1 Samuẹl 15:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Sọl da ra kẹ Samuẹl, Mi mu ọghọ kẹ urhuru rẹ Ọrovwohwo, Me yan uwevwi rẹ Ọrovwohwo ji vwe nure, mi mu Agag ovie rẹ Amalẹk rhe, Me da ghwọrọ ihwo rẹ Amalẹk tototo.

1 Samuẹl 15:20 ပူးပေါင်းရင်းမြစ်များ

ỌBE RẸ JOB 33:9

Wọ tare, Me epha fuanfon mi vwo ọyanchọ-ọ, me fonro, orukuruku hẹ evun mẹ-ẹ.

ỌBE RẸ JOB 34:5

Kidie Job tare, Mẹvwẹ ọvwata, Ọghẹnẹ da reyọ ẹkẹ mẹ yanran,

ỌBE RẸ JOB 35:2

Wo rori nẹ ọnana ọvwata? Wọ tanẹ, Ọna ẹken mẹ vwẹ obaro rẹ Ọghẹnẹ,

ỌBE RẸ JOB 40:8

Ku wọ ta kẹ vwẹ obo ri mi ru chọ? Ku wo brorhiẹ hwe vwe ru wọ vwọ re ase?

Matiu 19:20

Emeghene na da ta kẹ nẹ, Me yọnrọn irhi na ejobi. Kọ rhọ ji chekọ?

Iyẹnrẹ Esiri ri Luk 10:29

Ẹkẹvuọvo, rọ vwọ guọnọ brorhiẹ kẹ oma rọye, ọ da ta kẹ Jesu, Kono hẹ ọrivẹ mẹ?

Iyẹnrẹ Esiri ri Luk 18:11

Farisi na vrẹn mudia ọ da nẹ ẹrhovwo enẹ kẹ oma rọye, Ọghẹnẹ, me kpẹvwẹ owẹ nẹ me họhọ ihwo efa-a, re ghwa ihwo ria, ifuevu-u, igberadja, eyẹ tobọ họhọ omiarhọghọ nana.

Ọbe ri Pọl si rhe Ihwo ri Rom 10:3

Kidie, rẹ ayen vwọ dia ogbori rẹ ọvwata ro nẹ obọ rẹ Ọghẹnẹ rhe na, rẹ ayen vwọ guọnọ ọ robọ rẹ ayen ruẹ na, ayen rha vwẹ oma kpotọ kẹ ọvwata rẹ Ọghẹnẹ-ẹ.

1 Samuẹl 15:13

Samuẹl da rhe vwa Sọl, Sọl da ta kẹ, Ebruphihọ kẹ wẹ vwẹ oma rẹ Ọrovwohwo; mi ruru kirobo rẹ Ọrovwohwo ji urhi rọye kẹ vwẹ nure.

1 Samuẹl 15:3

Asakiephana gba ra ghwọrọ Amalẹk, re wọ guọghọ obo rẹ ayen vwori ejobi; wo jẹ ayen vwo-o, ẹkẹvuọvo hwe ọshare te aye, emeboba ri vievie kugbe imitete, erhuẹn ọshare vẹ igodẹ, kamẹl kugbe ekẹtẹkẹtẹ.

1 Samuẹl 15:8

Ọ de mu Agag ovie rẹ Amalẹk ọkpokpọ, ọ da vwẹ ọlọkọ nyavwe ihwo na ejobi hwe.

1 Samuẹl 28:18

Fikiridie wo mu ọghọ kẹ Ọrovwohwo-o, ophu ro muro kpahe Amalẹk wọ rhọvwe vwo ru iruo-o, kọye Ọrovwohwo vwo ru ọnana kẹ wẹ ẹdẹ ri nonẹ na.