworo gangan, ọ gba, ohwo rẹ ofovwi, ọ vẹ ọhọ rẹ ota, ohwo vẹ erhuvwu; Ọrovwohwo vẹ ọye herọ.

1 Samuẹl 18:15

Ọke ri Sọl vwọ mrẹ nẹ o phi kparobọ buebu rẹ, oshọ rọye ko muo.

1 Samuẹl 19:8

Ofovwi da rhoma rhi she; Devid da rhoma yanran ra họnre ihwo ri Filistia na, o de hwe ayen buebu, ọtiọye na ayen da mrẹ djẹ.

1 Samuẹl 3:19

Samuẹl da rho, Ọrovwohwo vẹ ọye da herọ o gbi jẹ ota rọye ọvuọvo she kufia-a.