1 Samuẹl 17:37 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁷ Devid da ta, Ọrovwohwo ro sivwi vwe nẹ ẹkuobọ rẹ okpohrokpo kugbe ẹkuobọ rẹ okorhi na, ko ji sivwi vwe nẹ obọ ri Filistia nana. Sọl da ta kẹ Devid, Yanran, Ọrovwohwo nene uwe dia.

1 Samuẹl 17:37 ပူးပေါင်းရင်းမြစ်များ

2 Samuẹl 10:12

Yivwaro, je ru oma kerẹ eshare vwọ kẹ ihwo rẹ avwanre; kugbe irere rẹ Ọghẹnẹ rẹ avwanre; e gbe jẹn Ọrovwohwo ru obo ri jere.

1 Ikun rẹ Ivie 22:11

Asakiephana ọmọ mẹ, Ọrovwohwo vẹ owẹ dia, rere wo se phi kparobọ vwẹ uwevwi ẹbọn rẹ Ọrovwohwo rẹ Ọghẹnẹ wẹn kirobo rẹ ọ tare kpahe owẹ.

1 Ikun rẹ Ivie 22:16

rẹ oro, idọnọ, ẹrovwo, vẹ utehru. We vrẹn we ru iruo, Ọrovwohwo vẹ ovwan dia.

Une rẹ Ejiro 11:1

Vwẹ ẹvun rẹ Ọrovwohwo mi de si oma nu, komavọ wọ vwọ ta kẹ vwẹ nẹ, Rhan kerẹ ọmọphran kpo obo ugbenu,

Une rẹ Ejiro 118:6

Rẹ Ọrovwohwo vẹ ovwẹ vwo obo na me gbe djẹ oshọ-ọ. Kidie ohwo se ru vwe?

Une rẹ Ejiro 138:3

Vwẹ ẹdẹ ri mi vwo se, wo dẹ nyo vwe, ogangan rẹ ẹnwẹ mẹ wo ruro bu.

Une rẹ Ejiro 63:7

kidie wẹ ọchuko mẹ rhabae rhe, vwẹ evun rẹ uhoho rẹ ibekpe wẹn me da so ine rẹ aghọghọ.

Une rẹ Ejiro 77:11

Me cha rhoma karoho uruemu rẹ Ọrovwohwo na, e, me sa karohọ igbunu wẹn rẹ awanre na.

Daniẹl 3:17

O da dia ọtiọye, Ọghẹnẹ rẹ avwanre rẹ avwanre ga na se sivwi avwanre nẹ ogidi erhanre na, o ji si avwanre nẹ obọ wẹn, E Ovie.

Joshua 1:17

Kirobo re avwanre mu ọghọ kẹ Mosis vwi kemu kemu na, ọtiọye avwanre ji mu ọghọ kẹ wẹ, takpe e jẹ Ọrovwohwo Ọghẹnẹ wẹn nene uwe dia, kirobo rọ vi Mosis diarọ.

Rutu 2:4

Nighe, Boaz de nẹ Bẹtlẹhẹm rhe, ọ da ta kẹ otu re kọrọ eka na, Ọrovwohwo nene ovwan dia! Ayen da kpahe kẹ, Ọrovwohwo bruphiho kẹ wẹ

1 Samuẹl 17:36

Odibo wẹn hwe ikpohrokpo kugbe ikorhi; upheruphe nana ohwo ri Filistia kọ họhọ ọvo vwẹ usun rẹ ayen, kidie o gbobo se unuofovwi rẹ Ọghẹnẹ ri bẹdẹ na.

1 Samuẹl 17:38

Etiyin Sọl de ku ewun rẹ ofovwi rọye phihọ Devid oma; ọda vwẹ erhu rẹ utehru vwo tughẹ uyovwi; o de ku ewun rẹ utehru phihọ oma.

1 Samuẹl 20:13

Ẹkẹvuọvo ọ da dianẹ ọsẹ mẹ guọnọ owẹ ruẹ emu ọgangan, Ọrovwohwo ru ọtiọye kẹ Jonatan, ọ rọ rhonọ ọtiọye rhe, ọ da dianẹ me vwẹ rọ phia kẹ wẹ-ẹ, ri mi de sun we kpo, rere wọ vwọ yanran egbẹrhẹnẹdẹ, Gbe jẹ Ọrovwohwo nene uwe dia, kirobo rọ vẹ ọsẹ mẹ gba herọ.

1 Samuẹl 24:19

Kidie ohwo da mrẹ ọvweghrẹ rọye, ko siobọ no kpo phrẹrẹ? Ọtiọye na Ọrovwohwo kọ hwa osa oyoyovwi kẹ wẹ fiki rẹ obo wo ru kẹ vwẹ nonẹ na.

1 Samuẹl 26:25

Etiyin Sọl da ta kẹ Devid, Ebruba kẹ wẹ; Ọmọ mẹ Devid! Wo che ru emu buebu eriyin wọ je kparobọ vwẹ ayen ejobi re. Etiyin Devid da yanran, Sọl de rhivwi kpo asan rọye.

1 Samuẹl 7:12

Etiyin Samuẹl da reyọ oragha o de vwo vi uvwre ri Mizpah vi Jẹshanah, o de se odẹ rọye Ẹbẹnizar, kidie ọ tare nẹ, Etinẹ na Ọrovwohwo da cha avwanre uko.