1 Samuẹl 17:43 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴³ Ohwo ri Filistia na da ta kẹ Devid, Mẹvwẹ eranko, ru wọ vwọ kua ikpokpo bru vwe cha? Ohwo ri Filistia na da vwẹ ẹdjọ rọye duvwu Devid iyori.

1 Samuẹl 17:43 ပူးပေါင်းရင်းမြစ်များ

Jẹnẹsis 27:29

Jẹn ihwo ga wẹ, irere ki shiguẹ kẹ wẹ. Ku wọ dia olori vwẹ enu rẹ iniọvo wẹn Jẹn emọ rẹ oni wẹn vwẹ uyovwi te otọ kẹ wẹ. Eka kẹ ohwo rọ harha owẹ Ẹrhovwo kẹ ohwo rọ nẹ ẹrhovwo kẹ wẹ.

2 Samuẹl 16:5

Ọke rẹ Ovie Devid vwo te Bahurim, ohwo ọvo rẹ uwevwi ri Sọl da rhe vwa, e se odẹ rọye Shimẹi, ọmọ ri Gẹra; rọ vwọ cha na ọ yan jo duvwu iyori.

2 Samuẹl 16:9

Etiyin Abishai rẹ ọmọ ri Zeruiah da ta kẹ ovie, Die orivwi rẹ eranko nana vwo duvwu iyori kẹ ọrovwovwe ovie? Ju vwe yanran ra nyavwe uyovwi rọye.

2 Samuẹl 3:8

Ota rẹ Ishboshet na de mu Abner ophu gangan, ọ da ta, Mẹvwẹ uyovwi rẹ eranko ri Juda? Rhi te nonẹ na mi mu ọghọ kẹ uwevwi ri Sọl rẹ ọsẹ wẹn, te iniọvo rọye rẹ eshare, kugbe igbeyan rọye, mi se phi we phihọ obọ ri Devidi-i, ju wọ haro vwẹ ota kpahe aye nana.

2 Samuẹl 9:8

Ọ da nuẹ uyovwi kpotọ kẹ, ọ da ta, Ono odibo wẹn, ri wo niso ọtiọye, mẹvwẹ rọ pha kerẹ orivwi rẹ eranko na.

1 Ivie 20:10

Bẹnhadad de jo bro ra ọ da ta, Ẹdjọ na ru ọtiọye kẹ vwẹ, ọ tobọ no ọtiọye rhe, ọ da dianẹ iwurhie ri Sameria sa vọn ẹkuobọ rẹ ihwo ri che nene uvwe rhe.

Ivie rẹ Ivẹ 8:13

Hazẹl da ta, Ono ọye odibo wẹn, rẹ eranko ghevweghe, ro se ru okpenu nana? Ilaesha da kpahe, Ọrovwohwo vwe rọ phia kẹ vwẹ nẹ wọ cha dia ovie ri Siria.

Isẹ 26:2

Kirobo rẹ ọmọphran Ọghẹnẹ rue vwẹ ọke rọ da kua kpo asan ọfa ye, kugbe obo rẹ ọkan ruẹ vwẹ ọke rọ da rha ye eriyin ekan ẹharhọ ro vwo otọ-ọ se she amu-u.

Ukeri 22:6

Yanrhe asakiephana wo rhi duvwu ihwo na iyori kẹ vwẹ, fikiridie ayen gan nọ kẹ vwẹ; vwẹ ọke ọvo si mi se phi ayen kua re me da djẹ ayen nẹ otọ na; kidie me riẹnre nẹ ohwo ru wo bruba kẹ, yẹ bruphihọ kẹ, ohwo ru wo duvwu iyori yẹ eduvwiro iyori.

Iguẹdjọ 9:27

Ayen da yanran kpo aghwa, ayen da ra kọrọ grep vwẹ ogba ri vain rayen koko, ayen de chiyi ayen, ayen da re orẹ, ayen da yanran kpo uwevwi rẹ ẹdjọ rayen, ayen da re, ayen da da idi, ayen de duvwu iyori kẹ Abimẹlẹk.

1 Samuẹl 14:12

Ihwo rẹ unuofovwi na de kuvwie ki Jonatan vẹ ọ rọ ghwa ekuakua rẹ ofovwi rọye, tanẹ. Yan bru avwanre rhe, rere avwanre dje emuọvo kẹ ovwan. Etiyin Jonatan da ta kẹ o ro ghwa ekuakua rẹ ofovwi royẹ, Nene uvwe; kidie Ọrovwohwo phi ayen phihọ obọ rẹ Izrẹl nure.

1 Samuẹl 24:14

Kono ovie rẹ Izrẹl fiki rọye nẹ uwevwi? Kono wọ vwọ tua na? Eranko oghweghwu! ushu wọ vwọ tua!

1 Samuẹl 24:15

Gbe jẹn Ọrovwohwo dia oguẹdjọ, ro brorhiẹ mẹ vẹ owẹ, rọ mrẹ, ro mie vwe unu vwo gu, rere o sivwi uvwe nẹ obọ wẹn.