1 Samuẹl 16:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ọrovwohwo da ta kẹ Samuel, Mavọ wo vwerhi Sọl kri te, yu wọ mrẹre nẹ Me senrọ nọ dia ovie vwẹ Izrẹli-i? Ku evwri phihọ ukoko wẹn, wọ yanran; mi ji we bru Jesse ohwo ri Bẹtlẹhẹm, kidie Me sanọ ovie kẹ oma mẹ vwẹ ohri rẹ emọ rọye nure.

1 Samuẹl 16:1 ပူးပေါင်းရင်းမြစ်များ

1 Ivie 8:16

Rhanwẹ ẹdẹ re Me vwo reyọ ihwo mẹ Izrẹl nẹ Ijipt rhe na, Me jẹ orere ọvuọvo vwẹ orua rẹ Izrẹl na ejobi, ra bọn uwevwi phihọ-ọ, rere odẹ mẹ vwọ dia etiyin; ẹkẹvuọvo Me da jẹ Devid nẹ ọ dia enu rẹ ihwo mẹ Izrẹl.

Ivie rẹ Ivẹ 9:1

Etiyin Ilaesha, ọmraro na de se ọvo vwẹ emọ rẹ emraro na, ọ da ta Chobiẹ amwa wẹn, wọ rẹyọ ukoko rẹ evwri nana vwẹ obọ wẹn, re wọ yanran kpo Ramọt-giliad.

Ivie rẹ Ivẹ 9:3

Gba reyọ ukoko rẹ evwri na, wo kuo ku uyovwi rọye, re wọ ta, Enẹ Ọrovwohwo na tare, Me kuẹ evwri ku we rere wọ dia ovie kẹ Izrẹl. Gbe rhiẹ ẹchẹ rere wọ djẹ; wo gbe eghẹrẹ-ẹ.

Ivie rẹ Ivẹ 9:6

Ọtiọye o de vrẹn, ọ da yanran ro evun rẹ uwevwi; emeghele rẹ ọshare na de ku evwri na ku uyovwi rọye, ọ da ta kẹ nẹ, Enẹ Ọrovwohwo Ọghẹnẹ rẹ Izrẹl tare, Me vwo wẹ mu ovie kẹ ihwo rẹ Ọrovwohwo na vwẹ Izrẹl.

1 Ikun rẹ Ivie 11:3

Ọtiọye ekpako rẹ Izrẹl ejobi de bru ovie rhe vwi Hẹbrọn; Devid vẹ ayen da re ọphọ vwi Hẹbrọn vwẹ obaro rẹ Ọrovwohwo, a da vwẹ evwri ghworo Devid uyovwi rọ dia ovie vwẹ enu rẹ Izrẹl kirobo rẹ ota rẹ Ọrovwohwo vwẹ unu Samuẹl epha.

1 Ikun rẹ Ivie 28:4

Yẹ Ọrovwohwo Ọghẹnẹ rẹ Izrẹl jẹ vwẹ reyọ vwẹ uwevwi rẹ ọsẹ mẹ nẹ me dia ovie vwẹ enu rẹ Izrẹl bẹdẹ; kidie ọ jẹ Juda reyọ nẹ ọ dia osun, vwẹ uwevwi ri Juda ọ da jẹ uwevwi rẹ ọsẹ mẹ, vwẹ ohri rẹ emọ rẹ ọsẹ mẹ, ivun mẹ da vwerhọ. Ọ da vwo ovwẹ ru ovie vwẹ enu rẹ Izrẹl ejobi.

Aizaya 11:1

Ẹro ko che yoro nẹ uchuku ri Jessi rhe, oghọn kọ cha tan nẹ esiri rọye rhe.

Aizaya 11:10

Vwẹ ẹdẹ yena owọ ri Jessi na ko che mudia pọe kerẹ oka vwọ kẹ ihwo na; ọye irere na cha guọnọ, ẹdia rọye kọ mu urinrin.

Aizaya 55:4

Nighere, Mi vwi ro se oseri kẹ ihwo na, Osun kugbe onotu vwọ kẹ ihwo ejobi.

Jerimaya 11:14

Vwẹ ọtiọye na wọ rẹ kẹ ihwo nana-a, wọ kpare urhuru rẹ oviẹ eyẹ ẹrhovwo fiki rẹ aye-en, kidie ọke rẹ ayen de se vwe vwẹ ọke rẹ ukpokpogho rayen mi gbi nyo-o.

Jerimaya 15:1

Etiyin Ọrovwohwo da ta kẹ vwẹ, owenẹ Mosis vẹ Samuẹl mudia vwẹ obaro mẹ dede, udu mẹ sa rhẹriẹ bru ihwo nana-a. Si ayen nẹ obaro mẹ, rere wo jẹn ayen yanran.

Jerimaya 6:30

Isọn re igho ọye e se ayen, kidie Ọrovwohwo siẹn ayen.

Jerimaya 7:16

Vwọ kẹ wẹ, wọ nẹ ẹrhovwo kẹ ihwo nana-a, wọ viẹ-ẹ eyẹ wọ nẹ ẹrhovwọ kẹ aye-en, wọ je rẹ vwọ kẹ aye-en, kidie mi che nyo we-e.

Zekaraya 4:14

Etiyin ọ da ta, Enana ivẹ na ra vwẹ ori ghworo ri mudia kẹre Ọrovwohwo rẹ akpọ soso na.

Ọbe ri Pọl si rhe Ihwo ri Rom 15:12

Ọfa, Aizaya tare nẹ, Vwẹ evun rẹ uvwiẹ ri Jẹsse na ohwo ọvo che mu ro che sun ihwo ri Keferi; ọye ihwo ri Keferi na che phiẹrohọ.

Hibru 11:32

Kidie ọfa me ta? Kidie a sa mrẹ ọke vwo gbe ikun ri Gidiọn, Berak, Samsin, Jẹfta, ọ ri Devid kugbe Samuẹl kugbe emraro na–

1 Jọn 5:16

Ohwo da mrẹ oniọvo rọye ro ruẹ umwemwu ro fo ughwu-u, kọ nọ, Ọghẹnẹ kọ vwẹ arhọ rẹ ayen otu ri ru umwemwu ro fo ughwu-u vwọ kẹ ayen.

1 Samuẹl 10:1

Etiyin Samuẹl da reyẹ ukoko rẹ evwri o de kuo ku uyovwi rọye, ọ da fiọnfiọn unu ọ da ta, ọ dianẹ Ọrovwohwo re vwẹ evwri ghworo uwe nẹ wọ dia ovie vwẹ enu rẹ ihwo rọye Izrẹl? Ku wọ re vwẹ enu rẹ ihwo rẹ Ọrovwohwo na ku wo sivwi ayen nẹ obọ re ivwighrẹ re riariẹ ayen phihọ na. Ọnana kọ dia oka kẹ wẹ nẹ Ọrovwohwo ghine vwẹ evwri ghworo uwe nẹ wọ dia ovie vwẹ enu rẹ ughwẹ rọye.

1 Samuẹl 15:11

Ọ davwẹ gangan nẹ mi vwi Sọl mu ovie; kidie ọ chuko ku vwe nure o gbi nene uvwe-e, o ru obo ri mi ji urhi rọye kẹ-ẹ. Ivun de miovwi Samuel; ọda viẹ se Ọrovwohwo vwẹ ason yena ejobi.

1 Samuẹl 15:23

Kidie urhi ẹchọ epha kerẹ umwemwu rẹ epha, udu ọgangan ọ epha kerẹ orukuruku vẹ ẹdjọ ẹgọ. Fikiridie wọ sen ota rẹ Ọrovwohwo, okpuyovwi rọye je sen we nẹ wo gbe dia ovie-e.

1 Samuẹl 15:26

Samuẹl da ta kẹ Sọl me vẹ owẹ se rhivwi kpo-o, kidie wọ sen ota rẹ Ọrovwohwo, Ọrovwohwo je ghwa sen wẹ nẹ wọ gbe dia ovie vwẹ Izrẹli-i.

1 Samuẹl 15:35

Samuẹl gbe mrẹ Sọl ọfa-a rhiri re te ẹdẹ ughwu rọye, ẹkẹvuọvo ivun de miovwo Samuẹl fiki ri Sọl. ọ da da Ọrovwohwo nẹ ọye vwi Sọl mu ovie vwẹ enu rẹ Izrẹl.

1 Samuẹl 16:15

Idibo ri Sọl da ta kẹ, Nighere Asakiephana, erhi umwemwu ro nẹ obọ rẹ Ọghẹnẹ rhe kpokpo uwe re.

1 Samuẹl 16:23

Kọke kọke rẹ erhi umwemwu na de nẹ obọ rẹ Ọghẹnẹ bru Sọl rhe, Devid kọ vwẹ obọ rọye hworo isorogun na, oma ri Sọl me sasa, oma rọye me gan erhi umwemwu na me wan no.

1 Samuẹl 17:12

Asakiephana Devid kẹ ọmọ rẹ ohwo rẹ Efrat ri Bẹtlẹhẹm vwi Juda, re se Jesse, ro vwo emeshare ẹrenre. Vwẹ ọke ri Sọl jẹ ohwo na tobọ ghwanre ọmare o ruẹ.

1 Samuẹl 9:16

Odẹ rọ cha vwẹ oghẹre rẹ ọke etiọna mi che ji ohwo ọvo nẹ otọ ri Bẹnjamin bru we rhe, ku wọ vwẹ evwri te rọ dia oviẹ vwe enu rẹ ihwo mẹ Izrẹl. Ko sivwi ihwo mẹ nẹ obọ rẹ ihwo ri Filistia, kidie Me mrẹ oma ẹlaghọ rẹ ihwo mẹ, fikiridie oviẹ rayen rhi te vwẹ oma re.