1 Samuẹl 17:46 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴⁶ Nonẹ na Ọrovwohwo ko phi we phihọ obọ mẹ, ke me ghwiẹ wẹ she, ke me fian uyovwi nẹ uwe; ke me vwẹ irivwi rẹ urogho rẹ ihwo ri Filistia na vwọ kẹ emephran rẹ obenu na kugbe eranvwe rẹ aghwa na nonẹ; re akpọ na ejobi riẹn nẹ Ọghẹnẹ ghine hẹ Izrẹl na,

1 Samuẹl 17:46 ပူးပေါင်းရင်းမြစ်များ

Jẹnẹsis 40:19

vwẹ evun rẹ ẹdẹ rẹ erha na Fero kọ kpare uyovwi wẹn nu we oma; ko churu we si urhe; ephran ke cha sohrọ uvwo wẹn re.

2 Samuẹl 18:28

Ahimaaz de kperi ta kẹ ovie, Emu ejobi yoma. O de diguẹ bọvwọn opharo rhuotọ kẹ ovie, ọ da ta, Ebruba kẹ Ọrovwohwo rẹ Ọghẹnẹ wẹn, ro phi ihwo ri gbe kpahọ ọrovwovwe ovie phihọ obọ rẹ avwanre.

2 Samuẹl 21:10

Etiyin Rizpah rẹ ọmọtẹ rẹ Aiah da reyọ esiso ọ da hwa enu rẹ oragha na, nẹ ẹsosuọ rẹ orhọ ẹriọ re duvwu ẹdẹ rẹ ẹsosuọ rẹ osio vwọ rhọ phihọ enu rayen, o jẹn emephran rha mu ayen vwẹ uvọ yẹrẹ eranvwe rẹ aghwa vwẹ ọke rẹ aso-on.

1 Ivie 8:43

nyo vwẹ obo odjuvwu asan re wọ dia, re wo ru kirobo rẹ ọrhorha na vwi fiki rọye se we ejobi; rere ihwo rẹ akpọ na ejobi sa vwọ riẹn odẹ wẹn rere ayen djẹ oshọ wẹn, kerẹ, ihwo wẹn Izrẹl, rere ayen sa riẹn nẹ uwevwi nana re me bọnre na odẹ wẹn e vwo se.

1 Ivie 8:60

rere ihwo rẹ akpọ na ejobi vwọ riẹn nẹ Ọrovwohwo ọye Ọghẹnẹ; Ọfa gbe herọ-ọ.

Ivie rẹ Ivẹ 19:19

Ọtiọye asakiephana, E Ọrovwohwo Ọghẹnẹ rẹ avwanre, sivwi avwanre, me rẹ wẹ, nẹ obọ rọye, rere ivie rẹ akpo na ejobi vwọ riẹn E Ọrovwohwo nẹ wọwẹ ọvo Ọghẹnẹ na.

Ivie rẹ Ivẹ 5:15

Etiyin o de rhivwi bru ohwo rẹ Ọghẹnẹ na ra, te ọye te usun rọye o de rhi mudia obaro rọye; ọ da ta Nighe, Me riẹnre nẹ Ọghẹnẹ hẹ akpọ na ejobi-i jokpa rẹ Izrẹl, ọtiọye gbe rhie abọ wọ reyọ okẹ nana mie odibo wẹn.

Une rẹ Ejiro 31:8

Wo se phi vwe phihọ obọ rẹ ivwighrẹ mẹ-ẹ, wọ de phi awọ mẹ phihọ asan ọhẹhẹre.

Une rẹ Ejiro 46:10

Fọ gbiẹi, wọ riẹn nẹ Mẹvwẹ Ọghẹnẹ. Mẹvwẹ a kpare kpenu vwẹ ohri rẹ ẹgborho na, Mẹvwẹ a kparẹ kpenu vwẹ akpọ na!

Ẹyano 9:16

Ẹkẹvuọvo fiki rẹ ọnana me vwọ yan ju we vwo vwẹ akpọ, rere e vwo dje ogangan mẹ kẹ wẹ, rere a vwẹ odẹ mẹ phia vwẹ akpọ na ejobi.

Aizaya 37:20

Eriyin Asakiephana, E Ọrovwohwo Ọghẹnẹ rẹ avwanre, sivwi avwanre nẹ obọ rọye, rere uvie rẹ akpọ na ejobi vwọ riẹn nẹ wọwẹ ọvo kpoi re hẹ Ọrovwohwo.

Aizaya 52:10

Ọrovwohwo ban igbabọ ọfuanfon rọye phihọ vwẹ irhanro rẹ egborho na ejobi; oba rẹ akpọ na ejobi ke cha mrẹ esivwo rẹ Ọghẹnẹ rẹ avwanre.

Aizaya 56:9

Ovwan eranvwe re aghwa ejobi, wa yanrhe re ghwọrọ ovwan eranvwe rẹ egbo.

Jerimaya 19:7

Vwẹ etinẹ na me da hra iroro ri Juda vẹ iroro ri Jerusalẹm, ki mi ru ihwo rayen re ọlọkọ hwe ayen vwẹ obaro rẹ ivwighrẹ rayen, vwẹ obọ rẹ otu re guọnọ arhọ rayen hwe. Me cha vwẹ irivwi rayen ru emuọre kẹ emephran rẹ obenu na kugbe eranvwe rẹ aghwa na.

Jerimaya 34:20

ki mi che phi ayen phihọ obọ rẹ ivwighrẹ rayen kugbe obọ rẹ otu re guọnọ urhuarhọ rayen. Irivwi rayen ke cha dia emuọre kẹ emephran rẹ obenu vẹ eranvwe rẹ akpọ na.

Daniẹl 2:47

Ovie na da ta kẹ Damẹl, Uyota, Ọghẹnẹ wẹn ọye Ọghẹnẹ ro vwo eghẹnẹ kugbe Ọrovwohwo ro vwo lvie ejobi, ọye ọvo ji dje emuigbunu phia, kidie wo se dje emuigbunu nana phia.

Daniẹl 3:29

Fiki rẹ ọtiọye na mi ji urhi; kohwo kohwo ẹgborho eyẹ ephẹrẹ rọ ta ota kpahe Ọghẹnẹ ri Shadrak, Meshak, vẹ Abẹdnigo na ka sha awọ nẹ ayen oma, a me rha guọghọ iwevwi rayen te otọ, kidie o rhe vwo Ọghẹnẹ ọfa ro se sivwi ihwo vwẹ idjerhe nana-a.

Matiu 24:28

Asan rẹ irivwi epha etiyin ekala de koko.

Urhi Rivẹ 28:26

Irivwi rẹ ovwan ke dia emuọre kẹ emephran rẹ irharheghe na, je kẹ eranvwe rẹ akpọ na; ohwo ro guegue ayen re da djẹ gbe dia-a.

Urhi Rivẹ 7:2

kugbe ọke rẹ Ọrovwohwo Ọghẹnẹ wẹn de phi ayen phihọ obọ wẹn, ri wo de hwe ayen kua re; ke wọ guọghọ ayen roro, we nene ayen re ọphọ-ọ, wo ji nẹ arodọvwẹ rẹ aye-en;

Urhi Rivẹ 7:23

Ẹkẹvuọvo Ọrovwohwo Ọghẹnẹ wẹn che phi ayen phihọ obaro wẹn, ọ Me vwẹ ohra rode na hra ayen, bẹsiẹye rọ rhe vwọ ghwọrọ ayen nu.

Joshua 10:8

Ọrovwohwo da ta kẹ Joshua, Wọ djẹ oshọ rẹ aye-en, kidie mi phi ayen phihọ obọ wẹn nure, o vwo ohwo ọvo vwẹ usun rayen ro che se hirhe aro ku we-e

Joshua 4:24

rere ihwo rẹ akpọ na ejobi vwọ riẹn nẹ obọ rẹ Ọrovwohwo re gan re; rere wọ vwọ sa djẹ oshọ rẹ Ọrovwohwo Ọghẹnẹ rẹ ovwan bẹdẹ.

1 Samuẹl 14:6

Jonatan da ta kẹ emeghele rọ ghwa ekuakua rẹ ofovwi rọye na, Yanrhe, jẹn a wanvrẹn kpo obo unuofovwi rẹ ihwo rẹ upheruphe na; ọkeọvo Ọrovwohwo che ru iruo kẹ avwanre; kidie emuọvo sa da Ọrovwohwo obọ ji ro vwo sivwi-i owenẹ oburu eyẹ ọhavweree.

1 Samuẹl 17:44

Ohwo ri Filistia na da ta kẹ Devid, Yan bru vwe rhe, ke me vwẹ uvwo rẹ oma wẹn kẹ emephran rẹ obenu na kugbe eranvwe re hẹ obo aghwa na.