1 Samuẹl 17:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Devid da ta kẹ ihwo ri mudia kẹrẹ, kidie e ru kẹ ohwo ro hwe ohwo re Filistia nana, ro de si ehwẹjẹ nẹ Izrẹl oma? Kono upheruphe nana ohwo ri Filistia nana, ro gbobọ se unuofovwi rẹ Ọghẹnẹ ri bẹdẹ na?

1 Samuẹl 17:26 ပူးပေါင်းရင်းမြစ်များ

Ivie rẹ Ivẹ 19:4

Siẹvo yẹn Ọrovwohwo Ọghẹnẹ wẹn nyo eta ejobi ri Rabshake, rẹ onini rọye ovie rẹ Asiria ji rhe rhe ta vwọ reyọ Ọghẹnẹ ro vwo arhọ vwọ jehwẹ, kẹ Ọrovwọhwo Ọghẹnẹ wẹn na ọvo cha oja rẹ ota rẹ o nyori na; fiki rẹ ọtiọye na gba nẹ ẹrhovwo kẹ umuku ra yan jovwo na.

2 Ikun rẹ Ivie 32:17

O de si ẹbe ra vwọ vwẹ Ọrovwohwo na Ọghẹnẹ rẹ Izrẹl na jehwẹ ọ ke rha ta eta buebu kpahọ, tanẹ, Kerẹ obo rẹ ẹdjọ rẹ ẹgborho rẹ etọ efa na se sivwi ihwo rayen nẹ obọ mẹ-ẹ na, ọtiọye rhe Ọghẹnẹ ri Hẹzikaya che se sivwi ihwo rọye nẹ obọ mẹ-ẹ.

Nehemaya 5:9

Etiyin me da ta, Obo rẹ ovwan ruẹ na yovwiri-i. O rhe fo rere ovwan yan vwẹ oshọẹdjẹ rẹ Ọghẹnẹ rẹ avwanre rere e vwọ nabọ rẹ ehwẹjẹ rẹ ivwighrẹ rẹ avwanre ihwo re ẹgborho ẹga na?

Une rẹ Ejiro 44:13

We ri ru avwanre ehwẹjẹ, vwọ kẹ irivẹ re avwanre, ejẹfia vẹ oma ẹphọphọ kẹ otu re riariẹ avwanre.

Une rẹ Ejiro 74:18

Karohọ ọnana, E Ọrovwohwo, obo re ọvweghrẹ na jehwẹ te, rẹ ihwo ri jẹfuọn vwọ harhe odẹ wẹn

Une rẹ Ejiro 79:12

Rhoma hwa osa ohwọhwọ ighwrẹ phihọ agada rẹ irivẹ re avwanre fiki re ehwẹjẹ re ayen vwe owẹ je, E Ọrovwohwo!

Aizaya 37:23

Kono wọ vwọ jehwẹ, ono wọ ghwọ ku? Kono wọ kpare urhuru wẹn vwọ so, re wọ vwẹ ẹro ọbrabra wẹn ni? Ọfuanfon Ọvuọvo rẹ Izrẹl na.

Jerimaya 10:10

Ẹkẹvuọvo Ọrovwohwo ọye uvi rẹ Ọghẹnẹ, ọye Ọghẹnẹ rẹ urhuarhọ kugbe Ovie ri bẹdẹ bẹdẹ. Akpọ na kpogho vwẹ ophu rọye ẹgborho na se chiri ivuemiovwo rọye-e.

Jerimaya 9:25

Nighe, ẹdẹ cha vwobọ eriyin Ọrovwohwo na tare, ri mi che vwo hwe otu re yanvwere dede na ayen je hẹ upheruphe.

Jerimaya 9:26

Ijipt, Juda, Idọm, emọ rẹ Ammọn, Moab, kugbe otu re dia aton ejobi ri bru akakọ rẹ ẹto rayen, kidie ẹgborho nana yanvwere-e a je yanvwe uwevwi rẹ Izrẹl ejobi vwẹ udu-u.

Izikiẹl 28:10

Wo che ghwu ughwu rẹ upheruphe vwẹ obọ rẹ erhorha, kidie me tarọ nure, eriyin Ọrovwohwo Ọghẹnẹ tare.

Daniẹl 5:23

ẹkẹvuọvo wo de mu oma kpenu Ọrovwohwo ro vwo odjuvwu na; ekuakua rẹ uwevwi rọye a ghwa ayen rhe obaro wẹn, te owẹ, te ehọnvwọre wẹn, eya vẹ ense wẹn da vwẹ ayen da udi; wo de ji jiri eghẹnẹ rẹ idọnọ efuanfon vẹ oro, ẹrovwo, utehru, urhe vẹ oragha rẹ mrorẹ-ẹ, i ji nyo ẹme-e e ji vwo eriariẹ-ẹn, ẹkẹvuọvo Ọghẹnẹ rẹ arhọ wẹn hẹ obọ rọye; rẹ idjerhe wẹn ejobi rheri, wọ je vwẹ ọghọ kẹ-ẹ.

Daniẹl 6:27

Ọ sẹro o ji sivwẹ, O ruẹ eka vẹ igbunu vwẹ odjuvwu vẹ akpọ na, Ohwo ro sivwi Daniẹl nẹ ogangan rẹ ikpohrokpo na.

Daniẹl 9:16

E Ọrovwohwo, kirobo rẹ uruemu esiri wẹn ejobi epha, gbe si ophu vẹ ivuemiovwo wẹn nẹ orere wẹn Jerusalẹm, ugbenu ọfuanfon wẹn, fikiridie vwẹ ẹkuoma rẹ umwemwu rẹ avwanre vẹ orukuruku rẹ esẹ rẹ avwanre, Jerusalẹm vẹ ihwo wẹn vwo hirhe phihọ ehwẹjẹ vwẹ ohri rẹ ihwo rẹ riariẹ avwanre phihọ.

Joẹl 2:19

Ọrovwohwo na de nyo ọ da ta kẹ ihwo rọye, Nighe, mi che vwo rhe we Ọka, udi, kugbe evwri, evun kọ cha vọn wẹ; mi gbi che ru we vwọ dia ehwẹjẹ vwẹ ohri re ẹgborho na ọfa-a.

Urhi Rivẹ 5:26

Kidie didi ohwo vwẹ ihwo na ejobi ri nyo urhuru rẹ Ọghẹnẹ rọ ta ota, nẹ evun rẹ erhanre rhe, kirobo rẹ avwanre nyoro na, rọ da rhọ?

1 Tẹsalonaika 1:9

Kidie ekpuyovwi rẹ ayen nẹ iyẹnrẹ kẹ avwanre oghẹre rẹ edede rẹ avwanre vwori vwẹ ohri rẹ ovwan, kugbe obo rẹ ovwan siobọ nẹ ẹdjọ bru Ọghẹnẹ rhe, rhe ga Ọghẹnẹ rẹ uyota ro jeghwo,

Joshua 3:10

Joshua da ta, Vwẹ oma rẹ ọna wa vwọ riẹn nẹ Ọghẹnẹ ro jeghwo na ọ hẹ uherevie rẹ ovwan, nẹ o che jẹ ihwo ri Kenan, ihwo ri Hẹt, ihwo ri Hiv, ihwo ri Periz, ihwo ri Girgash, ihwo rẹ Amọr, kugbe ihwo ri Jebu ẹ djẹ nẹ obaro wẹ-ẹn.

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.

1 Samuẹl 11:2

Ẹkẹvuọvo Nahash rẹ ohwo rẹ Ammọn da ta kẹ ayen, Fiki rẹ ọnana ọvo ọye me vẹ ovwan vwo ru ọbe, ki mi yoghro ubiẹro rẹ obọrhe rẹ ovwan nu, rere ọ dia omẹvuọ kẹ Izrẹl ejobi.

1 Samuẹl 14:6

Jonatan da ta kẹ emeghele rọ ghwa ekuakua rẹ ofovwi rọye na, Yanrhe, jẹn a wanvrẹn kpo obo unuofovwi rẹ ihwo rẹ upheruphe na; ọkeọvo Ọrovwohwo che ru iruo kẹ avwanre; kidie emuọvo sa da Ọrovwohwo obọ ji ro vwo sivwi-i owenẹ oburu eyẹ ọhavweree.

1 Samuẹl 17:10

Ohwo ri Filistia na da ta, Mi gbobo se edje rẹ Izrẹl nonẹ na; wa vwẹ ohwo kẹ vwẹ, rere me vẹ ọye họnre.

1 Samuẹl 17:30

O de vrẹn nẹ asan rọ epha bru ohwo ọfa, ọ da je ta ota ọvuọvo na kẹ; ihwo na da je kpahe ota ọvuọvo na kẹ.

1 Samuẹl 17:36

Odibo wẹn hwe ikpohrokpo kugbe ikorhi; upheruphe nana ohwo ri Filistia kọ họhọ ọvo vwẹ usun rẹ ayen, kidie o gbobo se unuofovwi rẹ Ọghẹnẹ ri bẹdẹ na.

1 Samuẹl 31:4

Etiyin Sọl da ta kẹ ohwo rọ ghwa ekuakua rẹ ofovwi rọye, Yoro ọlọkọ wẹn ru wo duvwu uvwe fi, ọ rha dia eriyi-in otu rẹ upheruphe ki che duvwu uvwe fi, kẹ ayen cha vwẹ ovwẹ jodẹ. Ẹkẹvuọvo ọ rọ ghwa ekuakua rẹ ofovwi rọye na gbi yivwi ruo-o; kidie oshọ muro gangan. Ọtiọye na Sọl reyọ oda rẹ obọ rọye o de vwo duvwu oma rọye hwe.