1 Samuẹl 16:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ẹkẹvuọvo Ọrovwohwo da ta kẹ Samuel, wo nẹ ekroma rọye-e eyẹ obo rọ rhuoma te eyẹ ugrogro-o, fikiridie Me senrọ nure; kidie Ọrovwohwo nẹ kirobo rẹ ohwo rẹ akpọ nẹ-ẹ; ohwo rẹ akpọ nẹ ekroma, ẹkẹvuọvo Ọrovwohwo nẹ evun rẹ udu.

1 Samuẹl 16:7 ပူးပေါင်းရင်းမြစ်များ

Jẹnẹsis 4:5

ẹkẹvuọvo ọ ri Ken o de no saka. Ivun de miovwi Ken gangan o de mu opharo phihọ.

2 Samuẹl 14:25

Vwẹ evun rẹ Izrẹl na ejobi, ohwo ọvuọvo re jirẹ kerẹ Absalọm vwẹ erhuvwu ọ herọ-ọ; nẹ owọ re te uyovwi, o vwo asan ra vwọ harhọ-ọ.

2 Samuẹl 7:20

Die ọfa Devid je sa ta kẹ wẹ? Kidie wọ riẹn odibo wẹn E Ọrovwohwo Ọghẹnẹ.

1 Ivie 8:39

gbe nyo vwẹ obo odjuvwu asan ru wọ dia, re wo vwo ghovwo, re wo ru, re wọ hwa osa kẹ ohwo ọvuọvo ru wọ riẹn udu rọye, kirobo rẹ idjerhe rọye ejobi epha (kidie wẹ, wẹ ọvo, re riẹn udu rẹ emọ rẹ ihwo);

1 Ikun rẹ Ivie 17:18

Die ọfa Devid sa ta kẹ wẹ ru wọ vwọ vwẹ ọghọ kẹ odibo wẹn? Kidie wọ riẹn odibo wẹn.

1 Ikun rẹ Ivie 28:9

Wẹ, Solomọn rẹ ọmọ mẹ, riẹn Ọghẹnẹ rẹ esẹ wẹn, rere wọ ga vwẹ udu wẹn ejobi vẹ udu rẹ ẹguọnọ; kidie Ọrovwohwo re hiẹn ubiudu, ọ me rha riẹn iroro kiroro vẹ ona ejobi. Wọ da guọnọ, ku wọ mrẹ, ẹkẹvuọvo wọ da siọn, kọ djẹ wẹ kufia bẹdẹ.

2 Ikun rẹ Ivie 16:9

Kidie ẹro rẹ Ọrovwohwo djuẹ kpenẹ kpenẹ wan akpọ na ejobi, ro vwo dje ẹgba rọye kpahe ihwo rẹ udu rọye fon kpahọ. Wo ru emu ẹkpa vwẹ Ọnana, kẹ etinẹ yanran ku wọ cha mrẹ ofovwi phi.

2 Ikun rẹ Ivie 6:30

Gbe nyo vwẹ obo odjuvwu vwẹ asan re wọ dia na, re wo vwo ghovwo, re wo ru kẹ ohwo ọvuọvo re wọ riẹn udu rọye, kirobo rẹ idjerhe rọye epha (kidie wẹ, wẹ ọvo kpoi, re riẹn udu rẹ emọ rẹ ihwo);

ỌBE RẸ JOB 10:4

Ibiẹro rẹ ugboma wo vwori? Wọ mrẹ emu kirobo rẹ ohwo mrẹ?

ỌBE RẸ JOB 35:5

Gbe ni odjivwu na, re wọ mrẹ; ji ni irharheghe na, ri kpenu nọ wẹ na.

Une rẹ Ejiro 139:2

Wọwẹ re riẹn ọke mi vwo tidia kugbe ọkẹ mi vwo vrẹn; wọwẹ ri vughe iroro mẹ vwẹ ogboko.

Une rẹ Ejiro 7:9

E jẹn umwemwu rẹ ohwo umwemwu rhi vwo oba, ẹkẹvuọvo vwẹ owọ rẹ ọvwata muotọ, wẹ rọ davwa udu vẹ iroro na, wẹ Ọghẹnẹ rẹ ọvwata.

Isẹ 15:11

Ushi vẹ erivwi de rhie phihọ vwẹ obaro rẹ Ọrovwohwo, komavọ udu rẹ ohwo rẹ akpọ rhie phihọ ke te?

Isẹ 16:2

Idjerhe rẹ ohwo rẹ akpọ ejobi oyoyovwo vwẹ aro rọye, ẹkẹvuọvo Ọrovwohwo vwanvwan erhi.

Isẹ 24:12

Wọ da ta, Nighe, avwanre riẹn ọnana-a. Ọ rọ vwanvwan udu rẹ ihwo ejobi na rha riẹ-ẹn? Ọ rọ rhẹrẹ erhi wẹn na rha riẹ-ẹn, wọ rha riẹn nẹ ọ cha hwa osa kẹ ihwo kirobo rẹ iruo rayen epha-a?

Isẹ 31:30

Osẹnvwe phiẹn ohwo phihọ, erhuvwu emu ofefe, ẹkẹvuọvo aye rọ djẹ oshọ rẹ Ọrovwohwo ọye e jiri.

Jerimaya 11:20

Ẹkẹvuọvo, E Ọrovwohwo rẹ otuofovwi, ro brorhiẹ rẹ esiri, rọ davwẹ udu vẹ iroro nẹ, jẹn uvwe mrẹ ihri wẹn vwẹ enu rayen, kidie wọwẹ mi gu ẹdjọ mẹ kẹ.

Jerimaya 17:10

Mẹvwẹ Ọrovwohwo na re hiẹ iroro, me je davwẹ udu nẹ, rọ kẹ ohwo kohwo kirobo rẹ uruemu rọye epha, kirobo rẹ emamọ rọye epha.

Jerimaya 20:12

E Ọrovwohwo rẹ otuofovwi, wẹ rọ davwẹ evwata nẹ, rọ mrẹ udu vẹ iroro, ju vwe mrẹ orukeri wẹn vwẹ enu rayen, kidie mi phi ẹdjọr mẹ phihọ obọ wẹn.

Iyẹnrẹ Esiri ri Luk 16:15

Ẹkẹvuọvo ọ da ta kẹ ayen, Ovwan hẹ ihwo ri brorhiẹ kẹ oma rẹ ayen vwẹ obaro rẹ ihwo, ẹkẹvuọvo Ọghẹnẹ riẹn udu rẹ ovwan; kidie obo rẹ ihwo kpara kpenu yẹ ẹgua vwẹ obaro rẹ Ọghẹnẹ.

Iyẹnrẹ Esiri ri Jọn 7:24

We nẹ opharo guẹdjọ-ọ, ẹkẹvuọvo we guẹdjọ rẹ ọsoso.

Iyẹnrẹ Esiri ri Jọn 8:15

Ovwan guẹdjọ nene ugboma, mi guẹdjọ rẹ ohwo-o.

Iruo rẹ Iyinkọn na 1:24

Ayen da nẹ ẹrhovwo ta nẹ Ọrovwohwo, ọ rọ riẹn udu rẹ ihwo ejobi na, gba jẹ ohwo ọvo reyọ vwẹ usun rẹ ihwo ivẹ nana,

2 Kọrẹnt 10:10

Kidie ayen ta, Ẹbe rọye vwo ọnye e ke je gan, ẹkẹvuọvo ugboma rọye epha puẹchẹ, ota rọye rue emuọvo-o.

2 Kọrẹnt 10:7

Ni obo re hẹ obaro rẹ ovwan. Ọ da dianẹ ohwo ọvo vwẹ ẹro so nẹ ọye ohwo ri Kristi, e gbe jẹn ọ karohọ oma rọye nẹ kirobo re ọye epha vwẹ oma ri Kristi, ọtiọye avwanre epha.

Hibru 4:13

O vwo emama ọvuọvo ro sioma nu kẹ-ẹ, emu na ejobi rhie phihọ ghwroro kẹ ohwo rẹ avwanre vẹ ọye gbe yerẹ kuẹgbe na.

1 Pita 2:4

Bro rhe, bru oragha ro jeghwo na rhe, rẹ ihwo senre na ẹkẹvuọvo ra jẹreyọ ghaghare vwẹ obaro rẹ Ọghẹnẹ.

1 Pita 3:4

ẹkẹvuọvo e jẹn dia ohwo rọ djahere vwẹ obo udu vẹ evwarha ri jẹghwọrọ re dẹndẹn bọrọ bọrọ, rọ ghare gangan vwẹ obaro rẹ Ọghẹnẹ.

Ẹvwọphia 2:23

Emọ rẹ ayen vwẹ ọfanrhiẹ vwiẹ na ki ghwu re. Ishọshi na ejobi ke riẹn nẹ mẹvwẹ re hiẹ iroro kugbe udu, ke me hwa osa kẹ ovwan ọvuọvo kirobo rẹ iruo rẹ ovwan teri.

1 Samuẹl 2:3

Wọ gbe ta ota rẹ eheri ọtiọye ganga-an, Wọ rha jẹ ọjẹfia nẹ unu wẹ cha-a; kidie Ọrovwohwo ọye Ọghẹnẹ rẹ erianriẹn, ọye re vwanvwan uruemu.

1 Samuẹl 9:2

o de vwo ọmọ re se odẹ rọye Sọl, emeghele yoyovwi. O vwo ohwo ọvuọvo vwẹ Izrẹl na ro yovwi te-e o vwi ki igabọ kpenu gro nọ kohwo kohwo ejobi.