1 Samuẹl 15:28 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁸ Samuẹl da ta kẹ, Ọrovwohwo bẹre uvie rẹ Izrẹl mie we nonẹ na, ọ da vwọ kẹ ọrivẹ wẹn, ro yovwi nọ wẹ.

1 Samuẹl 15:28 ပူးပေါင်းရင်းမြစ်များ

2 Samuẹl 3:10

ne wene uvie rẹ uwevwi ri Sọl, ra vwẹ uvie ri Devid mu vwẹ Izrẹl vi Juda, ni Dan re te Biẹshẹba.

2 Samuẹl 3:18

Asakiephana gbe jọ dia ọtiọye; kidie Ọrovwohwo ve kẹ Devid, tanẹ, Vwẹ obọ rẹ odibo mẹ Devid mi de sivwi ihwo mẹ Izrẹl nẹ obọ ri Filistia, kugbe obọ rẹ ivwighrẹn rayen.

2 Samuẹl 3:9

Ọghẹnẹ ru ọtiọye kẹ Abner, ọ rọ jẹ nẹ ọtiọye rhe, mi gbi ru kẹ Devid kirobo rẹ Ọrovwobwo veri nẹ ọye ru kẹ-ẹ;

2 Samuẹl 6:21

Devid da ta kẹ Mikal, Obaro rẹ Ọrovwohwo rọ jẹn vwẹ reyọ yan jẹ ọsẹ wẹn vwo kugbe ihwo rọye ejobi ni me re ovie vwẹ enu rẹ ihwo rọye Izrẹl: me sa ghọghọ vwẹ obaro rẹ Ọrovwohwo.

1 Ivie 11:11

Fiki rẹ ọtiọye na Ọrovwohwo da ta kẹ Solomọn, Rẹ Ọnana vwọ dia iroro wẹn ru wọ gbe yọnrọn ọphọ mẹ kugbe iji mẹ ri mi ji kẹ wẹ-ẹ na, vwẹ uyota ki mi si uvie na nẹ oma wẹn ke me vwọ kẹ odibo wẹn.

1 Ikun rẹ Ivie 10:14

ọ rha guọnọ esuo rẹ Ọrovwohwo-o; Fiki rẹ ọtiọye Ọrovwohwo de hwe. Ọ da vwẹ uvie rọye kẹ Devid ọmọ ri Jese.

ỌBE RẸ JOB 34:24

Ọ guọnọ otọ rẹ ọgba na tavwe rọ ke guọghọ-ọ, o mi phi ihwo efa phihọ edia rayen,

Daniẹl 4:17

Ọnana orhiẹn rẹ erhẹrotọ na bruru, ọrhiẹn na ọye eta rẹ ihwo efuanfon na, rere oba rọye, ihwo rẹ akpọ vwọ riẹn nẹ ọ rọ me kpenu ejobi ri suẹn uvie rẹ ihwo, nẹ ohwo ro jere ọye ọ vwọ kẹ, ohwo ro me kpotọ kọye ọ vwọ ka obenu.

Daniẹl 4:32

Ka cha djẹ we nẹ ohri rẹ ihwo, ohri rẹ eranvwe rẹ aghwa kọye wọ dia, ke ru we vwọ re odi kere erhuẹn, ikpe ighwrẹ kẹ wan vrẹn tavwe, bẹsiẹ wọ vwọ riẹn nẹ ọ ro Me Kpenu ejobi ri suẹn uvie rẹ ihwo, ohwo ro jere ọye ọ vwọ kẹ.

Iyẹnrẹ Esiri ri Jọn 19:11

Jesu da kpahe kẹ, Wo vwo ogangan vwẹ enu mẹ-ẹ jokpa nẹ a vwe rọ kẹ wẹ nẹ obenu rhe; fiki rẹ ọtiọye na ọ ro mu uvwe rhe we ọye ri me ru umwemwu rode na.

Iruo rẹ Iyinkọn na 13:22

Ọke ro vwo siono nu, ọ da vwi Devid vwo mu ovie kẹ ayen; kọye o se oseri kpahe ta nẹ, Dẹvid rẹ ọmọ ri Jẹse na ọye hẹ ohwo rẹ ẹro teri ro ru obo rẹ udu mẹ guọnọre.

Ọbe ri Pọl si rhe Ihwo ri Rom 13:1

E jẹn kohwo kohwo vwẹ oma kpotọ kẹ otu ra vwẹ ogangan rẹ isuesun kẹ. Kidie ogangan ọfa herọ-ọ jokpa rẹ ọ ro nẹ obo rẹ Ọghẹnẹ rhe, ayen otu ri suẹn na Ọghẹnẹ re vwẹ ayen mu.

1 Samuẹl 13:14

Ẹkẹvuọvo Asakiephana uvie wẹn gbe cha tọ-ọn; Ọrovwohwo mrẹ ohwo ọfa ro jere nure; Ọrovwohwo ji vwo mu nẹ ọ dia ovie vwẹ enu rẹ ihwo rọye nure, kidie wọ yọnrọn urhi rẹ Ọrovwohwo ji kẹ wẹ-ẹ.

1 Samuẹl 16:12

O de ji ohwo, ra reyọ rhe. E de no ọ pha tubie tubie, vẹ lbiẹro yoyovwi, o vwo erhuvwu gangan. Ọrovwohwo da ta, Vrẹn, vwẹ evwri ghworo; kidie ọna ọye.

1 Samuẹl 18:8

Ivun de miovwi Sọl gangan, ota nana jere-e; ọda ta? Ayen tare nẹ Devid hwe uriori ihwe, uriori ọvo kọye ayen so kẹ vwẹ; ki didi emu ọfa o rhe mie vwe nọ uvie mẹ na?

1 Samuẹl 25:30

ọke rẹ Ọrovwohwo de ru kẹ ọrovwovwe emu esiri nana ejobi ra ta kpahọ owẹ na, ra da vwẹ owẹ ma ovie vwẹ enu rẹ Izrẹl