1 Samuẹl 16:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Kọye rẹ Erhi rẹ Ọrovwohwo da kua nẹ oma ri Sọl, erhi umwemwu de nẹ obọ rẹ Ọrovwohwo rhe rhi kpokpo.

1 Samuẹl 16:14 ပူးပေါင်းရင်းမြစ်များ

2 Samuẹl 7:15

Ẹkẹvuọvo mi se sio nẹ otọ rẹ ẹguọnọ ro jẹrhẹriẹ mẹ-ẹ, kirobo ri mi ru Sọl ri mi si nẹ obaro mẹ.

1 Ivie 22:19

Maikaya da ta, Vwẹ ọtiọye na gbe nyo ota rẹ Ọrovwohwo: Me mrẹ Ọrovwohwo ro tidia vwẹ enu rẹ ekete rọye, otu rẹ odjuvwu ejobi de mudia kẹrẹ vwẹ obọrhe vẹ obọhwẹre rọye;

1 Ivie 22:22

Ọrovwohwo da ta kẹ, Didi idjerhe? Ọ da ta, Me ra, rere me ra dia erhi rẹ efian vwẹ unu rẹ emraro rọye ejobi. ọ da ta, Wọ ra ra phiẹn, ku wọ kparobọ; yanran wo re ru ọtiọye.

Une rẹ Ejiro 51:11

Wọ djẹ vwẹ nẹ obaro wẹ-ẹn, wọ reyọ Erhi ọfuanfon wẹn na mie vwe-e.

Hosia 9:12

Ọ tobọ dianẹ ayen vwiẹ emọ dede mi hwe ayen, ọvuọvo gbi chekọ-ọ. Ekan kẹ ayen vwẹ ọke mi de tephe kẹ ayen

Iguẹdjọ 16:20

Aye na da ta kẹ nẹ, Samsin, ihwo ri Filistia na rhere rhi mu we! Ọ da rhọvwọ nẹ ovwerhẹ rhe, ọ da ta nẹ, Mi kpo otafe kirobo mi ruẹ jovwo, rere Me ra sasa oma mẹ. Ọ gbe riẹn nẹ Ọrovwohwo yan jẹn ọye vwo-o.

Iguẹdjọ 16:29

Samsin da yọnrọn ichivwo ivẹ rẹ uherevie rẹ uwevwi na, o de rhiri oma nyẹ ayen, ọ da vwẹ obọrhe yọnrọn ọvo ọ da vwe obọhwẹre yọnrọn ọrivẹ.

Iguẹdjọ 9:23

Ọghẹnẹ de ji erhi rẹ idẹbono phihọ uherevie rẹ Abimẹlẹk;

1 Samuẹl 11:6

Erhi rẹ Ọghẹnẹ da ruo oma o de gele ro vwo nyo eta nana, ophu de muo gangan.

1 Samuẹl 16:15

Idibo ri Sọl da ta kẹ, Nighere Asakiephana, erhi umwemwu ro nẹ obọ rẹ Ọghẹnẹ rhe kpokpo uwe re.

1 Samuẹl 16:16

Gbe jẹn ọrovwanwanre ji urhi kẹ idibo rọye, re hẹ obaro wẹ na, re ra guọnọ ohwo ro se hworo isorogun; rẹ ọke rẹ erhi umwemwu ro nẹ obọ rẹ Ọghẹnẹ rhe na de bru we rhe, ko hworo, oma ko vworo uwe.

1 Samuẹl 16:23

Kọke kọke rẹ erhi umwemwu na de nẹ obọ rẹ Ọghẹnẹ bru Sọl rhe, Devid kọ vwẹ obọ rọye hworo isorogun na, oma ri Sọl me sasa, oma rọye me gan erhi umwemwu na me wan no.

1 Samuẹl 18:10

Rẹ ọke vwo rhie erhi umwemwu ro nẹ obọ rẹ Ọghẹnẹ rhe na da họrhọ ro Sọl oma, ko bunu vwẹ evun rẹ uwevwi rọye, yi Devid re hworo isorogun na kẹ, kirobo ro ruẹ kẹdẹ kẹdẹ. Yi Sọl yọnrọn ubiri vwẹ obọ rọye;

1 Samuẹl 18:12

Oshọ ri Devid ko mui Sọl, fikiridie Ọrovwohwo vẹ ọye herọ ẹkẹvuọvo yọ kua nẹ oma ri Sọl.

1 Samuẹl 28:15

Etiyin Samuẹl da ta kẹ Sọl, Die wo rhi vwo kpokpo uvwe ru wo vwo se vwe rhe? Sọl da kpahe, Me hẹ djarhe rode na; kidie ihwo ri Filistia kpare ofovwi rhe vwọ so vwẹ, yẹ Ọghẹnẹ chuko kẹ vwẹ ọ gbe kpahe kẹ vwẹ ọfa-a, vwẹ oma rẹ emraro eyẹ ẹvwerhẹ-ẹ; fiki rẹ ọtiọye na mi vwo se we rhe re wọ ta kẹ vwẹ obo ri mi ru.