1 Samuẹl 15:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Samuẹl da ta kẹ Sọl me vẹ owẹ se rhivwi kpo-o, kidie wọ sen ota rẹ Ọrovwohwo, Ọrovwohwo je ghwa sen wẹ nẹ wọ gbe dia ovie vwẹ Izrẹli-i.

1 Samuẹl 15:26 ပူးပေါင်းရင်းမြစ်များ

Jẹnẹsis 42:38

Ẹkẹvuọvo ọ da ta, Ọmọ mẹ che nene ovwan ra-a, kidie oniọvo rọye ghwuru, kẹ ọye ọvo ri chekọ. Emu de ruo vwẹ oyan rẹ ovwan cha ra na, ku wa reyọ ovwẹ vẹ esha vẹ uvweri rhi kpo ushi.

2 Samuẹl 12:9

Die wọ vwọ jẹ ota rẹ Ọrovwohwo fia, ri wo ru emu ọbrabra nana vwẹ obaro rọye? Wọ vwẹ oda hwe Uraya rẹ ohwo ri Hẹt, wọ da reyọ aye rọye vwọ rọvwọ, wọ da vwẹ ọlọkọ rẹ ihwo ri Ammọn vwo hwe.

2 Samuẹl 7:15

Ẹkẹvuọvo mi se sio nẹ otọ rẹ ẹguọnọ ro jẹrhẹriẹ mẹ-ẹ, kirobo ri mi ru Sọl ri mi si nẹ obaro mẹ.

Jerimaya 6:19

Nyo, E akpọ, nighe, me herọ ghwa umiovwo rhe ihwo nana re, ekankọn rẹ ayen kọnre kidie ayen kerhọn rẹ eta mẹ-ẹ; ayen sẹro rẹ urhi mẹ-ẹ.

Hosia 13:11

Me kẹ wẹ ovie vwẹ ophu mẹ, vwẹ ivuemiovwo mẹ mi de si ayen nu.

Hosia 4:6

A guọghọ ihwo mẹ fiki rẹ jẹriẹn fikiridie wọ sen erianriẹn, Me sen we nẹ wọ gbe dia orherẹn mẹ-ẹ. Ọtiobo rẹ urhi rẹ Ọghẹnẹ wẹn vwọ chọro owẹ ẹro na, emọ wẹn ke je chọro ovwẹ ẹro rhe.

Iruo rẹ Iyinkọn na 13:22

Ọke ro vwo siono nu, ọ da vwi Devid vwo mu ovie kẹ ayen; kọye o se oseri kpahe ta nẹ, Dẹvid rẹ ọmọ ri Jẹse na ọye hẹ ohwo rẹ ẹro teri ro ru obo rẹ udu mẹ guọnọre.

2 Jon 1:11

kidie ohwo ro yeire yọ vẹ ọye obọ vwẹ iruo rẹ uvumwemwu rọye.

1 Samuẹl 13:14

Ẹkẹvuọvo Asakiephana uvie wẹn gbe cha tọ-ọn; Ọrovwohwo mrẹ ohwo ọfa ro jere nure; Ọrovwohwo ji vwo mu nẹ ọ dia ovie vwẹ enu rẹ ihwo rọye nure, kidie wọ yọnrọn urhi rẹ Ọrovwohwo ji kẹ wẹ-ẹ.

1 Samuẹl 15:23

Kidie urhi ẹchọ epha kerẹ umwemwu rẹ epha, udu ọgangan ọ epha kerẹ orukuruku vẹ ẹdjọ ẹgọ. Fikiridie wọ sen ota rẹ Ọrovwohwo, okpuyovwi rọye je sen we nẹ wo gbe dia ovie-e.

1 Samuẹl 15:31

Etiyin Samuẹl vi Sọl de rhivwi; Sọl da ga Ọrovwohwo na.

1 Samuẹl 16:1

Ọrovwohwo da ta kẹ Samuel, Mavọ wo vwerhi Sọl kri te, yu wọ mrẹre nẹ Me senrọ nọ dia ovie vwẹ Izrẹli-i? Ku evwri phihọ ukoko wẹn, wọ yanran; mi ji we bru Jesse ohwo ri Bẹtlẹhẹm, kidie Me sanọ ovie kẹ oma mẹ vwẹ ohri rẹ emọ rọye nure.

1 Samuẹl 2:30

Vwẹ ọtiọye na Ọrovwohwo Ọghẹnẹ rẹ Izrẹl na tare: Mi veri jovwo nẹ uwevwi wẹn kugbe uwevwi rẹ ọsẹ wẹn ke ro uwevwi ro otafe vwẹ obaro mẹ bẹdẹ; ẹkẹvuọvo asakiephana Ọrovwohwo tare: ọ gbe dia omẹvwẹ; ọfa-a; kidie ihwo ri mu ọghọ kẹ vwẹ eye mi mu ọghọ kẹ, ihwo re jẹ vwẹ fia ke ni ayen phorhi.

1 Samuẹl 28:18

Fikiridie wo mu ọghọ kẹ Ọrovwohwo-o, ophu ro muro kpahe Amalẹk wọ rhọvwe vwo ru iruo-o, kọye Ọrovwohwo vwo ru ọnana kẹ wẹ ẹdẹ ri nonẹ na.