1 Samuẹl 16:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ọ da ta, Arherha; mi rhi ze izobo kẹ Ọrovwohwo; we phorho oma rẹ ovwan, ru we nene uvwe kpo obo izobo na. ọ de phorho Jesse vẹ emọ rọye oma, o de se ayen kpo obo izobo na.

1 Samuẹl 16:5 ပူးပေါင်းရင်းမြစ်များ

Jẹnẹsis 35:2

Etiyin Jekọp da ta kẹ evwruwevwi rọye kugbe ekru re vẹ ọye gba herọ, Wa kpare ẹdjọ erhorha ri rhe ovwan ejobi kufia, re we phorho oma rẹ ovwan, re we ku iwun rẹ ovwan phihọ otọ,

1 Ivie 2:13

Etiyin Adonija ọmọ ri Haggit de bru Batsheha rẹ oni ri Solomọn rhe, ọ da ta, Ufuoma wọ vwọ rhe? ọ da kpahe, Ufuoma.

1 Ikun rẹ Ivie 12:18

Etiyin erhi de bru Amasai, olori rẹ ihwo ọgban na, ọ da ta, Avwanre ọwẹn, E Devid; avwanre vẹ owẹ obọ, E ọmọ ri Jesi! Ufuoma, ufuoma dia kẹ wẹ Ufuoma dia kẹ ihwo re cha wẹ uko! Kidie Ọghẹnẹ wẹn cha wẹ uko. Etiyin Devid da reyọ ayen, ọ da vwẹ ayen ru iruiruo vwẹ otuofovwi rọye.

ỌBE RẸ JOB 1:5

Ẹdẹ rẹ orẹ na da wan re, Job mi ji ohwo re ru ayen fon, o mi vrẹn vwẹ irhiọke rhirhi ra gọ iye rẹ izobo rẹ ẹtorhẹ kirobo rẹ ayen ejobi bute; kidie Job tare nẹ, Siẹvo ye emọ mẹ na ru umwemwu, rẹ ayen da je harhẹ Ọghẹnẹ vwẹ udu rayen. Kẹ enẹ Job ruẹ kọke kọke.

Ẹyano 19:10

Ọrovwohwo da ta ki Mosis, Yanran bru ihwo na rere wo re ru ayen fon nonẹ vẹ odẹ, wo jẹn ayen fọnrhọ emwa rayen,

Joẹl 2:16

Se ihwo na koko Phorho ukoko na oma; ghwẹ ekpako na koko koko imitete na, te emeboba ri viẹ evie. Jẹn ọshare rẹ ọpha vrẹn nẹ uvun rọye rhe, rẹ ọpha na nẹ esirọgbo rọye rhe.

Zẹfanaya 1:7

Rhurhu unu vwẹ obaro rẹ Ọrovwohwo Ọghẹnẹ! Kidie ẹdẹ rẹ Ọrovwohwo na te otọ re; Ọrovwohwo rhuẹrẹ izobo kpahe Ọ nabọ ru erhorha rọye fuanfon.

Ukeri 11:8

Ihwo na da yanran ra tọrọ ayen koko, a da vwẹ uwuye wuye ayen vworovworo, eyẹ a da vwẹ odo duvwu ayen, e de mu ayen chere vwẹ itaso, a da vwẹ ayen kaka ikara, avwerhe rọye da họhọ ikara ra vwẹ evwri ru.

1 Kọrẹnt 11:28

Gbe jẹn ohwo davwe oma rọye ni tavwe, rọ ke re ikara na rọ ke da vwẹ uko na.

Joshua 3:5

Joshua da ta kẹ ihwo na, We ru oma rẹ ovwan fon; kidie odẹ rọ cha na Ọrovwohwo che ru igbunu vwẹ ohri rẹ ovwan.

Joshua 7:13

Vrẹn, phorho ihwo na oma, re wọ ta, phorho oma rẹ ovwan kpahe hẹrhẹ odẹ rọ cha na, kidie enẹ Ọrovwohwo tare, Ọghẹnẹ rẹ Izrẹl, Obo re vwo ze izobo hẹ ohri rẹ ovwan, E Izrẹl, we gbi se hirhe opharo ku ivwighrẹn rẹ ovwa-an, bẹsiẹ we vwo si ekuakua re vwo ze izobo na nẹ ohri rẹ ovwan.

1 Samuẹl 20:26

Yi Sọl ta ota ọvuọvo vwẹ ẹdẹ yena-a; kidie o rori nẹ emu phia kẹ; ọ fonro-on, omuẹro ọ fonro-on.