1 Samuẹl 17:47 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴⁷ Ọghwẹgbe nana kọ riẹn nẹ Ọrovwohwo vwẹ ọlọkọ vẹ oshue vwọ sivwẹ-ẹ; kidie ofovwi na ọ rẹ Ọrovwohwo ko phi we phihọ obọ mẹ.

1 Samuẹl 17:47 ပူးပေါင်းရင်းမြစ်များ

Ivie rẹ Ivẹ 5:15

Etiyin o de rhivwi bru ohwo rẹ Ọghẹnẹ na ra, te ọye te usun rọye o de rhi mudia obaro rọye; ọ da ta Nighe, Me riẹnre nẹ Ọghẹnẹ hẹ akpọ na ejobi-i jokpa rẹ Izrẹl, ọtiọye gbe rhie abọ wọ reyọ okẹ nana mie odibo wẹn.

2 Ikun rẹ Ivie 14:11

Asa de kperi se Ọrovwohwo Ọghẹnẹ rọye, E Ọrovwohwo, o vwo ohwo ọfa kerẹ owẹ rọ sa cha ohwo uko-o, vwẹ uvwre rẹ ọgba vẹ ọvwiẹre. Cha avwanre uko, Ọrovwohwo Ọghẹnẹ rẹ avwanre, kidie ma vwẹ ẹro so owẹ, odẹ wẹn avwanre vwo bru urogho nana rhe. E Ọrovwohwo wẹ Ọghẹnẹ rẹ avwanre; wo jẹn ohwo rẹ akpọ phi we kparobọ-ọ.

Une rẹ Ejiro 46:11

Ọrovwohwo rẹ otuofovwi na vẹ avwanre herọ, Ọghẹnẹ ri Jekọb ọye odjahọ rẹ avwanre

Aizaya 9:7

Obuebu rẹ isuesun rọye vẹ ufuoma rọye se vwo oba-a vwe enu rẹ ekete ri Devid, kugbe enu rẹ uvie rọye, rọ tọn phihọ, rọ yọnrọn vwẹ ọsoso vẹ ọvwata ne ọke nana yanran rhiri bẹdẹ. Oruru rẹ Ọrovwohwo rẹ otuofovwi na yi ri ru ọna.

Hosia 1:7

Ẹkẹvuọvo me re ehrọre rẹ uwevwi ri Juda, ki mi sivwi ayen vwẹ oma rẹ Ọrovwohwọ rẹ Ọghẹnẹ rayen, Me vwẹ umurhabọ sivwi aye-en, eyẹrẹ ọlọkọ, eyẹrẹ ofovwi eyẹrẹ Iyesi, eyẹrẹ ihwo re gua iyesi.

Zekaraya 4:6

Etiyin ọ da ta kẹ vwẹ, Ọnana ota rẹ Ọrovwohwo ta kẹ Zerubabẹl: Ọdia ẹgba-a, yẹrẹ oganga-an, ẹkẹvuọvo Erhi Mẹ, Ọrovwohwo rẹ otuofovwi tarọ.

Ọbe ri Pọl si rhe Ihwo ri Rom 8:31

Kidie a mre ta kpahe ọnana? Ọ da dianẹ Ọghẹnẹ vẹ avwanre obọ, kono se mukpahe avwanre?

Ọbe ri Pọl si rhe Ihwo ri Rom 8:37

Ejo, vwẹ evun rẹ imu na ejobi avwanre rhonọ ihwo re kpare obọ fiki rẹ ohwo rọ guọnọ avwanre.

Joshua 10:8

Ọrovwohwo da ta kẹ Joshua, Wọ djẹ oshọ rẹ aye-en, kidie mi phi ayen phihọ obọ wẹn nure, o vwo ohwo ọvo vwẹ usun rayen ro che se hirhe aro ku we-e

1 Samuẹl 14:6

Jonatan da ta kẹ emeghele rọ ghwa ekuakua rẹ ofovwi rọye na, Yanrhe, jẹn a wanvrẹn kpo obo unuofovwi rẹ ihwo rẹ upheruphe na; ọkeọvo Ọrovwohwo che ru iruo kẹ avwanre; kidie emuọvo sa da Ọrovwohwo obọ ji ro vwo sivwi-i owenẹ oburu eyẹ ọhavweree.

1 Samuẹl 18:17

Etiyin Sọl da ta kẹ Devid, ọmọtẹ mẹ rẹ ọkpako Merab na; Me vwọ kẹ wẹ vwọ rọvwọ; ku wo yivwaro rere wọ họnre ofovwi rẹ Ọrovwohwo na kẹ vwẹ. Kidie Sọl rori nẹ, E jẹn obọ mẹ dia-a, ẹkẹvuọvo e jẹn obọ rẹ ihwo ri Filistia na te.