1 Samuẹl 15:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Sọl da ta kẹ Samuẹl, Mi ru umwemwu; kidie me cho urhi rẹ Ọrovwohwo kugbe eta wẹn, fikiridie me djẹ oshọ rẹ ihwo na mi de mu ọghọ kẹ urhuru rayen.

1 Samuẹl 15:24 ပူးပေါင်းရင်းမြစ်များ

Jẹnẹsis 3:12

Ọshare na da ta, Aye ru wọ vwọ kẹ vwẹ nẹ o nene uvwe dia, ọye vwẹ emamọ rẹ urhe na kẹ vwẹ, Me da re.

Jẹnẹsis 3:17

Vwọ kẹ Adam ọ da tanẹ, Fikiridie wọ vwọ kerhọ rẹ aye wẹn, wo da re emamọ rẹ urhe na re Me djẹ wẹ nu wọ ria-a na, eka kọ dia kẹ otọ na fiki wẹn, vwẹ evun rẹ owian wọ ke sa re emu vwẹ ẹdẹ rẹ akpọ wẹn ejobi;

2 Samuẹl 12:13

Devid da ta kẹ Natan, Mi ru umwemwu kpahe Ọrovwohwo, Natan da ta kẹ Devid, Ọrovwohwo ku imwemwu wẹn kufia; wo gbi che ghwu-u.

ỌBE RẸ JOB 31:34

fikiridie oshọ rẹ urogho rode na mu vwe, rẹ ehwẹjẹ rẹ ekrun mẹ da djẹ oshọ mu vwe, ọtiọye mi de fotovwi, me rha ro otafe-e.

Une rẹ Ejiro 51:4

Wọwẹ ọvo, mi ru imwemwu kpahe, mi ru obo re brare vwẹ obaro wẹn, wọ vwọ re ase vwẹ ẹdjọeguo wẹn rere wọ vwọ je abe ẹriọ vwẹ orhiebro.

Ẹyano 10:16

Etiyin Fero de se Mosis vẹ Erọn kpatakpata, ọ da ta, Mi ru umwemwu kpahe Ọrovwohwo Ọghẹnẹ wẹn, ji kugbe okpuyovwi wẹn.

Ẹyano 23:2

Wọ vwẹ ẹro kerẹ otu ri ruẹ imwemwu-u; eyẹ wo se iseri rẹ eku vwẹ ẹdjọ-ọ, wọ vwẹ ẹro kerẹ otu, rere wo ku ẹdjọ rhẹriẹ-ẹ,

Ẹyano 9:27

Etiyin Fero de ji ihwo re se Mosis vẹ Erọn, ọ da ta ke ayen, Mi ru imwemwu vwẹ obọ nana; Ọrovwohwo re re ase, te mẹvwẹ vẹ ihwo mẹ ru chọ .

Isẹ 29:25

Oshọ rẹ ohwo djẹ kpahe ufi vwọ kẹ, ẹkẹvuọvo ohwo rọ vwẹ ẹro so Ọrovwohwo na cha rhọ.

Jerimaya 38:5

Ovie Zedekaya da ta, Nighe, ọ hẹ abọ rẹ ovwan; kidie ovie na se ru emuọvo kpahe ovwa-an.

Ukeri 22:34

Etiyin Balaam da ta kẹ amakashe rẹ Ọrovwohwo na, Mi ru umwemwu, kidie me riẹnre nẹ wo mudia idjerhe hẹrhẹ ovwẹ-ẹ. Asakiephana ọ da dia obo re brare vwẹ obaro wẹn, ki mi rhivwi kpo.

Matiu 27:4

nẹ, Mi ru chọ, re me vwọ shẹ ọvwata na ekueku. Ẹkẹvuọvo ayen da ta nẹ, ọye dia ota rẹ avwanre-e, ọye ota wẹn.

Galesha 1:10

Ugbeyan rẹ ihwo me guọnọ dia vwo, gbenẹ ugbeyan rẹ Ọghẹnẹ? Eyẹ me guọnọ re mi ru obo ri je ihwo? Mi de ru obo ri je ihwo ye me gbe dia odibo ri Kristi-i.

Ẹvwọphia 21:8

Ẹkẹvuọvo vwọ kẹ ọvwoshọ, ọ ro jẹ esegbuyota evwo, ọ ro gbe ẹgua, vwọ kẹ ozighẹ, ovwofanrhiẹ, ọmraro, ọgọedjọ, kugbe ọvwọrọn ofian, ughwẹ rayen kẹ ẹtẹrhe rẹ erhanre da tua vẹ ibiosio rẹ erhanre na, kọye hẹ ughwu rivẹ.

1 Samuẹl 15:15

Sọl da ta, E mu ayen mie ihwo rẹ Amalẹk rhe; kidie ihwo na yan jẹ i ri me yovwi vwẹ igodẹ na kugbe irhuẹn na vwọ, re a vwẹ ayen ze izobo kẹ Ọrovwohwo Ọghẹnẹ wẹn i ri chekọ avwanre da guọghọ ayen tototo.

1 Samuẹl 15:30

Etiyin ọ da ta, Mi ru umwemwu; yi dede na bru ọghọ phihọ ovwẹ oma vwẹ irharo rẹ ekpako na kugbe ihwo mẹ Izrẹl, rere wọ vẹ ovwẹ rhivwi kpo, ra ga Ọrovwohwo Ọghẹnẹ wẹn.

1 Samuẹl 15:9

Ẹkẹvuọvo Sọl vẹ ihwo na de ji Agag vwo, kugbe igodẹ ri me yovwi kugbe irhuẹn eshare kugbe eranvwe vẹ ivwri, kugbe emọ rẹ igegede kugbe obo ri me yovwi ejobi, o rhe hwe ayen ejobi tototo-o; obo ri tuoma ri fi emuọvo-o ejobi ayen de hwe eyena.

1 Samuẹl 2:29

Die sorọ wọ vwẹ ẹro rẹ urhuru vwo nẹ izobo mẹ kugbe ẹkpẹvwẹ mẹ ri mi ji urhi phihọ, ru wo de mu ọghọ kẹ emọ wẹn nọ vwẹ ru wọ reyọ asan rọ ma vwerhe vwẹ izobo rẹ ihwo mẹ Izrẹl vwọ ghẹrẹ oma tubie tubie?

1 Samuẹl 26:21

Etiyin Sọl da ta, mi ru chọ ; rhivwi, ọmọ mẹ Devid, kidie me gbe wan wẹ oma ọfa-a, kidie arhọ mẹ ghare vwẹ obọ wẹn nonẹ na; nighe, mẹvwẹ ri ru ẹkpa, mi ghwruru gangan.