1 Samuẹl 15:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Samuẹl da ta, Wo rori nẹ Ọrovwohwo vwo omavwerhe vwẹ izobo rẹ ẹtorhẹ kugbe izobo re zeri, kirobo rẹ oma vwerhe Ọrovwohwo siẹ re de mu ọghọ kẹ urhuru rọye– Nighe, Ọghọ emuo o yovwi nọ izobo, ra vwọ kerhọ nọ lvwri rẹ egbo.

1 Samuẹl 15:22 ပူးပေါင်းရင်းမြစ်များ

Jẹnẹsis 4:4

Ebẹl da je vwẹ izobo rẹ upene rẹ uchuru rọye rọ pha sọkọ sọkọ vwo rhe Ọrovwohwo. Ọrovwohwo de mu ọghọ kẹ izobo rẹ Ebẹl,

Ẹyano 19:5

Asakiephana wo de se mu ọghọ kẹ urhuru mẹ ru wọ da sẹro rẹ ọphọ mẹ, ku wọ cha dia ughwẹ mẹ vwẹ oma rẹ ihwo na ejobi; kidie akpọ na ejobi Ọmẹ,

Isẹ 21:3

Re vwo ru emuesiri vẹ ọsoso o je Ọrovwohwo nọ izobo re zeri.

Aghwoghwo 5:1

Sẹro rẹ owotọ wẹn vwẹ ọke wo de kpo uwevwi rẹ Ọghẹnẹ; re vwo sikẹre vwọ kerhọn yovwi nọ izobo rẹ ẹkpa, kidie ayen riẹnre nẹ emu omiomiovwi ayen ruẹ-ẹ.

Jerimaya 11:4

ri mi ji iji kẹ esẹ rẹ ovwan re me vwọ reyọ ayen nẹ otọ rẹ Ijipt cha, nẹ erhanre rẹ utehru, ta nẹ, Kerhọn rẹ urhuru mẹ, re we ru obọ me ta kẹ ovwan, kẹ ovwan dia ihwo mẹ, ke me je dia Ọghẹnẹ rẹ ovwan,

Jerimaya 11:7

Kidie me da nabọ kpokpa kẹ esẹ rẹ ovwan re me vwọ reyọ ayen nẹ otọ rẹ Ijipt cha, kọke kọke rhi te nonẹ na, tanẹ, Nyo urhuru mẹ.

Jerimaya 26:13

Ọtiọye na ovwan gba rhẹriẹ idjerhe rẹ ovwan, wa je rhẹriẹ iruo rẹ ovwan asakiephana, re we nyo urhuru rẹ Ọrovwohwo Ọghẹnẹ rẹ ovwan, Ọrovwohwo ko kurhẹriẹ nẹ umiovwo ro ghwoghwori kpahe ovwan na.

Hosia 6:6

Kidie me guọnọ ehrọre ọ dia izobo-o, erianriẹn rẹ Ọghẹnẹ, nọ izobo rẹ ẹtorhẹ.

Hosia 8:13

Ayen guọnọ izobo; eranvwe rẹ ayen vwo ze izobo ayen rerọ; ẹkẹvuọvo Ọrovwohwo vwẹ omavwerhovwẹ vwẹ aye-en. Asakiephana kọ karohọ orukuruku rayen, kọ guọghọ imwemwu rayen, ayen che rhivwi kpo Ijipt.

Matiu 12:7

Ọ da dianẹ ovwan riẹ otọ rẹ ota nana, me guọnọ aruẹdọn ọ dia izobo-o, mane ovwan gbi se brorhiẹ hwe ọ rọ re ase-e.

Matiu 23:23

Ekan kẹ ovwan otu rẹ isiẹbe kugbe Farisi, evwọrọn efian! ovwan nenesi rẹ emu fanfaurhiẹ, we mi gbobọnyẹ emu ro fori, eta re urhi, ẹdjeguo, aruẹdọn kugbe esegbuyota; enana fobo ru we ru jovwo, we de gbobọnyẹ ayen.

Matiu 5:24

yan je izobo wẹn vwo vwẹ enu rẹ agbada na, rere wọ yanran, re wọ vẹ omoni wẹ na rhuẹrẹ kugbe tavwe rere wo ki rhi ze izobo wẹn.

Matiu 9:13

Ẹkẹvuọvo gba ra guọnọ otọ rẹ ota nana, me guọnọ arodọvwẹ, ọ dia izobo-o; mi rhi se evwata-a, ẹkẹvuọvo iruimwemwu.

Iyẹnrẹ Esiri ri Mak 12:33

nẹ wọ me vwẹ udu wẹn ejobi, kugbe ẹruọ wẹn ejobi, kugbe ogangan wẹn ejobi, wọ je guọnọ ọrivẹ wẹn kerẹ omaobọ wẹn, ọyena wan izobo ra torhẹre kugbe i re Zeri.

1 Samuẹl 13:12

Me da ta, Asakiephana ihwo ri Filistia na cha họrhọ bru vwe rhe vwi Gilgal, ye me je nọ ekpẹn rẹ ẹroesiri rẹ Ọrovwohwo-o, kọye me da gba oma mẹ, mi de ze izobo rẹ ẹtorhẹ na.

1 Samuẹl 13:13

Samuẹl da ta kẹ Sọl, Wo ru emu rẹ ẹkpa gangan; wọ sa yọnrọn urhi rẹ Ọrovwohwo Ọghẹnẹ wẹ-ẹn; ro ji kẹ wẹ; manẹ Asakiephana yẹ uvie wẹn ka ghwaotọ kokoroko vwẹ Izrẹl bẹdẹ,