1 Samuẹl 15:29 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁹ Urinrin rẹ Izrẹl na sa vwọrọ efia-an eyẹ ọ rhẹriẹ-ẹ; kidie ọ dia ohwo rẹ akpọ, ro kuẹrhẹriẹ-ẹ.

1 Samuẹl 15:29 ပူးပေါင်းရင်းမြစ်များ

1 Ikun rẹ Ivie 29:11

Wẹ, E Ọrovwohwo, vwo ọrho, kugbe ogangan, vẹ urinrin vẹ ephiokparobọ vẹ ẹgba; fikiridie emu rẹ obo odjuvwu vẹ akpọ ejobi ewẹn; Ọwẹn ọye uvie na E Ọrovwohwo, wẹ a kpare kpenu vwẹ enu ri kemu kemu ejobi.

Une rẹ Ejiro 29:11

E jẹn Ọrovwohwo vwẹ ogangan kẹ ihwo rọye! E jẹn Ọrovwohwo vwẹ ufuoma bruphihọ kẹ ihwo rọye.

Une rẹ Ejiro 68:35

Ọghẹnẹ muoshọ vwẹ ẹshẹ rọye, Ọghẹnẹ rẹ Izrẹl na, O vwẹ egba vẹ ogangan kẹ ihwo rọye. Ebruba ke Ọghẹnẹ!

Une rẹ Ejiro 95:11

Fiki re ọtiọye na ki mi duvwi iyori vwe ophu mẹ ne ayen gbe cha ro urovwoma mẹ-ẹ.

Aizaya 45:24

Vwẹ oma rẹ Ọrovwohwo ọvo, ọye a da cha ta kpahe ovwẹ nẹ, ọye ọvwata vẹ ogangan epha, kọye ayen che bru rhe oma kọ vo ayen, ayen ejobi ri mu ophu kpahọ.

Izikiẹl 24:14

Mẹvwẹ rẹ Ọrovwohwo ta nure; ọke de rhi te, ki mi ruo; mi gbi rhivwi kpo uko-o, mi che ju we vwo-o, mi che kurhẹriẹ-ẹ; ki mi gu ẹdjọ wẹ, kirobo rẹ idjerhe wẹn vẹ uruemu wẹn epha, eriyin Ọrovwohwo Ọghẹnẹ tare.

Joẹl 3:16

Ọrovwohwo de do nẹ Zayọn rhe, urhuru rọye da mra nẹ Jerusalẹm rhe, odjuvwu vẹ akpọ na de mu kpogho Ẹkẹvuọvo Ọrovwohwo hẹ odjahọ kẹ ihwo rọye, ogba ọgangan kẹ ihwo rẹ Izrẹl.

Ukeri 23:19

Ọghẹnẹ dia ohwo, rọ vwọrọ ofia-an, eyẹ ọmọ rẹ ohwo, ro se kuẹrhẹriẹ-ẹ ọ ta nure, o gbi rhe ruo? Eyẹ rọ vwọ ta nu na, o gbi rhe se ruo gba?

2 Kọrẹnt 12:9

ẹkẹvuọvo ọ da ta kẹ vwẹ, Ẹserọphẹ mẹ te kẹ wẹ, kidie vwẹ evun rẹ ovwiẹrẹ e de ru ogangan mẹ gba. Ke me ghọghọ san vwẹ evun rẹ ovwiẹrẹ mẹ, rere ogangan ri Kristi vwọ dia vwẹ oma.

Urhi Rivẹ 33:27

Ọghẹnẹ ri bẹdẹ na ẹdia wẹn, abọ ri bẹdẹ na obotọ wẹn. Ọ da djẹ ọvweghrẹ nẹ obaro wẹn, ọ da ta, Ghwọrọ.

Filipae 4:13

Mi se ru emu ejobi vwi Kristi rọ kẹ vwẹ ogangan.

2 Timoti 2:13

ọ da dianẹ avwanre vwo esegbuyota-a dede, yo vwo esegbuyota kidie ọ sa sen omaobọ rọye-e.

Taitọs 1:2

vẹ iphiẹrohọ rẹ arhọ ri bẹdẹ na, rẹ Ọghẹnẹ rẹ uyota na ve phihọ rhahae rhe.

Hibru 6:18

rere vwi fiki rẹ emu nana ivẹ re sa rhẹriẹ-ẹ na, kidie ọ pha bẹnbẹn kẹ Ọghẹnẹ rọ vwọ vwọrọn ofian, kẹ arueyivwo yena avwanre vwọ djẹ sioma nu vwẹ iphiẹrohọ rọ vwọ kẹ avwanre na.

Hibru 7:21

Ihwo re ke vwo mu irherẹn jovwo na a vwẹ ayen duvwu iyori-i, ẹkẹvuọvo ọnana na iyori e vwo vwo mu, Ọrovwohwo duvwu iyori nure o gbi che ku unu rhẹriẹ-ẹ, Wẹ orherẹn bẹdẹ.