1 Samuẹl 16:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Etiyin Samuẹl da reyọ ukoko rẹ evwri na, ọ da vwẹ evwri ghworo vwẹ uherevie rẹ iniọvo rọye; Erhi rẹ Ọrovwohwo de ghwe mu Devid gele nẹ ẹdẹ yena yanran. Samuẹl vrẹnri, o de kpo Ramah.

1 Samuẹl 16:13 ပူးပေါင်းရင်းမြစ်များ

2 Samuẹl 12:7

Natan da ta kẹ Devid, Wẹ ohwo na. Enẹ Ọrovwohwo tare, Ọghẹnẹ rẹ Izrẹl. Me vwẹ owẹ mu ovie vwẹ enu rẹ Izrẹl, Mi de si we nẹ obọ ri Sọl;

2 Samuẹl 2:4

Etiyin ihwo ri Juda da rhe, ayen da vwi Devid mu ovie vwọ kẹ uwevwi ri Juda. Ayen da ta kẹ Devid, Ihwo ri Jabẹsh Giliad ri shi Sọl.

2 Samuẹl 23:1

Asakiephana enana eta re ka oba ri Devid tare Epha ri Devid, ọmọ ri Jesse, Epha rẹ ohwo ra kpare kpenu, ọ rọ Ọghẹnẹ ri Jekọp vwẹ evwri ghworo ọboine vwevwerhe rẹ Izrẹl.

2 Samuẹl 5:3

Ọye ekpako rẹ Izrẹl ejobi de bru Devid rhe vwi Hebrọn; ọye ovie Devid rẹ ayen da re ọphọ vwi Hebrọn vwẹ obaro rẹ Ọrovwohwo, ayen da vwi Devid mu ovie vwẹ enu rẹ Izrẹl.

Ivie rẹ Ivẹ 9:6

Ọtiọye o de vrẹn, ọ da yanran ro evun rẹ uwevwi; emeghele rẹ ọshare na de ku evwri na ku uyovwi rọye, ọ da ta kẹ nẹ, Enẹ Ọrovwohwo Ọghẹnẹ rẹ Izrẹl tare, Me vwo wẹ mu ovie kẹ ihwo rẹ Ọrovwohwo na vwẹ Izrẹl.

1 Ikun rẹ Ivie 11:3

Ọtiọye ekpako rẹ Izrẹl ejobi de bru ovie rhe vwi Hẹbrọn; Devid vẹ ayen da re ọphọ vwi Hẹbrọn vwẹ obaro rẹ Ọrovwohwo, a da vwẹ evwri ghworo Devid uyovwi rọ dia ovie vwẹ enu rẹ Izrẹl kirobo rẹ ota rẹ Ọrovwohwo vwẹ unu Samuẹl epha.

Une rẹ Ejiro 89:20

Me mrẹ Devid odibo mẹ nure, vẹ evwri ọfuanfon mẹ na mi vwo ghworo;

Une rẹ Ejiro 89:21

rere obọ mẹ vwo nene dia bẹdẹ, ugbobọ mẹ kọ vwe egba kẹ.

Ukeri 11:17

Ki mi che wotọ rhe rhi nene uwe ta ota vwẹ etiyin, ke me reyọ erhi evo rọ oma wẹ ke mi phio phihọ ayen, kẹ ayen vẹ owẹ ri gbe mu oghwa rẹ ihwo na, rere wọwẹ ọvo vwo jẹ oghwa na ẹghwa.

Ukeri 27:18

Ọrovwohwo da ta kẹ Mosis, Reyọ Joshua rẹ ọmọ ri Nun, ohwo rẹ erhi evun rọye re wọ ghwẹ obọ wẹn kpahọ;

Iyẹnrẹ Esiri ri Jọn 3:34

Kidie ohwo rẹ Ọghẹnẹ jiri ta ota rẹ Ọghẹnẹ, kidie Ọghẹnẹ vwanvwẹ Erhi na vwọ kẹ;

Iruo rẹ Iyinkọn na 13:22

Ọke ro vwo siono nu, ọ da vwi Devid vwo mu ovie kẹ ayen; kọye o se oseri kpahe ta nẹ, Dẹvid rẹ ọmọ ri Jẹse na ọye hẹ ohwo rẹ ẹro teri ro ru obo rẹ udu mẹ guọnọre.

Hibru 1:9

Ọvwata wọ guọnọ ozighi tu we oma; kọye Ọghẹnẹ, Ọghẹnẹ wẹn na, vwọ vwẹ evwri te we evwri rẹ aghọghọ ru wọ vwọ rho nọ otu wẹn.

Hibru 11:32

Kidie ọfa me ta? Kidie a sa mrẹ ọke vwo gbe ikun ri Gidiọn, Berak, Samsin, Jẹfta, ọ ri Devid kugbe Samuẹl kugbe emraro na–

Iguẹdjọ 11:29

Etiyin Erhi rẹ Ọrovwohwo na da rhe ro oma ri Jẹfta, ọ da wanvrẹn Giliad vi Manasse, o de vrẹn kpo Mizpa ri Giliad, o de vrẹn nẹ Mizpa ri Giliad kpo asan rẹ ihwo rẹ Ammọn.

Iguẹdjọ 13:25

Erhi rẹ Ọrovwohwo na ko mu Samsin vwo ru iruo vwẹ evun rẹ Mahanehdan, vwẹ uvwragba ri Zora vẹ Ẹshtaol.

Iguẹdjọ 14:6

Erhi rẹ Ọrovwohwo na de muo gangan, ọ da bẹrẹ okpohrokpo na ẹbẹre ivẹ kerẹ ohwo rọ bẹrẹ ọmọ rẹ ẹvwe; ọ vwẹ emu ọvuọvo yọnrọn ọbọ-ọ. Ẹkẹvuọvo o gbe ikun rẹ emu ro ruru na kẹ ọsẹ vẹ oni rọye-e.

Iguẹdjọ 3:10

Erhi rẹ Ọrovwohwo na da rhe ruọ oma, o de guẹdjọ rẹ Izrẹl, o de re phi ofovwi, Ọrovwohwo de phi Kushanrishataim ovie ri Mẹsopotemia phihọ obọ rọye, o de phi Kushanrishataim kparobọ.

1 Samuẹl 1:19

Ayen vrẹnri vwẹ irhiọke ayen da ra ga Ọrovwohwo; ayen de rhivwi kpo uwevwi rayen vwi Ramah. Elkanah vẹ aye rọye da mroma, Ọrovwohwo da karophihọ;

1 Samuẹl 10:1

Etiyin Samuẹl da reyẹ ukoko rẹ evwri o de kuo ku uyovwi rọye, ọ da fiọnfiọn unu ọ da ta, ọ dianẹ Ọrovwohwo re vwẹ evwri ghworo uwe nẹ wọ dia ovie vwẹ enu rẹ ihwo rọye Izrẹl? Ku wọ re vwẹ enu rẹ ihwo rẹ Ọrovwohwo na ku wo sivwi ayen nẹ obọ re ivwighrẹ re riariẹ ayen phihọ na. Ọnana kọ dia oka kẹ wẹ nẹ Ọrovwohwo ghine vwẹ evwri ghworo uwe nẹ wọ dia ovie vwẹ enu rẹ ughwẹ rọye.

1 Samuẹl 10:6

Etiyin erhi rẹ Ọrovwohwo na ko che mu we gele, ku wọ vẹ ayen cha mraro kugbe ku wo che hirhe phihọ oka rẹ ohwo ọfa.

1 Samuẹl 11:6

Erhi rẹ Ọghẹnẹ da ruo oma o de gele ro vwo nyo eta nana, ophu de muo gangan.

1 Samuẹl 16:18

Emeghele na ọvo da kpahe, Nighere, me mrẹ ọmọ ri Jesse ohwo ri Bẹtlẹhẹm, rọ riẹn hworo gangan, ọ gba, ohwo rẹ ofovwi, ọ vẹ ọhọ rẹ ota, ohwo vẹ erhuvwu; Ọrovwohwo vẹ ọye herọ.

1 Samuẹl 18:12

Oshọ ri Devid ko mui Sọl, fikiridie Ọrovwohwo vẹ ọye herọ ẹkẹvuọvo yọ kua nẹ oma ri Sọl.

1 Samuẹl 2:35

Ke me cha vwẹ ọrherẹn esiri vwo mu kẹ oma mẹ, ro che ru kirobo ri mi roro kugbe obo rẹ udu mẹ guọnọre; ke me cha bọn omamọ uwevwi kẹ, kọ ro uwevwi ro otafe vwẹ obaro rẹ ihwo re me vwẹ evwri ghworo na bẹdẹ.