1 Samuẹl 17:55 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵⁵ Ọke ri Sọl vwọ mrẹ Devid ro bru ohwo ri Filistia na ra, ọ da ra kẹ Abner, onotu rẹ unuofovwi rọye, Abner, ono vwo emeghele nana? Abner da ta, Obo rẹ ẹnwẹn wẹn herọ na, E ovie, Me sa ta-a.

1 Samuẹl 17:55 ပူးပေါင်းရင်းမြစ်များ

Jẹnẹsis 42:15

Vwẹ Ọnana kọye Me vwọ davwe ovwan ni: vwẹ ogangan ri Fero, ovwan che kpo nẹ etinẹ-ẹ jokpa nẹ ovwan reyọ omoni rẹ ovwan rẹ otete ejobi na rhe etinẹ.

1 Samuẹl 1:26

Ọ da ta, E, ọrovwovwe: Kirobo wọ herọ na, ọrovwovwe, mẹvwẹ aye ro mudia vwẹ obaro wẹ vwẹ etinẹ ye, rọ nẹ ẹrhovwo kẹ Ọrovwohwo ye.

1 Samuẹl 14:50

Odẹ rẹ aye ri Sọl ke Ahinoam ọmọtẹ rẹ Ahima-az. Odẹ rẹ onotu rẹ ofovwi rọye kẹ Abner ọmọ ri Ner, oniọvo rẹ ọsẹ ri Sọl;

1 Samuẹl 16:12

O de ji ohwo, ra reyọ rhe. E de no ọ pha tubie tubie, vẹ lbiẹro yoyovwi, o vwo erhuvwu gangan. Ọrovwohwo da ta, Vrẹn, vwẹ evwri ghworo; kidie ọna ọye.

1 Samuẹl 17:54

Devid de mu uyovwi rẹ ohwo ri Filistia na, ọ da vwọ rhe Jerusalẹm; ẹkẹvuọvo ọ da ghwẹ ekuakua rẹ ofovwi rọye phihọ uwevwi rọye.

1 Samuẹl 17:56

Ovie na da ta, Ra guọnọ otọ rẹ ohwo ro vwo emeghele nana.

1 Samuẹl 17:58

Sọl da ta kẹ, Wẹ ọmọ rẹ ono, emeghele na? Dẹvid da kpahe, Mẹvwẹ ọmọ rẹ odibo wẹn Jesse ohwo ri Bẹtlẹhẹm.

1 Samuẹl 26:5

Etiyin Devid de vrẹn o de rhi te asan ri Sọl muerhọn phihọ na, Devid da mrẹ asan ri Sọl sherhẹ phihọ, vẹ Abner rẹ ọmọ ri Ner, onotu rẹ unuofovwi rọye; Sọl de sherhẹ vwẹ uherevie rẹ erhọn na, yẹ unuofovwi na ejobi muerhọn riariẹ phihọ.