1 Samuẹl 17:50 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵⁰ Etiyin Devid da vwẹ udọrọkun vẹ ubioragha hwe ohwo ri Filistia na o de phi ohwo ri Filistia na kua, o de hwe ghwu; Ọlọkọ rhe Devid vwẹ obọ-ọ.

1 Samuẹl 17:50 ပူးပေါင်းရင်းမြစ်များ

Iguẹdjọ 15:15

Etiyin ọ da mrẹ ubeku ọkpokpọ rẹ ọhwa rẹ ekẹtẹkẹtẹ ọvo, ọ da reyọ, o de vwo hwe eshare uriori.

Iguẹdjọ 3:31

Ọke yena vwọ wan nu Shamga ọmọ re Anat, o da vwẹ ugbọphogho hwe ihwo ri Filistia ujori esan okpuyovwi rọye de ji sivwi Izrẹl.

1 Samuẹl 13:22

Kọye vwẹ ẹdẹ rẹ ofovwi na a rha mrẹ ọlọkọ eyẹ ubiri vwẹ obọ rẹ ihwo ri vi Sọl kugbe Jonatan gba herọ-ọ; ẹkẹvuọvo Sọl vi Jonatan vwo ayen.

1 Samuẹl 17:39

Devid da vwẹ ọlọkọ rọye yan oma rọye, ọ tanẹ yan ki gbigbirigbi, kidie o ji ku ayen phihọ dẹvo-o. Etiyin Devid da ta kẹ Sọl, Me sa vwe enana ya-an kidie me je ghwa ayen dẹvo-o, Devid de ku ayen nu.

1 Samuẹl 17:49

Devid de dje obọ phihọ ekpu rọye ọ da tọrọ ubioragha, o de djuo, o de shemu arhare rẹ ohwo ri Filistia na; ubioragha na de kporo ruọ arhare, o de she bọvwọ opharo rhuotọ.

1 Samuẹl 17:51

Etiyin Devid da djẹ ra bẹrẹ agada sa ohwo ri Filistia na, ọ da yọnrọn ọlọkọ rọye o de yoro nẹ ako rọye rhe, o de hwe, ọ da vwọ nyavwe uyovwi roye no. Ọke rẹ ihwo ri Filistia vwọ mrẹ nẹ ọgba rayen ghwu nure, ayen da djẹ.

1 Samuẹl 19:5

kidie o ku arhọ rọye fia ro re vwo hwe ihwo ri Filistia na, Ọrovwohwo da vwẹ obọẹkparọ rode vwọ kẹ Izrẹl ejobi. Wọ mrẹrẹ, wọ da ghọghọ; kidie wo di vwo ru umwemwu kpahe ọbara rẹ ọvwata na ru wo de hwe Devid ekueku?

1 Samuẹl 21:9

Orherẹn na da ta, Ọlọkọ ri Golayat rẹ ohwo ri Filistia, ru wo hweri vwẹ iyara rẹ Elah na, nighe, a phaero phihọ amwa vwẹ obuko rẹ adagba rẹ ibuluku na; wọ da sa reyọ ọyena, gba reyọ, kidie ọfa gbe hẹ etinẹ-ẹ jokpa rẹ ọyena ọvo. Devid da ta, Ọfa rha họhọ ọyena ọruẹ; vwọ kẹ vwẹ.

1 Samuẹl 23:21

Sọl da ta, E jẹn Ọrovwohwo bru phihọ kẹ ovwan; kidiẹ ovwan re ehrọre mẹ.