1 Samuẹl 17:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Etiyin ọgba ọvo de nẹ erhọn rẹ ihwo ri Filistia rhe re se odẹ rọye Golayat, ri Gat, rẹ ugrogro rọye dia kubit esan gbe esabọ.

1 Samuẹl 17:4 ပူးပေါင်းရင်းမြစ်များ

1 Ikun rẹ Ivie 11:23

Ọ de hwe ohwo rẹ Ijipt, ohwo rhuarho ro gro te kubit iyori. Ohwo rẹ Ijipt na vwo oshuẹ vwẹ obọ ro lo wrowro kerẹ ubiurhe re vwo rhuo amwa; ẹkẹvuọvo Benayah da yan bro vẹ ọkpọ, o de fru oshuẹ rọye mie o de vwo hwe.

Emọs 2:9

Je Me guọghọ ihwo rẹ Amọr re hẹ obaro rayen, re epha grogro kerẹ igedu, re epha gangan kerẹ iloho, Me guọghọ emamọ rọye rọ he obenu, kugbe awọ rọye rọ he obotọ.

Urhi Rivẹ 3:11

(Kidie Ọg ovie ri Bashan na ọvo chekọ vwi Rifem; nighe, ehwa rọye ehwa rẹ utehru; ehwa na rha hẹ Raba rẹ ihwo rẹ Ammọn? ugrogro rọye kubit irhiri, ohẹhẹre rọye kubit ẹne, kirobo rẹ ichihi rẹ ohwo epha?

Joshua 11:22

Ohwo rẹ Anakim ọvuọvo gbi chekọ vwẹ otọ rẹ ihwo rẹ Izrẹl na-a; jokpa ri Gaza, Gat, vẹ Ashdod, eye evo de chekọ.

1 Samuẹl 17:23

Rọ vẹ ayen vwọ ta ota na, nighe, Ọgba na, ohwo ri Filistia ri Gat, re se Golayat, o de yoro nẹ edje rẹ ihwo ri Filistia rhe, ọ da je ta eghẹre rẹ ota rọ ta jovwo na. Devid de nyo.

1 Samuẹl 17:3

Ihwo ri Filistia de mudia enu rẹ ugbenu vwẹ ẹbẹre ọvo, ihwo rẹ Izrẹl de rhe mudia enu rẹ ugbenu vwẹ abọ ro chekọ, iyara da hẹ uvwre rẹ ayen.

1 Samuẹl 17:5

Ọ vwẹ erhu rẹ utehru vwo tughẹ uyovwi rọye, o de ku ewun rẹ utehru phihọ, rọ họhọ te shekẹl uriori iyori rẹ utehru.

1 Samuẹl 27:4

Ọke ra vwọ vuẹ Sọl nẹ Devid djẹ kpo Gat, ọ gbe guọnọ ọfa-a.