1 Samuẹl 17:28 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁸ Asakiephana Ehab rẹ oniọvo rọye rẹ ọkpako de nyo vwẹ ọke rọ vwọ ta kẹ ihwo na: ophu de mu Ehab kpahe Devid, ọ da ta, Die wọ vwọ rhe obonẹ? Kono wọ yan jẹ imigodẹ yena vwo kẹ vwẹ obo evun rẹ aghwa? Me riẹn anama wẹn, kugbe omaephuo wẹn; kidie wọ de rhe rhi ni ughe rẹ ofovwi na.

1 Samuẹl 17:28 ပူးပေါင်းရင်းမြစ်များ

Jẹnẹsis 37:11

Imoni rọye ke rioma kpahọ, ẹkẹvuọvo ọsẹ rọye de phi eta na vwọ evun.

Jẹnẹsis 37:4

Ẹkẹvuọvo rẹ imoni rọye ri chekọ vwọ mrẹ nẹ ivun rọye re ma vwerhe ọsẹ rayen, oma rọye ko tun ayen, ayen ke ta ota iphriphri kẹ.

Jẹnẹsis 37:8

Imoni rọye da ta kẹ nẹ, Vwẹ ọ rẹ uyota na ko wẹ ri che sun avwanre? Eyẹ ko wẹ re cha re ovie vwẹ enu rẹ avwanre? Oma rọye de tun ayen phihọ fiki rẹ evwerhẹ rọye kugbe fiki rẹ eta rọye.

2 Ikun rẹ Ivie 11:18

Rehoboam da reyọ aye re se Mahalat ọmọtẹ ri Jẹrimọt ọmọ ri Devid, kugbe Abihad omotẹ re Ehab ọmọ ri Jẹssi;

Une rẹ Ejiro 35:11

Iseri rẹ ogbarogba vrẹn vwọ so vwẹ, ayen nọ vwẹ ekpẹn rẹ obọ ri mi jẹriẹn.

Isẹ 18:19

Ukoecha ra vwọ kẹ oniọvọ ọ họhọ orere ọgangan, ẹkẹvuọvo ẹghwọ họhọ ogbẹn ra vwọ kanrẹ ighẹn.

Isẹ 27:4

Ivuemiovwo ọbrabra, ophu-emuo pha yẹngbẹ; ẹkẹvuọvo kono se mudia hẹrhẹ omaẹriọ?

Aghwoghwo 4:4

Etiyin me da mrẹ nẹ owian vẹ ona vwẹ iruo, omẹriọ ra ria kpahe ọrivẹ rẹ ohwo o nẹcha. Ọnana rhe je hẹ odiodi kugbe odju re nene họnra.

Matiu 10:36

Uwevwi rẹ ohwo ọye ọvweghrẹ rọye epha.

Matiu 27:18

Kidie ọ riẹnre nẹ omaẹriọ ayen vwo muo rhe.

Iyẹnrẹ Esiri ri Mak 3:21

Ọke rẹ igbeyan rọye vwo nyo, ayen da yanran re shabọ phihọ; kidie ayen tare nẹ, ọ gbe riẹn oma rọye-e.

Ọbe ri Jud 1:10

Ye ihwo nana di muẹ ekan harha kpahe emu rẹ ayen riẹn otọ rọye-e, kerẹ eranvwe re riẹn emuọvo-o, kẹ eriyin ayen di muẹ ruẹ, ọ da nẹrhẹ a ghwọrọ ayen.

1 Samuẹl 16:13

Etiyin Samuẹl da reyọ ukoko rẹ evwri na, ọ da vwẹ evwri ghworo vwẹ uherevie rẹ iniọvo rọye; Erhi rẹ Ọrovwohwo de ghwe mu Devid gele nẹ ẹdẹ yena yanran. Samuẹl vrẹnri, o de kpo Ramah.

1 Samuẹl 16:7

Ẹkẹvuọvo Ọrovwohwo da ta kẹ Samuel, wo nẹ ekroma rọye-e eyẹ obo rọ rhuoma te eyẹ ugrogro-o, fikiridie Me senrọ nure; kidie Ọrovwohwo nẹ kirobo rẹ ohwo rẹ akpọ nẹ-ẹ; ohwo rẹ akpọ nẹ ekroma, ẹkẹvuọvo Ọrovwohwo nẹ evun rẹ udu.

1 Samuẹl 17:29

Devid da ta, Kidie mi ruru? ọ dia ota ghevweghe me tare?