1 Samuẹl 15:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Kidie urhi ẹchọ epha kerẹ umwemwu rẹ epha, udu ọgangan ọ epha kerẹ orukuruku vẹ ẹdjọ ẹgọ. Fikiridie wọ sen ota rẹ Ọrovwohwo, okpuyovwi rọye je sen we nẹ wo gbe dia ovie-e.

1 Samuẹl 15:23 ပူးပေါင်းရင်းမြစ်များ

Jẹnẹsis 31:19

Laban yanran kpo ẹghwa ra bọrọ ẹto rẹ igegede, Rachel de cho oma rọ umukpe rẹ ọsẹ rọye.

Jẹnẹsis 31:34

Yi Rachel ghine, reyọ oma rọ umukpe rẹ ọsẹ rọye o de sionu vwẹ ekoso rẹ iyesi rọye o de tidia botọ Laban da vwẹ obọ gbe ekuakua rẹ uwevwi na ejobi, jọ mrẹrẹ-ẹ.

2 Samuẹl 12:9

Die wọ vwọ jẹ ota rẹ Ọrovwohwo fia, ri wo ru emu ọbrabra nana vwẹ obaro rọye? Wọ vwẹ oda hwe Uraya rẹ ohwo ri Hẹt, wọ da reyọ aye rọye vwọ rọvwọ, wọ da vwẹ ọlọkọ rẹ ihwo ri Ammọn vwo hwe.

2 Samuẹl 7:15

Ẹkẹvuọvo mi se sio nẹ otọ rẹ ẹguọnọ ro jẹrhẹriẹ mẹ-ẹ, kirobo ri mi ru Sọl ri mi si nẹ obaro mẹ.

1 Ikun rẹ Ivie 10:13

Etiyin Sọl de ghwu fiki ri je segbuyota rọye, o se Ọrovwohwo gbuyota-a kidie ijẹmienyo, ọ yọnrọn urhi rẹ Ọrovwohwo-o, ọ je ra guọnọ uchuko vwẹ asan ọfa ọ je ra bọ epha

1 Ikun rẹ Ivie 28:9

Wẹ, Solomọn rẹ ọmọ mẹ, riẹn Ọghẹnẹ rẹ esẹ wẹn, rere wọ ga vwẹ udu wẹn ejobi vẹ udu rẹ ẹguọnọ; kidie Ọrovwohwo re hiẹn ubiudu, ọ me rha riẹn iroro kiroro vẹ ona ejobi. Wọ da guọnọ, ku wọ mrẹ, ẹkẹvuọvo wọ da siọn, kọ djẹ wẹ kufia bẹdẹ.

ỌBE RẸ JOB 34:37

Kidie ọ vwẹ unuesiọ vwọ ba umwemwu rọye, ọ teye abọ rọye vwẹ uherevie rẹ avwanre, ọ ta eta kpahe Ọghẹnẹ buebu.

Une rẹ Ejiro 107:11

kidie ayen mu kpahe eta rẹ Ọghẹnẹ, ayen da vwẹ iroro rẹ ọ ro Me Kpenu na jọdẹ.

Ẹyano 22:18

Wo jẹn ọbuepha vwo rẹ ọ dia akpọ-ọ.

Aizaya 19:3

Erhi re ihwo re ljipt na kọ rhan nẹ ayen oma, ki mi phi ozighi phihọ iroro rayen; ke ayen diotọ rọye vwẹ obọ rẹ ema vẹ ebọepha, vwẹ obọ rẹ irivwi vẹ erieda;

Aizaya 8:19

Ọke rẹ ayen da ta kẹ ovwan nẹ, Eru ẹboepha kugbe otu re azẹ ri tue, ihwo rhe brẹ Ọghẹnẹ rayen ra kpo epha-a? Kẹ ihwo ra bọ epha vwẹ obọ rẹ ohwo ghweghwu fiki rẹ ohwo ọkpokpọ?

Jerimaya 16:12

fikiridie we ru miovwi vrẹn esẹ rẹ ovwan, gbe nighe, ovwan dohwo dudu ọgangan rọye je yan nene, wa rhọvwe kerhọn mẹ-ẹ;

Jerimaya 28:16

Vwẹ ọtiọye na enẹ Ọrovwohwo tare. Nighe, mi che si we nẹ otọ rẹ akpọ na. Vwẹ ẹgbukpe nana wo che ghwu, fikiridie wo gbe urhi rẹ Ọrovwohwo na ku.

Jerimaya 29:32

otiọye na enẹ Ọrovwohwo tare. Nighe, Mi che ru Shemaya ri Nehelam vẹ uvwiẹ rọye gangan, o gbi che vwo ohwo rọ dia uherevie rẹ ihwo nana rọ mrẹ emu esiri ri mi che ru kẹ ihwo mẹ na-a, eriyin Ọrovwohwo na tare, kidie ọ ta ota omiomiovwi kpahe Ọrovwohwo na.

Hosia 13:11

Me kẹ wẹ ovie vwẹ ophu mẹ, vwẹ ivuemiovwo mẹ mi de si ayen nu.

Hosia 3:4

Kidie emọ rẹ Izrẹl ke dia vwẹ ẹdẹ buebu ayen gbi vwo ovie-e yẹrẹ osu-un, ọ rhe vwo izobo e ze-e yẹrẹ uchivwo-o, ibuluku yẹrẹ utẹ-ẹ.

Livitikọs 20:27

Ọshare eyẹ aye rọ dia azẹn eyẹ ọrieda ke hwe kufia; ibieragha keye e vwo phi ayen hwe, ọbara rayen kọ dia uyovwi rayen.

Livitikọs 20:6

Ohwo de bru ẹboepha vẹ eriedan, keye ọ vọye gbe ruẹ kugbe, ki mi hirhe opharo Me ku ohwo yena, ki mi bro nẹ ohri rẹ ihwo rọye.

Ukeri 14:9

Emuọvo na, wa vwọ suọ Ọrovwohwo-o; wa je djẹ oshọ rẹ ihwo rẹ evun rẹ otọ na-a, fikiridie ayen ikara vwọ kẹ avwanre ukẹcha vuọvo rhe ayeen; yẹ Ọrovwohwo vẹ avwanre herọ, we jẹ oshọ rayen mu ovwa-an.

Iruo rẹ Iyinkọn na 13:22

Ọke ro vwo siono nu, ọ da vwi Devid vwo mu ovie kẹ ayen; kọye o se oseri kpahe ta nẹ, Dẹvid rẹ ọmọ ri Jẹse na ọye hẹ ohwo rẹ ẹro teri ro ru obo rẹ udu mẹ guọnọre.

2 Kọrẹnt 6:16

Didi ẹrhọvwọkugbe uwevwi rẹ ẹga rẹ Ọghẹnẹ vẹ ọ rẹ ẹdjọ vwo kugbe? Kidie avwanre hẹ uwevwi rẹ ẹga rẹ Ọghẹnẹ ri bẹdẹ na; kirobo rẹ Ọghẹnẹ tare, Ke me dia evun rẹ ayen ke me yan vwẹ ohri rẹ ayen, ke me dia Ọghẹnẹ rayen, ayen ke dia ihwo mẹ.

Galesha 5:20

ẹdjọ ẹgọ, orhan, ohọnre vẹ ẹghwọ, ohẹriẹ, evun ephuo, ophuemuo, mẹvwẹ marho, emuo kpahe ihwo ride, uyono rẹ efian,

Urhi Rivẹ 9:24

Nẹ ẹdẹ Me vwo riẹn ovwan rhe na, we mu kpahe Ọrovwohwo na gangan.

Urhi Rivẹ 9:7

Karohọ, wo jo chọrọ owẹ ẹro-o, obo wọ nẹrhẹ Ọrovwohwo wẹn mu ophu vwẹ evun rẹ aghwa na, nẹ ẹdẹ ru wo vwo vrẹn nẹ otọ rẹ Ijipt rhe, rhi te etinẹ na, ọye wo vwo mu kpahe Ọrovwohwo na.

Joshua 22:15

Ayen de rhi te asan rẹ ihwo ri Rubẹn, vẹ ihwo ri Gad, kugbe abọvo rẹ ihwo ri Manasse epha, vwẹ otọ ri Gilead, ayen da ta ke ayen,

Ẹvwọphia 21:8

Ẹkẹvuọvo vwọ kẹ ọvwoshọ, ọ ro jẹ esegbuyota evwo, ọ ro gbe ẹgua, vwọ kẹ ozighẹ, ovwofanrhiẹ, ọmraro, ọgọedjọ, kugbe ọvwọrọn ofian, ughwẹ rayen kẹ ẹtẹrhe rẹ erhanre da tua vẹ ibiosio rẹ erhanre na, kọye hẹ ughwu rivẹ.

Ẹvwọphia 22:15

Otu rẹ eranko na, emraro rẹ ofian, evwofanrhiẹ, izighẹ, egọedjọ, kugbe otu re vwọrọn ofian, ki che mudia otafe.

1 Samuẹl 13:14

Ẹkẹvuọvo Asakiephana uvie wẹn gbe cha tọ-ọn; Ọrovwohwo mrẹ ohwo ọfa ro jere nure; Ọrovwohwo ji vwo mu nẹ ọ dia ovie vwẹ enu rẹ ihwo rọye nure, kidie wọ yọnrọn urhi rẹ Ọrovwohwo ji kẹ wẹ-ẹ.

1 Samuẹl 16:1

Ọrovwohwo da ta kẹ Samuel, Mavọ wo vwerhi Sọl kri te, yu wọ mrẹre nẹ Me senrọ nọ dia ovie vwẹ Izrẹli-i? Ku evwri phihọ ukoko wẹn, wọ yanran; mi ji we bru Jesse ohwo ri Bẹtlẹhẹm, kidie Me sanọ ovie kẹ oma mẹ vwẹ ohri rẹ emọ rọye nure.

1 Samuẹl 2:30

Vwẹ ọtiọye na Ọrovwohwo Ọghẹnẹ rẹ Izrẹl na tare: Mi veri jovwo nẹ uwevwi wẹn kugbe uwevwi rẹ ọsẹ wẹn ke ro uwevwi ro otafe vwẹ obaro mẹ bẹdẹ; ẹkẹvuọvo asakiephana Ọrovwohwo tare: ọ gbe dia omẹvwẹ; ọfa-a; kidie ihwo ri mu ọghọ kẹ vwẹ eye mi mu ọghọ kẹ, ihwo re jẹ vwẹ fia ke ni ayen phorhi.

1 Samuẹl 28:3

Ọke yena yi Samuẹl ghwu nure, Izrẹl ejobi de muomaphihọ kẹ ayen de sho phihọ Ramah, orere rẹ obọ rọye. Yi Sọl djẹ ebọerivwi kugbe erieda rẹ otọ na ejobi no nure.