1 Samuẹl 17:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ohwo ri Filistia na da ta, Mi gbobo se edje rẹ Izrẹl nonẹ na; wa vwẹ ohwo kẹ vwẹ, rere me vẹ ọye họnre.

1 Samuẹl 17:10 ပူးပေါင်းရင်းမြစ်များ

2 Samuẹl 21:21

Ọke rọ vwọ vwẹ Izrẹl jehwẹ nu Jonatan rẹ ọmọ ri Shimẹi, omoni ri Devid, de hwe.

2 Samuẹl 23:9

Ọ rọ rha vwọ kpahọ ọyena vwẹ ohri rẹ ihwo erha na re ganre na ọye Eleazer, ọmọ ri Dodo, ọmọ rẹ Ahohi; ọ vẹ Devid gba herọ vwẹ ọke rẹ ayen vwo dede ihwo ri Filistia ri koko otuofovwi vwẹ etiyin, ihwo rẹ Izrẹl de sioma reyọ.

Ivie rẹ Ivẹ 19:4

Siẹvo yẹn Ọrovwohwo Ọghẹnẹ wẹn nyo eta ejobi ri Rabshake, rẹ onini rọye ovie rẹ Asiria ji rhe rhe ta vwọ reyọ Ọghẹnẹ ro vwo arhọ vwọ jehwẹ, kẹ Ọrovwọhwo Ọghẹnẹ wẹn na ọvo cha oja rẹ ota rẹ o nyori na; fiki rẹ ọtiọye na gba nẹ ẹrhovwo kẹ umuku ra yan jovwo na.

Nehemaya 2:19

Ẹkẹvuọvo ri Sanballat ohwo ri Họnrọn kugbe Tobiah re ọdibọ na, ohwo re Ammọn, Gẹshẹm ohwo re Arebia, vwo nyo, ayen da vwẹ avwanre jehwẹ, ayen da jẹn avwanre fia tanẹ, Die ovwan ruẹ vwo? Ovwan vwẹ eghre sua Ovie?

Isẹ 16:18

Eheri re karo kẹ ẹghwọrọ, oma ephuo me rha karo kẹ eshe.

Jerimaya 9:23

Enẹ Ọrovwohwo tare: E jẹn ọvwaghwanre yoma rẹ aghwanre rọye-e, e jẹn ọgba vwẹ ẹgba rọye yoma-a, e jẹn ọdafe vwẹ efe rọye yoma-a,

Daniẹl 4:37

Asakiephana Mẹvwẹ, Nebukadneza de jiri ji mu ọghọ kẹ Ovie rẹ odjuvwu kidie iruo rọye ejobi shephihọ, idjerhe rọye uyota, ihwo re yan mu oma kpenu ejobi kọ sa vwẹ ayen kpotọ.

1 Samuẹl 17:11

ọke ri Sọl vẹ Izrẹl vwo nyo eta nana rẹ ohwo ri Filistia na, ofu de dje ayen oshọ de mu ayen.

1 Samuẹl 17:36

Odibo wẹn hwe ikpohrokpo kugbe ikorhi; upheruphe nana ohwo ri Filistia kọ họhọ ọvo vwẹ usun rẹ ayen, kidie o gbobo se unuofovwi rẹ Ọghẹnẹ ri bẹdẹ na.

1 Samuẹl 17:45

Etiyin Devid da ta kẹ ohwo ri Filistia na, Wọ vwẹ ọlọkọ kugbe oshuẹ kugbe ubiri bru vwe cha; ẹkẹvuọvo me vwẹ odẹ rẹ Ọrovwohwo rẹ otu ofovwi na, kugbe Ọghẹnẹ rẹ unuofovwi rẹ Izrẹl bru we cha, ohwo ru wo gbobọ se na.