1 Samuẹl 15:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ẹkẹvuọvo Sọl vẹ ihwo na de ji Agag vwo, kugbe igodẹ ri me yovwi kugbe irhuẹn eshare kugbe eranvwe vẹ ivwri, kugbe emọ rẹ igegede kugbe obo ri me yovwi ejobi, o rhe hwe ayen ejobi tototo-o; obo ri tuoma ri fi emuọvo-o ejobi ayen de hwe eyena.

1 Samuẹl 15:9 ပူးပေါင်းရင်းမြစ်များ

2 Samuẹl 6:13

Ọke rẹ ihwo ri mu ekpeti rẹ Ọrovwohwo na da jẹn owọ esan kpo obaro, ọ me vwẹ erhuẹn rẹ ọshare tubie tubie ze izobo.

1 Ivie 20:34

Etiyin Bẹnhadad da ta kẹ, Irere rẹ ọsẹ mẹ mie ọsẹ wẹn mi siobọ nẹ ayen kẹ wẹ; rere wọ rha bọn eki phihọ Damaskọs, kirobo rẹ ọsẹ mẹ bọn phihọ Sameria. Ahab da ta, Fiki rẹ Ọnana ki mi siobọ nẹ uwe. Ọtiọye na ọ vẹ ọye da re ọphọ, o de siobọ no kpo.

Matiu 26:9

Ọ dianẹ a shẹ udẹ nana, ọ ghare gangan ra da vwẹ igho na kẹ ivwiogbere.

Joshua 6:18

Ẹkẹvuọvo ovwan kẹnẹ oma kẹ obo re vwo ze kẹ ẹghwọrọ na, ọke ra da vwẹ ayen ze kẹ ẹghwọrọ nu wa da rha vwẹ obọ te obo re vwo ze na ku we che ru erhọn rẹ Izrẹl dia kẹ ẹghwọrọ, ku wa cha so okpetu kẹ.

Joshua 7:21

ọke me vwọ mrẹ adagba ri Shinar oyoyovwi vwẹ ohri rẹ ekuakua na, kugbe shekẹl ujori ivẹ rẹ idọnọ, kugbe ubrogba rẹ oro rọ họhọ te shekẹl ujuvẹ gbẹ ihwe, etiyin urhuru rẹ ayen de si vwe, me da reyọ ayen; nighere, a tọn ayen phihọ otọ vwẹ evun rẹ utughẹ mẹ, vẹ idọnọ na ra vwọ ka obotọ.

1 Samuẹl 15:10

Ota rẹ Ọrovwohwo de bru Samuẹl rhe:

1 Samuẹl 15:15

Sọl da ta, E mu ayen mie ihwo rẹ Amalẹk rhe; kidie ihwo na yan jẹ i ri me yovwi vwẹ igodẹ na kugbe irhuẹn na vwọ, re a vwẹ ayen ze izobo kẹ Ọrovwohwo Ọghẹnẹ wẹn i ri chekọ avwanre da guọghọ ayen tototo.

1 Samuẹl 15:19

Kidie sorọ wo gbi rhe mu ọghọ kẹ urhuru rẹ Ọrovwohwo-o? Die wo di vwo se ofurhu phihọ ekuakua na, ru wo vwo ru obo re brare vwẹ obaro rẹ Ọrovwohwo?

1 Samuẹl 15:3

Asakiephana gba ra ghwọrọ Amalẹk, re wọ guọghọ obo rẹ ayen vwori ejobi; wo jẹ ayen vwo-o, ẹkẹvuọvo hwe ọshare te aye, emeboba ri vievie kugbe imitete, erhuẹn ọshare vẹ igodẹ, kamẹl kugbe ekẹtẹkẹtẹ.

1 Samuẹl 28:18

Fikiridie wo mu ọghọ kẹ Ọrovwohwo-o, ophu ro muro kpahe Amalẹk wọ rhọvwe vwo ru iruo-o, kọye Ọrovwohwo vwo ru ọnana kẹ wẹ ẹdẹ ri nonẹ na.