1 Samuẹl 17:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Devid de vrẹn vwẹ irhiọke ride, o da yan jẹ igodẹ rọye vwo kẹ osun, ọ da reyọ ọko na, ọ da yanran, kirobo ri Jesse ji urhi kẹ, o de rhi te asan erhọn na vwẹ ọke rẹ ayen ra vwọ karedje rẹ ofovwi, ayen ra va iraghwo.

1 Samuẹl 17:20 ပူးပေါင်းရင်းမြစ်များ

Iyẹnrẹ Esiri ri Luk 19:43

Kidie ẹdẹ cha kẹ wẹ, ọke rẹ ivwighrẹ wẹn cha vwọ hwa hẹrhẹ owẹ re da gba riariẹ owẹ, rẹ ayen de ke we họ vwi kabọ kabọ,

Joshua 3:1

Vwẹ irhiọke ride Joshua de vrẹn o de mu oyan nẹ Shitim, ọ ve ihwo rẹ Izrẹl ejobi; ayen de rhi te Jọdan, ayen won phihọ etiyin tavwe re ayen ke wanvrẹn.

1 Samuẹl 15:12

Samuẹl de vrẹn vwẹ irhiọke ride ra vwa Sọl; a da vuẹ Samuẹl nẹ Sọl kpo Kamẹl, nighere, ọ ra vwẹ osusu vi kẹ oma rọye o de rhivwi, ọ da wan yanran, re te Gilgal.

1 Samuẹl 17:19

Asakiephana Sọl, vẹ ayen, kugbe ihwo rẹ Izrẹl ejobi, hẹ iyara rẹ Elah, họnra ihwo ri Filistia na.

1 Samuẹl 17:21

Ihwo rẹ Izrẹl vẹ ihwo ri Filistia de rhi mu ofovwi dje, unuofovwi so unuofovwi.

1 Samuẹl 17:28

Asakiephana Ehab rẹ oniọvo rọye rẹ ọkpako de nyo vwẹ ọke rọ vwọ ta kẹ ihwo na: ophu de mu Ehab kpahe Devid, ọ da ta, Die wọ vwọ rhe obonẹ? Kono wọ yan jẹ imigodẹ yena vwo kẹ vwẹ obo evun rẹ aghwa? Me riẹn anama wẹn, kugbe omaephuo wẹn; kidie wọ de rhe rhi ni ughe rẹ ofovwi na.

1 Samuẹl 26:5

Etiyin Devid de vrẹn o de rhi te asan ri Sọl muerhọn phihọ na, Devid da mrẹ asan ri Sọl sherhẹ phihọ, vẹ Abner rẹ ọmọ ri Ner, onotu rẹ unuofovwi rọye; Sọl de sherhẹ vwẹ uherevie rẹ erhọn na, yẹ unuofovwi na ejobi muerhọn riariẹ phihọ.

1 Samuẹl 26:7

Etiyin Devid vẹ Abishai da yanran kpo obo unuofovwi na vwẹ ason; yi Sọl ra vwerhẹ vwẹ uherevie rẹ erhọn na, yo sa ubiri rọye muotọ vwẹ asan uyovwi rọye; yẹ Abner vẹ unuofovwi na sherhẹ riariẹ phihọ.