1 Samuẹl 18:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Oshọ ri Devid ko mui Sọl, fikiridie Ọrovwohwo vẹ ọye herọ ẹkẹvuọvo yọ kua nẹ oma ri Sọl.

1 Samuẹl 18:12 ပူးပေါင်းရင်းမြစ်များ

2 Samuẹl 5:10

Etiyin Devid da rhe rho phihọ, Ọrovwohwo rẹ Ọghẹnẹ rẹ otuofovwi na, vọye da herọ.

2 Ikun rẹ Ivie 17:3

Ọrovwohwo vi Jehoshafat da herọ, fikiridie ọ ka yan phihọ idjerhe rẹ ọsẹ rọye rẹ ẹsosuọ; o re duotọ rẹ emu ọvuọvo vwẹ obọ ri Baal na-a.

Une rẹ Ejiro 51:11

Wọ djẹ vwẹ nẹ obaro wẹ-ẹn, wọ reyọ Erhi ọfuanfon wẹn na mie vwe-e.

Une rẹ Ejiro 53:5

Etiyin ayen epha, vwẹ evun rẹ oshọ rode, vwẹ oshọ ra je mrẹ siẹvo-o! Kidie Ọghẹnẹ cha hra ibeku rẹ ohwo umwemwu; Oma cha vọ ayen, kidie Ọghẹnẹ sen ayen.

Hosia 9:12

Ọ tobọ dianẹ ayen vwiẹ emọ dede mi hwe ayen, ọvuọvo gbi chekọ-ọ. Ekan kẹ ayen vwẹ ọke mi de tephe kẹ ayen

Matiu 25:41

Kọ cha ta kẹ ihwo re hẹ obọhwẹre rọye nẹ, Bioma nẹ asan mie epha, ovwan ihwo ra harhere na, vwo kpo erhanre ri bẹdẹ re koko phihọ kẹ ẹdjọ vẹ emakashe rọye.

Iyẹnrẹ Esiri ri Mak 6:20

Kidie Herọd djẹ oshọ ri Jọn ọ riẹnre nẹ ọvwata kugbe ohwo rọ fonro o ruẹ, ọ da sẹro rọye egberhẹnẹdẹ. Ọkẹ ro vwo nyo, ọ da dia gedegede; dede na o de nyo ota rọye vẹ aghọghọ.

Iyẹnrẹ Esiri ri Luk 8:37

Ihwo rẹ orho ri Gẹrasin ejobi da ta kẹ nẹ o bi nẹ ayen oma; kidie oshọ rode mu ayen; Etiyin ọ da ro okọ o de rhivwi.

Iruo rẹ Iyinkọn na 24:25

Rọ vwọ phra kpahe ọsoso kugbe oma-ẹnyẹ kugbe ẹdjọeguo rọ cha, Fẹliks de guegue ọ da ta, Yanran tavwe; me da mrẹ uphẹn mi che se we.

Iruo rẹ Iyinkọn na 7:9

Esẹ ride na, da rioma kpahe Josẹf, a da shẹ kpo Ijipt; ẹkẹvuọvo Ọghẹnẹ vẹ ọye herọ.

Iguẹdjọ 1:19

Ọrovwohwo vi Juda da herọ, ọ da reyọ orere rẹ ugbenu na, ẹkẹvuọvo ọ sa djẹ ihwo re dia otọ rẹ ophẹphẹ na no-o, fikiridie ayen vwo idjighere rẹ utehru rẹ ofovwi buebu.

Iguẹdjọ 16:20

Aye na da ta kẹ nẹ, Samsin, ihwo ri Filistia na rhere rhi mu we! Ọ da rhọvwọ nẹ ovwerhẹ rhe, ọ da ta nẹ, Mi kpo otafe kirobo mi ruẹ jovwo, rere Me ra sasa oma mẹ. Ọ gbe riẹn nẹ Ọrovwohwo yan jẹn ọye vwo-o.

1 Samuẹl 16:18

Emeghele na ọvo da kpahe, Nighere, me mrẹ ọmọ ri Jesse ohwo ri Bẹtlẹhẹm, rọ riẹn hworo gangan, ọ gba, ohwo rẹ ofovwi, ọ vẹ ọhọ rẹ ota, ohwo vẹ erhuvwu; Ọrovwohwo vẹ ọye herọ.

1 Samuẹl 16:4

Samuẹl de ru kirobo rẹ Ọrovwohwo ji urhi kẹ, ọ da rhe Bẹtlẹhẹm. Ekpako rẹ orere na da rhe vwa yẹ ayen phariẹ, ayen da ta, Arherha wọ vwọ rhe?

1 Samuẹl 18:15

Ọke ri Sọl vwọ mrẹ nẹ o phi kparobọ buebu rẹ, oshọ rọye ko muo.

1 Samuẹl 18:20

Asakiephana ọmọtẹ ri Sọl Mikai kọ guọnọ Devid; a da vuẹ Sọl, emu na de je.

1 Samuẹl 18:29

Oshọ ri Devid ko rhoma mu Sọl phihọ. Ọtiọye na Sọl kẹ ọvweghrẹ ri Devid vwẹ .oke na ejobi.

1 Samuẹl 20:13

Ẹkẹvuọvo ọ da dianẹ ọsẹ mẹ guọnọ owẹ ruẹ emu ọgangan, Ọrovwohwo ru ọtiọye kẹ Jonatan, ọ rọ rhonọ ọtiọye rhe, ọ da dianẹ me vwẹ rọ phia kẹ wẹ-ẹ, ri mi de sun we kpo, rere wọ vwọ yanran egbẹrhẹnẹdẹ, Gbe jẹ Ọrovwohwo nene uwe dia, kirobo rọ vẹ ọsẹ mẹ gba herọ.

1 Samuẹl 22:13

Sọl da ta kẹ, Die wọ vwọ ta vwẹ phihọ, wẹ kugbe ọmọ ri Jesse, kidie wọ vwẹ ikara kẹ kugbe ọlọkọ, we de rhe duotọ rẹ emu vwẹ obọ rẹ Ọghẹnẹ kẹ, rere ọ mrasan vwọ so vwẹ, rere ọ hwa phihọ hẹrhẹ ovwẹ, kirobo rọ epha nonẹ na?

1 Samuẹl 28:15

Etiyin Samuẹl da ta kẹ Sọl, Die wo rhi vwo kpokpo uvwe ru wo vwo se vwe rhe? Sọl da kpahe, Me hẹ djarhe rode na; kidie ihwo ri Filistia kpare ofovwi rhe vwọ so vwẹ, yẹ Ọghẹnẹ chuko kẹ vwẹ ọ gbe kpahe kẹ vwẹ ọfa-a, vwẹ oma rẹ emraro eyẹ ẹvwerhẹ-ẹ; fiki rẹ ọtiọye na mi vwo se we rhe re wọ ta kẹ vwẹ obo ri mi ru.

1 Samuẹl 3:19

Samuẹl da rho, Ọrovwohwo vẹ ọye da herọ o gbi jẹ ota rọye ọvuọvo she kufia-a.