1 Samuẹl 17:36 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁶ Odibo wẹn hwe ikpohrokpo kugbe ikorhi; upheruphe nana ohwo ri Filistia kọ họhọ ọvo vwẹ usun rẹ ayen, kidie o gbobo se unuofovwi rẹ Ọghẹnẹ ri bẹdẹ na.

1 Samuẹl 17:36 ပူးပေါင်းရင်းမြစ်များ

2 Ikun rẹ Ivie 32:17

O de si ẹbe ra vwọ vwẹ Ọrovwohwo na Ọghẹnẹ rẹ Izrẹl na jehwẹ ọ ke rha ta eta buebu kpahọ, tanẹ, Kerẹ obo rẹ ẹdjọ rẹ ẹgborho rẹ etọ efa na se sivwi ihwo rayen nẹ obọ mẹ-ẹ na, ọtiọye rhe Ọghẹnẹ ri Hẹzikaya che se sivwi ihwo rọye nẹ obọ mẹ-ẹ.

Aizaya 10:15

Kẹ ushurhe yan eyan kẹ ọro vwo she urhe, eye isara rhe mu oma kpenu kẹ oro yọnherọ? Kerẹ ẹsiẹ rẹ ophiaphiẹ da fa ohwo rọ yọnherọ, eyẹ kerẹ ẹsiẹ rẹ ọkpọ da rhoma mu ohwo rọ yọnherọ nẹ otọ!

Aizaya 36:15

Wo ji Hẹzikaya ru we rere ọ vwẹ ẹro so Ọrovwohwo na-a tanẹ, Ọrovwohwo ghine se sivwi avwanre, e che phi orere nana phihọ obọ re ovie rẹ Asiria-a

Aizaya 36:18

Kẹnoma, Hẹzikaya da rha phiẹn wẹ ghwru rọ vwọ tanẹ, Ọrovwohwo na se sivwi avwanre. O vwo ẹdjọ rẹ egborho na ọvo ro sivwi otọ rọye nẹ obọ rẹ ovie rẹ Asiria na dẹvure?

Izikiẹl 28:10

Wo che ghwu ughwu rẹ upheruphe vwẹ obọ rẹ erhorha, kidie me tarọ nure, eriyin Ọrovwohwo Ọghẹnẹ tare.

Izikiẹl 32:19

Ono wo yovwi nọ vwẹ erhuvwu? Yanran kpotọ, rere wọ vẹ otu rẹ upheruphe na shevwerhẹ te otọ.

Daniẹl 5:23

ẹkẹvuọvo wo de mu oma kpenu Ọrovwohwo ro vwo odjuvwu na; ekuakua rẹ uwevwi rọye a ghwa ayen rhe obaro wẹn, te owẹ, te ehọnvwọre wẹn, eya vẹ ense wẹn da vwẹ ayen da udi; wo de ji jiri eghẹnẹ rẹ idọnọ efuanfon vẹ oro, ẹrovwo, utehru, urhe vẹ oragha rẹ mrorẹ-ẹ, i ji nyo ẹme-e e ji vwo eriariẹ-ẹn, ẹkẹvuọvo Ọghẹnẹ rẹ arhọ wẹn hẹ obọ rọye; rẹ idjerhe wẹn ejobi rheri, wọ je vwẹ ọghọ kẹ-ẹ.

Zekaraya 12:3

Vwẹ ẹdẹ yena mi che ru Jerusalẹm oragha ọhọhọ kẹ ihwo na ejobi; ihwo re kpaerọ ejobi ke wọma rayen brabra. Ẹgborho na ejobi ki che koko oma vwọ suọ.

Zekaraya 2:8

Kidie enẹ Ọrovwohwo rẹ otuofovwi na tare, rẹ urinrin rọye vwo ju vwe bru ẹgborho ri gborho ovwan, kidie ohwo rọ vwẹ obọ te ovwan, yẹ ọ vwẹ obọ te ọmẹro rọye:

1 Samuẹl 14:6

Jonatan da ta kẹ emeghele rọ ghwa ekuakua rẹ ofovwi rọye na, Yanrhe, jẹn a wanvrẹn kpo obo unuofovwi rẹ ihwo rẹ upheruphe na; ọkeọvo Ọrovwohwo che ru iruo kẹ avwanre; kidie emuọvo sa da Ọrovwohwo obọ ji ro vwo sivwi-i owenẹ oburu eyẹ ọhavweree.

1 Samuẹl 17:10

Ohwo ri Filistia na da ta, Mi gbobo se edje rẹ Izrẹl nonẹ na; wa vwẹ ohwo kẹ vwẹ, rere me vẹ ọye họnre.

1 Samuẹl 17:26

Devid da ta kẹ ihwo ri mudia kẹrẹ, kidie e ru kẹ ohwo ro hwe ohwo re Filistia nana, ro de si ehwẹjẹ nẹ Izrẹl oma? Kono upheruphe nana ohwo ri Filistia nana, ro gbobọ se unuofovwi rẹ Ọghẹnẹ ri bẹdẹ na?

1 Samuẹl 17:35

Me vwọ tua me da ghwiẹ mi de sivwo nẹ unu rọye; ọke rọ vwọ họrhọ nene uvwe, me da yọnrọn ẹtuegba rọye me da vwọ fa otọ hwe.

1 Samuẹl 17:37

Devid da ta, Ọrovwohwo ro sivwi vwe nẹ ẹkuobọ rẹ okpohrokpo kugbe ẹkuobọ rẹ okorhi na, ko ji sivwi vwe nẹ obọ ri Filistia nana. Sọl da ta kẹ Devid, Yanran, Ọrovwohwo nene uwe dia.

1 Samuẹl 18:17

Etiyin Sọl da ta kẹ Devid, ọmọtẹ mẹ rẹ ọkpako Merab na; Me vwọ kẹ wẹ vwọ rọvwọ; ku wo yivwaro rere wọ họnre ofovwi rẹ Ọrovwohwo na kẹ vwẹ. Kidie Sọl rori nẹ, E jẹn obọ mẹ dia-a, ẹkẹvuọvo e jẹn obọ rẹ ihwo ri Filistia na te.

1 Samuẹl 31:4

Etiyin Sọl da ta kẹ ohwo rọ ghwa ekuakua rẹ ofovwi rọye, Yoro ọlọkọ wẹn ru wo duvwu uvwe fi, ọ rha dia eriyi-in otu rẹ upheruphe ki che duvwu uvwe fi, kẹ ayen cha vwẹ ovwẹ jodẹ. Ẹkẹvuọvo ọ rọ ghwa ekuakua rẹ ofovwi rọye na gbi yivwi ruo-o; kidie oshọ muro gangan. Ọtiọye na Sọl reyọ oda rẹ obọ rọye o de vwo duvwu oma rọye hwe.