1 Samuẹl 17:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Jesse da ta kẹ Devid rẹ ọmọ rọye, Reyọ iputusẹ rẹ ọka ọyaya nana, kugbe ikara ihwe, mu ayen phẹrẹphẹre vwo rhe iniọvo wẹn vwẹ obo erhọn na.

1 Samuẹl 17:17 ပူးပေါင်းရင်းမြစ်များ

2 Samuẹl 17:28

da vwẹ ehwa, ize, ichẹ, eka, bali, emuọre, eka eyaya, isha kugbe ukodo rẹ eran

Matiu 7:11

Ovwan rẹ ihwo ebrabra, de se ru omamọ rẹ ẹse kẹ emọ rẹ ovwan, komavọ Ọsẹ rẹ ovwan rọ hẹ obo odjuvwu ru te kẹ ihwo re nọrọ?

Iyẹnrẹ Esiri ri Luk 11:13

Ọ da dianẹ, wẹ rẹ ohwo umwemwu, da riẹn obo ra vwẹ emu oyoyovwi kẹ emọ wẹn, komavọ ọ rho te rẹ ọsẹ robo odjuvwu sa vwẹ Erhi Ọfuanfon kẹ otu re nọrọ?

Rutu 2:14

Ọke ra vwọ ria emu vwo te, Boaz da ta kẹ, sikẹrẹ obonẹ, ru wọ ra re emu, ru wo duvwu obọegun wẹn phihọ wain. Etiyin o de tidia kẹrẹ otu ri vuẹn na, ọ da reyọ ọkuọka rọ ọyaya vwọ kẹ; ọ da re bẹsiẹ rẹ evun vwọ vọn, ọ da je mrẹ re chekọ.

1 Samuẹl 17:16

Vwẹ ẹdẹ ujuvẹ soso ohwo ri Filistia na mi rhi mudia obaro, te irhiọke te ovwọnvwọn.

1 Samuẹl 25:18

Kpata kpata Abigail, da ghwa reyọ ikara ujori ivẹ, kugbe egọ rẹ udi ivẹ, kugbe igodẹ iyori ra va nure, kugbe ovwanvwọn iyori rẹ ọka re duvwuru, kugbe erheghe ri razin ujori, kugbe ikara rẹ a vwẹ owe ru ujori ivẹ, o de kru ayen kpahe ekẹtẹkẹtẹ.